Connect with us
Saturday,26-September-2020

جرم

نکسلیوں کےحملے میں بی جے پی رکن اسمبلی اور چار سکیورٹی اہلکار ہلاک : چھتیس گڑھ

Published

on

چھتیس گڑھ کے ضلع دنتے واڑہ میں نکسلیوں کی طرف سے کئے گئے بارودی سرنگ دھماکے سے بی جے پی کے ممبر اسمبلی بھیمامنڈاوی اور چار سیکورٹی اہلکار ہلاک ہو گئے ۔
پولیس ذرائع نے بتایا کہ دنتے واڑہ کے ممبر اسمبلی بھیما مڈاوي بستر پارلیمانی سیٹ پر تشہر کے آخری دن بچیلي میں میٹنگ میں شرکت کے بعد شام تقریبا چار بجے نکلنار واپس جا رہے تھے کہ راستے میں کیو یكوڈا سے چار کلومیٹر دور نکسلیوں نے بارودی سرنگ سے دھماکہ کر کے ان کی گاڑی کو اڑا دیا۔ یہ دھماکے اتنا شدید تھا کہ ممبر اسمبلی کی گاڑی کے پرخچے اڑ گئے۔
ذرائع نے بتایا کہ اس دھماکہ میں رکن اسمبلی مانڈوی اور چار سکیورٹی اہلکار ہلاک ہو گئے ۔ ان کی لاشوں کے ٹکڑے دور دور تک بکھر گئے ۔ نكسليو نے دھماکے کے بعد فائرنگ بھی کی اور اس کے بعد جنگلوں کی طرف بھاگ گےجس مقام پر دھماکہ ہوا وہاں کئی فٹ گہرا گڈھا بن گيا ۔ جائے وقوعہ پر پہنچی پولیس اور انتظامیہ کے اعلی افسران اضافی پولیس فورس کو لے کر پہنچ گئے ہے اور علاقے میں تلاشی شروع کی گئی ہے۔
یہ علاقہ بستر پارلیمانی حلقہ میں آتا ہے جہاں پر آج شام ہی ا نتخابی مہم ختم ہو ئی ہے ۔یہاں پر لوک سبھا انتخابات کے پہلے مرحلے میں 11 اپریل کو پولنگ ہونی ہے ۔ اس واقعہ سے پورے علاقے میں خوف و ہراس پھیل گیا ہے۔ سیاسی پارٹیوں کے لوگوں اور انتخابی ڈيوٹي پر تعینات ملازمین میں سب سے زیادہ دہشت کا ماحول ہے۔ اس نکسل علاقے میں گزشتہ روز سے ہی پولنگ عملے سیکورٹی فورسز کے ہیلی کاپٹروں سے روانہ کیا جا رہاہے۔

Continue Reading
Click to comment

Leave a Reply

Your email address will not be published. Required fields are marked *

جرم

بھیونڈی کے بعد مالیگاؤں میں 80 سالہ قدیم عمارت کا ایک حصہ اچانک منہدم

Published

on

(خیال اثر)
بھیونڈی میں گذشتہ دنوں 40 سالہ پرانی عمارت تاش کے پتوں کی طرح ڈھے گئی. بتادیں اس دردناک حادثے میں 40 سے زائد لوگ ہلاک ہوگئے ہیں اور بہت سارے افراد شدید زخمی ہیں. مذکورہ بالا عمارت 40 سال پرانی تھی. بھیونڈی میں ہوئے اس بلڈنگ حادثے کے بعد پڑوسی شہر مالیگاؤں میں کل رات 3بج کر 20 منٹ پر 1938 میں تعمیر کیا ایک مکان زمین بوس ہوگیا.
اس ضمن میں ملی اطلاعات کے مطابق شہر کے پانچ قندیل علاقے میں ایک 80 سالہ پرانا مکان اچانک منہدم ہوگیا. اس حادثے میں جو بات قابل ذکر ہے وہ یہ ہے کہ بھیونڈی میں ہوا بلڈنگ حادثہ بھی رات 3 منٹ بج کر 20 منٹ پر ہوا تھا. ذرائع سے موصولہ اطلاعات کے مطابق پانچ قندیل پر تلک روڑ, جین مندر کے بازو میں گھر نمبر 112 میں 67 سالہ رمیش کاشی ناتھ باگل اپنی بیوی الکا رمیش باگل 62 کے ساتھ رہائش پذیر تھے. اس پرانے مکان کے بازو میں تعمیراتی کام چل رہا تھا. کل رات اچانک جب سارا شہر محو خواب تھا. اس پرانے مکان کی ایک دیوار زمین منہدم ہوگئی. جس کی وجہ سے یہ ضیعف العمر جوڑا اس مکان کے ملبے میں دب گیا. اس بزرگ جوڑے کی چیخ پکار ان کر اہلیان محلہ جاگ گیا اور انہیں ملبے میں سے نکالنے کی ناکام کوشش کرنے لگا. اسی وقت سابق کارپورہٹر دیپک ساؤڑے بے فائربریگیڈ کے شکیل تیراک سے رابطہ قائم کیا. اس حادثے کی خبر سنتے ہی شکیل تیراک نے فورآ جائے وقوع پر پہنچ کر اس بزرگ جوڑے کو ملبے سے باہر نکالا. دونوں میاں بیوی خاصے زخمی ہوچکے تھے. لہذا انہیں طبی امداد پہنچانے کے لئے شہر سول ہاسپٹل میں داخل کیا گیا. جہاں علاج معالجے کے بعد ان می حالت میں سدھار واقع ہوا.

Continue Reading

جرم

بھیونڈی مجلس اتحاد المسلمین کے صدر کی رہائش گاہ پر پولس کا چھاپہ

Published

on

جمعرات کی رات پولیس نے بھیونڈی شہر میں واقع صمد نگر مجلس اتحاد المسلمین کے صدر خالد گڈو کی رہائش گاہ پر چھاپہ مارا۔ اس چھاپہ مار کاروائی میں مقامی پولیس کو باہر رکھا گیا تھا۔ چھاپے کے وقت 30 سے ​​35 پولیس افسران اور عملہ کی گاڑیاں جائے وقوع پر پہنچی تھیں۔ پولس کی جانب سے ہوئی اس سخت کارروائی کا مشاہدہ کرنے کے لئے مقامی شہریوں کا ایک اژدہام ایم آئی ایم کے صدر کی رہائش گاہ پر اکٹھا ہوا تھا، بھیڑ کو ہٹانے کے لئے پولس کو لاٹھی چارج کرنا پڑی۔ اس کارروائی میں، چیئرمین خالد گڈو کے چھوٹے بھائی سمیت سات افراد کو پولس گرفتار کیا ہے۔
موصولہ اطلاع کے مطابق، انسداد تاوان اور نارکو ٹیسٹ کے عہدیداروں کے ذریعہ چھاپہ مارنے کا امکان ہے، بتایا جارہا ہے کہ آج صبح نو سے دس بجے کے درمیان، پولیس اس معاملے کا انکشاف کرنے والی تھی۔ پہلے خالد گڈو راشٹروادی کانگریس پارٹی میں تھے. لیکن بعد میں مجلس اتحاد المسلمین نے انھیں بھیونڈی کا صدر بنا دیا تھا اور انہوں نے اسمبلی انتخاب بھی لڑا تھا، ان کی صدارت میں رکن پارلیمنٹ اور مجلس کے سربراہ اسد الدین اویسی نے انتخابات کے وقت بھیونڈی میں ایک اجلاس لیا تھا۔ پارٹی کے سربراہ اسد الدین اویسی کیا فیصلہ کریں گے؟ اس پر اب کی نظریں ٹکی ہیں.

Continue Reading

جرم

پٹرول پمپ پر تین ملازمین پرحملہ، ایک کی موت

Published

on

murder

ہریانہ کے شہر حصار میں سرسہ بائی پاس پر چنگی کے نزدیک واقع گوئل پٹرول پمپ پر سو رہے تین ملازمین پر آج صبح ایک نوجوان نے ہتھوڑے نما اسلحہ سے بے رحمی سے حملہ کردیا جس میں ایک ملازمین کی موت ہوگئی جبکہ دو زخمی ہوگئے۔
پولیس نے بتایا کہ واقعہ کا پتہ اس وقت لگا جب ایک پٹرول پمپ کا ورکر صبح ڈیوٹی پر پہنچا ، اور اس نے دیکھا کہ یہ تینوں ملازمین خون میں پڑے ہوئے ہیں۔ اس کی اطلاع اس نے پٹرول پمپ کے مالک کو دی۔ ایک کی موت ہوچکی تھی جبکہ دو کی حالت تشویشناک ہے۔ یہ واقعہ سی سی ٹی وی میں قید ہوگیا۔
پولس نے بتایاکہ ابتدائی جانچ کے مطابق حملہ لوٹ کے مقصد سے کیا گیا ہے۔ سی سی ٹی وی فوٹیج کی بنیاد پر ملزم تک پہنچنے کی کوشش کی جارہی ہے۔

Continue Reading
Advertisement

رجحان

WP2Social Auto Publish Powered By : XYZScripts.com