Connect with us
Saturday,12-June-2021

بین الاقوامی خبریں

آسٹریلیا:فائرنگ،متعدد افراد زخمی

Published

on

آسٹریلیا کے شہر ملبورن میں نائٹ کلب کے باہر فائرنگ سے متعدد افراد کے زخمی ہونے کی اطلاعات ہیں جبکہ ابھی تک کسی شخص کی ہلاکت کی اطلاع نہیں ہے۔
غیر ملکی خبر ایجنسی کے مطابق ملبورن روڈ پر لٹل چیپل اسٹریٹ کے قریب یہ فائرنگ کا واقعہ پیش آیا ہے،جس میں ابھی تک زخمی افراد کی تعداد اور ان کی حالت کے بارے میں کچھ نہیں بتایا گیا ہے ۔
مقامی میڈیا کے مطابق زخمی افراد کی تعداد 3 سے 4 ہے جن میں سے 2 زخمیوں کی حالت نازک بتائی جاتی ہے، پولیس کی جانب سے فائرنگ کے واقعہ کی مزید تحقیقات کی جا رہی ہیں۔
پولیس کا کہنا ہے کہ فائرنگ کی وجہ کا ابھی تک پتہ نہیں چل سکا ہے جس کے باعث ابھی تک کوئی گرفتاری عمل میں نہیں آسکی ہے۔پولیس نے اپنے بیان میں کہا ’’پو لیس اور تفتیشی ایجنسیاں اس فائرنگ کی تفتیش کررہی ہے تفتیش کاروں کا ماننا ہے کہ لٹل چیپل اسٹریٹ اور مال ورن اسٹریٹ روڈ کے قریب تین بجکر10منٹ پر کئی لوگوں پر فائرنگ کی گئی ۔چار افراد کو علاج کیلئے اسپتال میں داخل کرایا گیاہے۔

بین الاقوامی خبریں

کورونا وائرس کے مریضوں میں اضافے سے افغانستان میں امریکی ویزا آپریشن معطل

Published

on

afganistan

افغانستان میں امریکی سفارتی مشن نے ملک میں کورونا وائرس کے بڑھتے ہوئے معاملوں کے پیش نظر اتوار سے ویزا آپریشن معطل کر دیا ہے۔

امریکی سفارتخانہ نے ایک بیان میں کہا کہ “فی الحال کورونا وائرس پھیلنے کے پیش نظر سفارت خانہ کے مشاورتی سیکشن میں 13 جون سے ویزا کے تمام آپریشن معطل رہیں گے۔” بیان میں یہ بھی کہا گیا ہے، کہ جن کا شیڈول طے ہو گیا ہے، وہ ویزا آپریشن دوبارہ شروع ہوتے ہی انہیں دوبارہ ترتیب دے سکیں گے۔

سفارتی مشن نے کہا کہ “ہم درخواست دہندگان کو ہونے والی تکلیف محسوس کر سکتے ہیں، اور اس پر ہمیں افسوس ہے، کیونکہ ہم اپنے ملازمین اور درخواست دہندگان کی صحت کی حفاظت کو سب سے مقدم رکھتے ہیں۔”

سفارت خانہ نے کہا کہ امریکی حکومت بہر صورت افغانستان اور عالمی سطح پر کورونا وائرس کے انفیکشن کو روکنے کے لئے اپنی پوری کوشش جاری رکھے گی۔

قابل ذکر ہے کہ اب تک افغانستان میں کورونا وائرس کے 87 ہزار سے زیادہ معاملے ہو چکے ہیں، اور 60500 افراد اس وباء شفایاب ہو چکے ہیں، جبکہ 3412 مریض فوت ہوئے ہیں۔

Continue Reading

بین الاقوامی خبریں

دنیا بھر میں کورونا سے 37.80 لاکھ افراد کی موت

Published

on

Corona-in-World

دنیا میں کورونا وائرس (کووڈ-19) کا قہر جاری ہے، اور اب تک اس وباء کی وجہ سے 37.80 لاکھ سے زیادہ افراد کی موت ہو چکی ہیں۔

امریکہ کی جان ہاپکنز یونیورسٹی کے سائنس اینڈ انجینئرنگ کے مرکز (سی ایس ایس ای) کے جاری کردہ تازہ ترین اعدادوشمار کے مطابق دنیا کے 192 ممالک اور خطوں میں متاثرہ افراد کی تعداد 17 کروڑ 51 لاکھ 85 ہزار 464 ہو گئی ہے، جبکہ 37 لاکھ 80 ہزار 719 افراد کی اس کی وجہ سے موت ہوئی ہیں۔

دنیا کے سپر پاور مانے جانے والے امریکہ میں کورونا وائرس کی رفتار کچھ سست ہوئی ہے۔ یہاں متاثرین کی تعداد تین کروڑ 34 لاکھ 37 ہزار 703 ہو گئی ہے، اور اس کے انفیکشن کی وجہ سے 599180 لاکھ سے زیادہ افراد ہلاک ہو گئے ہیں۔

کورونا کے معاملے میں ہندوستان دنیا میں دوسرے اور اموات کے لحاظ سے تیسرے نمبر پر ہے۔ گذشتہ 24 گھنٹوں میں 84332 نئے معاملوں کی آمد کے ساتھ ہی متاثرہ افراد کی تعداد دو کروڑ 93 لاکھ 59 ہزار 155 ہوگئی۔ اس دوران ایک لاکھ 21 ہزار 311 مریض صحت مند ہوچکے ہیں، جس کے ساتھ ملک میں اب تک دو کروڑ 79 لاکھ 11 ہزار 384 افراد اس وباء کو شکست دے چکے ہیں۔ فعال معاملے 40981 کم ہو کر 10 لاکھ 80 ہزار 690 رہ چکے ہیں۔ اس دوران 4002 مریض فوت بھی ہوئے۔ ملک میں اس بیماری سے مرنے والوں کی کل تعداد تین لاکھ 67 ہزار 81 ہو گئی ہے۔

متاثرہ افراد کے معاملے میں برازیل اب تیسری پوزیشن پر ہے۔ اس ملک میں ایک بار پھر کورونا انفیکشن کے کیسز بڑھ رہے ہیں، اور اب تک اس سے 1.72 کروڑ سے زیادہ افراد متاثر ہو چکے ہیں، جبکہ 4.84 لاکھ سے زیادہ افراد ہلاک ہو چکے ہیں۔ برازیل کورونا سے ہونے والی اموات کے معاملے میں دنیا میں دوسرے نمبر پر ہے۔

Continue Reading

بین الاقوامی خبریں

چین کے صوبہ گوئیزو میں کیمیکل اخراج سے آٹھ افراد کی موت

Published

on

Chemical leaks

چین کے صوبہ گوئیزو میں کیمیکل رساؤ ہونے سے کم از کم آٹھ افراد کی موت ہو گئی ہے، اور تین دیگر بیمار ہوگئے ہیں۔

مقامی میڈیا نے ہفتے کو یہ اطلاع دی ہے۔ مقامی محکمہ پبلک سیفٹی کو یہ اطلاع موصول ہوئی تھی کہ سنیچر کی درمیانی شب کے بعد تقریباََ 0012 بجے صوبہ گوئیزو کے دارالحکومت جنوبی گوئیانگ کے کوئیانگ اقتصادی اور تکنیکی ترقی کے زون میں ایک گاڑی سے میتھائل فارمیٹ کو اتارتے وقت کئی افراد بیہوش ہو گئے تھے۔

ابتدائی جانچ کے مطابق کیمیکل پلانٹ میں صوبہ ہوبائی کی لائسنس پلیٹ والی گاڑی سے میتھائل فارمیٹ کو اتارے جاتے وقت کیمیکل کا رساؤ ہوا۔ تمام بیمار افراد کو اسپتال میں داخل کرایا گیا، ان میں سے آٹھ کی موت ہو گئی، اور تین ابھی تک بیمار ہیں۔ ماہرین پہلے ہی جائے وقوعہ پر ماحول اور ہوا کے معیار کی جانچ کر چکے ہیں، جو اب معمول پر ہے۔ واقعہ کی جانچ کی جاری ہے۔

Continue Reading
Advertisement

رجحان

WP2Social Auto Publish Powered By : XYZScripts.com