Connect with us
Wednesday,12-May-2021

سیاست

امفان طوفان:وزیر اعظم مودی کی ہرممکن مدد کرنے کی یقین دہانی۔یہ وقت سیاست کا نہیں انسانیت کی بنیاد پر مدد کرنے کا وقت ہے

Published

on

وزیرا عظم نریندر مودی نے آج یقین دہانی کرائی ہے ”امفان طوفان“ کی تباہی و بربادی کے بعد بنگال حکومت کی مدد کرنے میں کوئی کسر نہیں چھوڑی جائے گی۔
وزیرا عظم مودی نے آج ٹوئیٹ کرتے ہوئے لکھا ہے کہ ”مصیبت کے اس وقت پورا ملک مغربی بنگال کے ساتھ کھڑا ہے،ہم سب ریاست کے عوام کے لئے دعا گو ہیں اور امید کرتے ہیں کہ جلد سے جلد حالات معمول پر آجائیں گے۔وزیرا عظم نے لکھا ہے کہ بنگال سے بڑے پیمانے پر تباہی کی خبریں آرہی ہیں۔یہ امتحان کی گھڑی ہے اور ہم سب مل کر اس کا مقابلہ کریں گے۔این ڈی آر ایف کی ٹیم طوفان سے متاثرہ علاقوں میں کام کررہی ہے اور سینئر افسران حالات کا جائزہ لے رہے ہیں۔
اس سے قبل وزیرا علیٰ ممتا بنرجی نے مرکزی حکومت سے کہا کہ یہ وقت سیاست کرنے کا نہیں ہے،کورونا سے کہیں زیادہ بڑے پیمانے پر اس طوفان نے تباہی مچائی ہے،ہزاروں کروڑ کا نقصان ہوا ہے۔اس لئے سیاست سے اوپر ہوکر ریاست کی مدد کی جائے۔
وزیرا علیٰ ممتا بنرجی نے کہا کہ ’سب کچھ برباد ہوچکا ہے، تمام ندیوں کے پشتے ٹوٹ چکے ہیں، اس سے اندازہ لگایا جاسکتا ہے کہ کتنے بڑے پیمانے پر نقصان ہوا ہے۔وزیراعلیٰ ممتا بنرجی نے کہا کہ ریاستی سیکریٹریٹ کا ایک بڑا حصہ نو بنو ٹوٹ گیا ہے۔وزیرا علیٰ نے کہا ہے کہ کلکتہ میں عمر کا ایک بڑا حصہ گزرگیا ہے۔میں نے کبھی ایسی تباہی نہیں دیکھی ہے۔ مجھے ایسا لگتا ہے جیسے میں نے اپنے کسی رشتہ دار کو کھو دیا ہے۔
وزیر اعلی نے کہا کہ اب تک 10 سے 12 اموات ہوچکی ہیں۔ تاہم، صحیح تعداد کا اعلان بعد میں کیا جائے گا۔ وزیر اعلی نے کہا کہ ریاست میں متعدد پل منہدم ہوگئے ہیں۔ بہت سارے مکانات، دریا کے پشتے ٹوٹ چکے ہیں۔ بجلی کے کھمبے ٹوٹ گئے ہیں۔وزیرا علیٰ نے کہا کہ 6ماہ قبل آئے’بلبل طوفان‘ کے بعد ہی ا ن ڈیموں کی مرمت کی گئی تھی، ندیوں کے ڈیموں کو بھی نقصان پہنچا ہے۔
مرکزی وزیر داخلہ امیت شاہ نے کل منگل کو وزیر اعلیٰ ممتا بنرجی کو فون کرکے ہر ممکن مدد کرنے کی یقین دہای کرائی تھی۔
ممتا بنرجی نے کہا کہ ”بلبل طوفان“ کے وقت بھی مرکز نے مدد کا وعدہ کیا تھا۔پہلے 11ہزار کروڑ روپے مدد کرنے کی یقین دہانی کرائی گئی۔بعد میں 7ہزار کروڑ روپے دینے کی بات کہی اور اب آخر میں صرف ایک ہزار کروڑ روپے مرکز نے بھیجے۔ممتا بنرجی نے کہا کہ بنگال بی جے پی کے لیڈر ان حکومت کی تنقید کرنے سے گریز نہیں کرتے ہیں۔بلبل طوفان میں بھی ریاست کے عوام کی مدد کرنے کے بجائے بنگال حکومت ہی تنقیدوں کا سلسلہ شروع کردح اور تنقیدوں کا کوئی موقع ضائع نہیں کرتے ہیں۔مگر مرکزی حکومت سے مدد لانے میں کوئی بھی کردار ادا نہیں کیا۔
وزیرا علیٰ نے کہا کہ ہماری سب سے اپیل یہ وقت سیاست کا نہیں ہے بلکہ انسانیت کی بنیاد پر ایک دوسرے کے ساتھ مدد کرنے کا ہے۔
اس سے قبل کل رات ہی کانگریس صدر سونیا گاندھی نے ممتا بنرجی کو فون کرکے طوفان سے متعلق جائزہ لیا تھا۔ممتا بنرجی گزشتہ دودنوں سے ریاستی سیکریٹریٹ میں موجود ہیں اور حالات جائزہ لے رہی ہیں۔

سیاست

ہندوستان متوازن تجارتی نظام کے حق میں ہے : پیوش

Published

on

Piyush

مرکزی وزیر صنعت و تجارت پیوش گویل نے بدھ کے روز کہا کہ ہندوستان تجارت اور سرمایہ کاری کے تحفظ پر ایک متوازن، بلند نظر، وسیع اور باہمی طور پر سود مند معاہدے کے لیے مذاکرہ شروع کرنے کے حق میں ہے۔

مسٹر گویل نے عالمی معاشی اسٹیج کے عالمی تجارت سیشن سے آن لائن خطاب کرتے ہوئے کہا کہ علاقائی جامع اقتصادی شراکت داری (آر سی ای پی) ایک متوازن معاہدہ نہیں تھا، کیونکہ اس سے ہندوستان کے کسانوں، چھوٹی صنعتوں-ایم ایس ایم ای، ڈیری صنعت کو نقصان ہوگا اور اس لیے حکومت کے لیے آر سی ای پی میں شامل نہ ہونا ایک سمجھ داری تھی۔

انہوں نے کہا کہ ہندوستان، برطانیہ اور یورپی یونین کے ممالک کے عوام کے لیے معاشی ترقی اور خوشحالی کے لیے تجارت اور سرمایہ کاری کے مذاکرات اور امکانات کے لیے تیار ہے۔ ہندوستان، برطانیہ، یورپی یونین، آسٹریلیا، کینیڈا اور امریکہ جیسے ممالک اور ادارے جمہوریت، شفافیت، قانون کی حکمرانی، عدالتوں کی آزادی، سرمایہ کاری کے قواعد، وغیرہ کے معاملے میں یکساں ہیں، نیز ان ممالک کے ساتھ ہندوستانی تجارت متوازن ہے۔

مسٹر گویل نے کہا کہ ہم یقینی طور پر کچھ ممالک کے محدود ایجنڈے کو قبول نہیں کرسکتے کیونکہ تجارتی نظام، سبسڈی نظام اور فائدہ جو ترقی یافتہ دنیا اٹھا رہی ہے‘ اسے ورلڈ ٹریڈ آرگنائیزیشن میں زیادہ سنجیدگی اور زیادہ ایمانداری کے ساتھ حل کیا جانا ہے۔ انہوں نے کہا کہ عالمی ایجنڈے کو ورلڈ ٹریڈ آرگنائیزیشن کے حقیقی جذبے سے غیر جانبدار، منصفانہ طور پر تیار کرنا ہوگا۔

کووڈ۔19 کے مسئلے پر مرکزی وزیر نے کہا کہ ہندوستان آج وباء کی دوسری لہر کا سامنا کر رہا ہے، اور اس لہر کی ہولناکی سنگین ہے۔ انہوں نے کہا کہ ہندوستان بلا روک ٹوک اس وباء کا مقابلہ کر رہا ہے۔ حکومت اہم سپلائی کی خریداری، ریاستوں میں آکسیجن کی سپلائی کی تقسیم اور اصل وقت کی نگرانی کو یقینی بنا رہی ہے۔ انہوں نے کہا کہ پیہم جدد وجہد کے ساتھ، ہم جلد ہی اس عالمی چیلنج سے نمٹ لیں گے اور مضبوط بنیں گے۔ انہوں نے کہا کہ ہندوستان لچیلا عالمی سپلائی چین کا ایک لازمی حصہ بننا چاہتا ہے۔ یہاں تک کہ وباء کی پہلی لہر کے دوران بھی‘ ملک نے اپنے تمام بین الاقوامی وعدوں اور ذمہ داریوں کو پورا کیا۔

Continue Reading

سیاست

یوگی حکومت بڑی آبادی کو کورونا ویکسینیشن سے محروم رکھنا چاہتی ہے : اکھلیش

Published

on

akhilesh

سماج وادی پارٹی (ایس پی) کے صدر اکھلیش یادو نے الزام لگایا کہ اتر پردیش کی بھارتیہ جنتا پارٹی (بی جے پی) حکومت کورونا ویکسینیشن کے آن لائن اندراج کے بہانے ایک بڑی آبادی کو حفاظتی ٹیکوں سے محروم کرنا چاہتی ہے۔

مسٹر یادو نے بدھ کو کہا کہ بی جے پی حکومت جس نے ڈاٹا کو جوڑ توڑ کر کے ڈبلیو ایچ او کی طرف سے تعریف حاصل کی تھی، بی جے پی کو گنگا میں بہتی لاشوں کی تصاویر پریشان نہیں کرتی ہیں۔

مسٹر یادو نے بدھ کو کہا کہ بی جے پی حکومت نے آن لائن رجسٹریشن پر ہی ویکسینیشن کی سہولیات مہیا کی ہیں۔ غریب، مزدور اور گاؤں کی آبادی ویکسینیشن سے کس طرح فائدہ اٹھا سکے گی۔ حکومت کو یہ بھی بتانا چاہئے، کہ تمام مراکز پر مفت ویکسین کیوں دستیاب نہیں ہے۔ سچ یہ ہے کہ آن لائن کے بہانے ریاست کی بڑی آبادی کو ویکسین سے محروم کرنا چاہتی ہے۔

انہوں نے کہا کہ اگر بی جے پی حکومت تمام لوگوں کو مفت میں ویکسین نہیں لگائے گی تو سماج وادی پارٹی کی حکومت 2022 میں ہر شخص کو یہ سہولت فراہم کرائے گی۔ دنیا میں کوئی بھی ویکسین جو سب سے زیادہ موثر ہوگی، اور جس کا عمل آسان ہے اسے دستیاب کرایا جائے گا۔ سماج وادی حکومت میں ہیلتھ خدمات کارگر ثابت ہوں گی۔ دوا علاج کے بغیر کوئی نہیں رہے گا۔ ہر ایک کے زندہ رہنے کے حق کا پورا احترام کیا جائے گا۔ سماج وادی حکومت میں ہر شہری کو مکمل طبی سہولیات فراہم کی جائے گی۔

Continue Reading

جرم

دکان میں آگ لگنے سے لاکھوں کا نقصان

Published

on

fire

اترپردیش کے شہر پریاگراج شہر کے مٹھی گنج میں منگل کو ایک موبائل شاپ میں آگ لگنے سے لاکھوں روپے مالیت کا سامان جل کر تباہ ہوگیا۔

پولیس ذرائع نے بتایا کہ راجیش گپتا عرف پپو نے مٹھی گنج کے علاقے میں سلکی چوراہے کے قریب رام جانکی مارکیٹ کے نزدیک اپنے گھر میں ایک الیکٹرونک اور موبائل کی دکان کررکھی تھی۔ بدھ کی صبح دکان سے اچانک دھواں اٹھتے دیکھ کر محلے کے لوگوں نے پولیس اور فائر بریگیڈ کو اطلاع دی۔ جلد ہی شعلے نکلنا شروع ہوگئے۔ اس دوران پولیس اور فائر بریگیڈ کے اہلکار جائےواقع پر پہنچ گئے اور کافی کوششوں کے بعد آگ پر قابو پایاگیا۔ دکاندار کے مطابق آگ لگنے کی وجہ سے لاکھوں روپے مالیت کا سامان جل گیا۔

انہوں نے بتایا کہ پہلی نظر میں آگ لگنے کی وجہ شارٹ سرکٹ لگتی ہے۔ آگ لگنے سے ہونے والے نقصان کا اندازہ لگانا ممکن نہیں ہے۔

Continue Reading
Advertisement

رجحان

WP2Social Auto Publish Powered By : XYZScripts.com