Connect with us
Saturday,04-July-2020

جرم

نکسلیوں کےحملے میں بی جے پی رکن اسمبلی اور چار سکیورٹی اہلکار ہلاک : چھتیس گڑھ

Published

on

چھتیس گڑھ کے ضلع دنتے واڑہ میں نکسلیوں کی طرف سے کئے گئے بارودی سرنگ دھماکے سے بی جے پی کے ممبر اسمبلی بھیمامنڈاوی اور چار سیکورٹی اہلکار ہلاک ہو گئے ۔
پولیس ذرائع نے بتایا کہ دنتے واڑہ کے ممبر اسمبلی بھیما مڈاوي بستر پارلیمانی سیٹ پر تشہر کے آخری دن بچیلي میں میٹنگ میں شرکت کے بعد شام تقریبا چار بجے نکلنار واپس جا رہے تھے کہ راستے میں کیو یكوڈا سے چار کلومیٹر دور نکسلیوں نے بارودی سرنگ سے دھماکہ کر کے ان کی گاڑی کو اڑا دیا۔ یہ دھماکے اتنا شدید تھا کہ ممبر اسمبلی کی گاڑی کے پرخچے اڑ گئے۔
ذرائع نے بتایا کہ اس دھماکہ میں رکن اسمبلی مانڈوی اور چار سکیورٹی اہلکار ہلاک ہو گئے ۔ ان کی لاشوں کے ٹکڑے دور دور تک بکھر گئے ۔ نكسليو نے دھماکے کے بعد فائرنگ بھی کی اور اس کے بعد جنگلوں کی طرف بھاگ گےجس مقام پر دھماکہ ہوا وہاں کئی فٹ گہرا گڈھا بن گيا ۔ جائے وقوعہ پر پہنچی پولیس اور انتظامیہ کے اعلی افسران اضافی پولیس فورس کو لے کر پہنچ گئے ہے اور علاقے میں تلاشی شروع کی گئی ہے۔
یہ علاقہ بستر پارلیمانی حلقہ میں آتا ہے جہاں پر آج شام ہی ا نتخابی مہم ختم ہو ئی ہے ۔یہاں پر لوک سبھا انتخابات کے پہلے مرحلے میں 11 اپریل کو پولنگ ہونی ہے ۔ اس واقعہ سے پورے علاقے میں خوف و ہراس پھیل گیا ہے۔ سیاسی پارٹیوں کے لوگوں اور انتخابی ڈيوٹي پر تعینات ملازمین میں سب سے زیادہ دہشت کا ماحول ہے۔ اس نکسل علاقے میں گزشتہ روز سے ہی پولنگ عملے سیکورٹی فورسز کے ہیلی کاپٹروں سے روانہ کیا جا رہاہے۔

Continue Reading
Click to comment

Leave a Reply

Your email address will not be published. Required fields are marked *

جرم

پوار واڑی پولس کی چھاپہ مار کارروائی میں 4 لاکھ مالیت کا 45 کلو گانجہ ضبط، 6 جولائی تک ملزم کو پولس کسٹڈی

Published

on

(وفا ناہید)
مالیگاؤں شہر ایس پی سندیپ گھوگھے نے کل شام پولس کنٹرول روم میں اخباری نمائندوں کو تفصیلات فراہم کرتے ہوئے کہا کہ دیر رات گئے پولس کو معلومات ملی تھی کہ مالیگاؤں شہر میں ایک آدمی گانجہ لیکر آیا ہے. تب پولس نے جال بچھا کر اسے گرفتار کر لیا۔ ملزم کے خلاف پوار واڑی پولس اسٹیشن میں گناہ رجسٹر نمبر 357 /2020 NDPS کی دفعہ 20 (بی) 22 (بی) کے تحت مقدمہ درج کیا گیا ہے مزید تفتیش پولس سب انسپکٹر کیل سنگھ پاورا کررہے ہیں۔ گرفتار ملزم کو عدالت میں پیش کیا گیا جہاں معزز جج نے 6 جولائی تک پولس کسٹڈی دی ہے۔ ایڈیشنل ایس پی نے کہا کہ پوار واڑی پولس اسٹیشن کی ٹیم نے بروقت کارروائی کی ہے اور شہر میں بڑھتے ہوئے غیر قانونی کاروبار کو ختم کرنے کی یہ ایک کوشش ہے۔ ایڈیشنل ایس پی نے مزید کہا کہ شہر میں کسی بھی قسم کے غیر قانونی کاروبار کو برداشت نہیں کیا جائے گا. اگر کوئی شخص نشہ آور اشیاء کا کاروبار کرتا ہے تو اس کی اطلاع پولس کو فوری طور پر دی جائے تاکہ شہر میں جاری نشہ آور اشیاء کے کاروبار کو ختم کیا جاسکے. اس ضمن میں مکمل تفصیلات کے مطابق کیمپ ڈی وائے ایس پی منگیش چوہان کو ملی خفیہ معلومات کے ذریعہ اطلاع ملی کہ پوار واڑی پولس اسٹیشن کی حد میں نشہ آور اشیاء کو فروخت کرنے کی غرض سے محمد گلزار محمد کلیم عرف پاپا نامی نوجوان اپنی موٹر سائیکل MH 41 – 5289 پر سوار دھولیہ کی سمت سے مالیگاؤں شہر میں آصف چوہا، ممبیا، آمین کی ملکیت کا 45 کلو گانجہ لیکر آرہا ہے۔ اس خفیہ اطلاع کے ملتے ہی ناسک ضلع ایس پی ڈاکٹر آرتی سنگھ اور مالیگاؤں شہر ایس پی سندیپ گھوگھے کی رہنمائی میں پوار واڑی پولس انسپکٹر گلاب راؤ پاٹل، پولس انچارج کیل سنگھ پوار, اسپیشل اسکواڈ کے عمران سید، سچن بوداڑے، سچن تھورات, مورے کے علاوہ پوار واڑی پولس اسٹیشن کے سریش باوسکر، سید، پگارے، ونایک جگتاپ ،امباداس ،نوناتھ شیلار ،راکیش جادھو وغیرہ نے ممبئی آگرہ روڈ پر واقع لبیک ہوٹل کے پاسکارروائی کرتے ہوئے گلزار محمد کلیم عرف پاپا سے پوچھ تاچھ کرکے اس کے قبضہ سے موٹر سائیکل سمیت 4 لاکھ 70 ہزار روپے مالیت کا 45 کلو گانجہ ضبط کیا. اس طرح پولس کی بروقت چھاپہ مار کاروائی سے نشہ آور گانجے کا ایک بڑا ذخیرہ ضبط کیا گیا.

Continue Reading

جرم

مالیگاؤں : گرنا ندی میں نہانے کے شوق نے 14 سالہ محفوظ الرحمن کو غرقاب کردیا

Published

on

(وفا ناہید)
آج بروز سنیچر ساڑھے 3 سے 4 بجے کے درمیان گرنا ندی میں ڈوب جانے کی وجہ سے ایک بچے کی موت واقع ہوگئی. اس ضمن میں ملی تازہ تفصیلات کے مطابق معصوم شاہ کٹی سے آگے گرنا ندی میں کچھ بچے نہانے گئے تھے. چونکہ امسال بھی اچھی بارش کا سلسلہ جاری ہے. جس کی وجہ سے گرنا ندی اپنے شباب پر ہے. لہذا پانی کا نظارہ کرنے اور ندی میں نہانے کے شوقین گرنا ندی کا رخ کررہے ہیں. آج دوپہر میں کچھ بچے گرنا ندی میں نہانے کے لئے پہنچے. بچے ندی میں نہانے کا شوق پورا کررہے تھے کہ اسی وقت ایک بچہ پانی کے بہاؤ کی نذر ہوگیا. اس بچے کو ڈوبتا دیکھ کر اس کے ساتھی ڈر کے مارے بھاگ گئے. تب کسی نے شکیل تیراک کو اس بچے کے پانی میں ڈوبنے کی اطلاع دی. اس خبر کے ملتے ہی شکیل تیراک فورآ ہی جائے وقوع ہر پہنچ گئے اور معصوم شاہ کٹی میں واقع بھیکن شاہ درگاہ کے پاس گرنا ندی کے 8 سے 10 فٹ گہرے پانی سے اس بچے کی لاش نکالنے میں کامیابی حاصل کی. شوشل میڈیا پر بچے کی تصویر وائرل ہونے کے بعد اس کی شناخت ہوئی. 14 سالہ محفوظ الرحمان خلیل احمد, اسمعیل نانڈیری اسکول کے پاس , شبیر نگر گلی نمبر 2 کا ساکن تھا. گہرے پانی سے لاش نکالنے کے بعد شکیل تیراک اسے سول ہاسپٹل لے گئے. جہاں قانونی کاروائی کے بعد لاش وارثین کے حوالے کردی گئی.

Continue Reading

بین الاقوامی خبریں

دنیا میں کورونا وائرس : متاثرین 11193565، ہلاکتیں 529127

Published

on

virus

دنیا بھر میں عالمی وباکورونا وائرس ’کووڈ 19‘ کاقہر بڑھتا ہی جارہا ہے اور دنیا بھر میں اس کے متاثرین کی تعداد 11193565 جبکہ ہلاکتوں کی تعداد 529127 ہوچکی ہے۔
امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق دنیا بھر میں کورونا وائرس سے متاثرہ افراد کی تعداد 1 کروڑ 11 لاکھ 93 ہزار 565 تک جا پہنچی ہے جبکہ اس سے ہلاکتیں 5 لاکھ 29 ہزار 127 ہو گئیں۔
کورونا وائرس کے دنیا بھر میں 43 لاکھ 33 ہزار 103 مریض اسپتالوں، قرنطینہ مراکز میں زیرِ علاج اوراپنے اپنے گھروں میں آئسولیشن میں ہیں، جن میں سے 58 ہزار 836 کی حالت تشویش ناک ہے جبکہ 63 لاکھ 31 ہزار 335 مریض صحت یاب ہو چکے ہیں۔
امریکہ تاحال کورونا وائرس سے سب سے زیادہ متاثرہ ملک ہے جہاں ناصرف کورونا مریض بلکہ اس سے ہلاکتیں بھی اب تک دنیا کے تمام ممالک میں سب سے زیادہ ہیں۔
امریکہ میں کورونا وائرس سے اب تک 1 لاکھ 32 ہزار 101 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 28 لاکھ 90 ہزار 588 ہو چکی ہے۔
امریکہ میں کورونا وائرس کے 15 لاکھ 22 ہزار 999 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 15 ہزار 928 کی حالت تشویش ناک ہے جبکہ 12 لاکھ 35 ہزار 488 کورونا مریض اب تک شفایاب ہو چکے ہیں۔

Continue Reading
Advertisement

رجحان

WP2Social Auto Publish Powered By : XYZScripts.com