پاکستان کے ٹسٹ کرکٹر اور وکٹ کیپر عمر اکمل پر عالمی ثالثی عدالت نے 12 ماہ کی پابندی اور 42 لاکھ 50 ہزار روپے جرمانہ عائد کیا ہے۔

عالمی ثالثی عدالت نے انڈیپنڈنٹ ایڈجوڈیکٹر کے فیصلہ کے خلاف پاکستان کرکٹ بورڈ اور عمر اکمل کی جانب سے دائر کردہ اپیلوں پر فیصلہ سنایا ہے۔
فیصلہ کے مطابق پی سی بی کوڈ آف کنڈکٹ کی شق 2.4.4 کی ایک مرتبہ خلاف ورزی کرنے پر عمر اکمل پر پابندی عائد کر دی۔

ہندوستانی مکہ باز نوین بورا (69 کلوگرام) نے بلغاریہ کے صوفیا میں کھیلے جارہے 72ویں اسٹرینجا میموریئل ٹورنامنٹ کے تیسرے دن شاندار کارکردگی کا مظاہرہ کرتے ہوئے سیمی فائنل میں جگہ بنا کر ہندوستان کے لئے ایک کانسہ کا تمغہ یقینی کر لیا ہے۔

اس بیچ اپنا پہلا سینئر بین الاقوامی ٹورنامنٹ کھیل رہے منجیت سنگھ (91 کلوگرام) نے آئرلینڈ کے گیتس لسنسکاس کو چار۔صفر سے شکست دے کر کوارٹر فائنل میں داخلہ حاصل کر لیا۔ ہریانہ کے مکہ باز منجیت کا جمعرات کو اگلے راونڈ میں مقابلہ ارمینیا بی کے گرگین ہوہانسیان سے ہوگا۔

مکہ باز جیوتی گلیا، بھاگیاوتی کچاری اور دیپ کمار بھی جمعرات کو کوارٹرفائنل مقابلے میں اتریں گے۔ سال 2017 میں یوتھ عالمی چیمپئن جیوتی نے گزشتہ دورہ میں دو مرتبہ کی عالمی چیمپئن قازقستان کی ناظم کزائبے کو شکست دی تھی۔ جیوتی کا 51 کلوگرام زمرے میں رومانیہ کی لاکرامیو اراپیرزوک سے مقابلہ ہوگا جبکہ بھاگیہ وتی 75 کلوگرام زمرے میں امریکہ کی ناومی گراہم سے مقابلہ کریں گی۔

ایشیائی چیمپئن شپ کے نقرئی تمغہ فاتح دیپک (52 کلو گرام) کا مقابلہ بلغاریہ کے دارسلاف واسلیف سے ہوگا۔

انگلینڈ کے کپتان اور پارٹ ٹائم آف اسپنر جو روٹ (آٹھ رن پر پانچ وکٹ) اور لیفٹ آرم اسپنر جیک لچ (54 رن پر چار وکٹ) نے شاندار گیند بازی کرتے ہوئے ہندوستان کو نریندر مودی اسٹیڈیم میں تیسرے ڈے نائٹ کرکٹ ٹسٹ میچ کے دوسرے دن جمعرات کو پہلی اننگز میں 145 رن پر سمیٹ دیا۔

ہندوستان کو اس طرح پہلی اننگز میں 33 رن کی برتری حاصل ہوئی۔ ہندوستان نے کل کے تین وکٹ پر 99 رن سے آگے کھیلنا شروع کیا تھا، اور اس کی اننگز 145 رن پر سمٹ گئی۔

انگلینڈ نے پہلی اننگز میں 112 رن بنائے تھے۔ روٹ نے اپنے کیریر میں پہلی مرتبہ اننگز میں پانچ وکٹ حاصل کیے۔ ہندوستان کے کپتان وراٹ کوہلی کل ٹیم کے 98 کے اسکور پر آوٹ ہوئے تھے۔