Connect with us
Tuesday,29-September-2020

بین الاقوامی خبریں

کیمرون:فوجی مہم کے دوران چھ افراد ہلاک

Published

on

کیمرون میں جنوبی مشرقی علاقے ایكونا میں علیحدگی پسندوں کے خلاف فوجی مہم میں کم از کم چھ لوگوں کی موت ہو گئی اور متعد افراد دیگر زخمی ہو گئے۔
فوج کے ذرائع نے بتایا کہ فوج نے اتوار کو جھاڑيوں میں چھپے علیحدگی پسند دہشت گردوں کو گولی مار دی. ان میں سے اکثر پر لوگوں میں دہشت پھیلانے کا الزام تھا. تاہم مقامی لوگوں کا کہنا ہے کہ انہیں سرکاری سیکورٹی فورسز نے گولی مار ی ہے۔ انہوں نے بتایا کہ ایک خاندان کے چھ ارکان کو گولی مار دی گئی جن میں دو بچے بھی شامل تھے. وہ فوج سے بچنے کے لئے جھاڑیوں میں چھپے ہوئے تھے۔
قابل غور ہے کہ ملک کے دو انگریزی بولنے والے علاقوں کو الگ کرنے کی مانگ کو لے کر نومبر 2017 سے سرکاری سیکورٹی فورسز اور مسلح علیحدگی پسندوں کے درمیان تصادم جاری ہے۔ علیحدگی پسند دونوں علاقوں کو ملک سے الگ کر الگ تھلگ کرکے ’انباجونيہ‘ کے نام ملک بنانا چاہتے ہیں۔

بین الاقوامی خبریں

سلامتی کونسل میں آرمینیا اورآذربائیجان پر تبادلہ خیال متوقع

Published

on

جرمنی سمیت متعدد دیگر یوروپی ممالک نے اقوام متحدہ کی سلامتی کونسل میں نگورنو-کاراباخ خطے میں آرمینیا اور آذربائیجان کے مابین پرتشدد تنازعہ کے معاملہ پر تبادلہ خیال کرنے کی درخواست کی ہے۔
ذرائع کے مطابق یوروپی ممالک نے منگل کے روز سلامتی کونسل میں ایک اجلاس طلب کیا ہے اور اس معاملے پر بات کرنے کی درخواست کی ہے۔
اس سلسلہ میں ایک درخواست جرمنی اور دیگر یوروپی ممالک کی جانب سے باضابطہ طور پر سلامتی کونسل کو بھیجی گئی ہے۔
اس سے قبل نگورنو-کاراباخ خطے میں ایک علاقے پر قبضہ کے بارے میں ارمینیا اور آذربائیجان کی فوج کے مابین ایک پُرتشدد لڑائی شروع ہوئی تھی۔ آرمینیا کی وزارت دفاع نے ایک بیان جاری کیا جس میں کہا گیا تھا کہ نگورنو کاراباخ خطہ میں آذربائیجان کی فوج کے ساتھ جھڑپ میں اس کے 16 فوجی ہلاک اور 100 سے زیادہ زخمی ہوگئے۔
آرمینیا کے وزیر اعظم نکول پشنین نے ٹویٹ کیا کہ آذربائیجان نے ارتسخ پر میزائل سے حملہ کیا ہے جس سے رہائشی علاقوں کو بھی نقصان پہنچا ہے۔ پشنین کے مطابق ارمینیا نے جوابی کارروائی کرتے ہوئے آذربائیجان کے دو ہیلی کاپٹر ، تین یو اے وی اور دو ٹینک تباہ کردیئے ۔ اس کے بعد ارمینیا ئی وزیر اعظم نے ملک میں مارشل لاء نافذ کرنے کا اعلان کیا۔

Continue Reading

بین الاقوامی خبریں

ترکی میں کوروناوائرس کے مزید 1412نئے کیسز

Published

on

عالمی وبا کورونا وائرس ’کووڈ 19‘ سے بری طرح دوچار ترکی میں گزشتہ 24 گھنٹوں کے دوران اس کی زد میں آنے سے مزید1412 نئے کیسز سامنے آئے ہیں۔ اس کے ساتھ ہی اس ملک میں کورونا متاثرین کی مجموعی تعداد بڑھ کر 3،15،845 ہوگئی ہے جبکہ اس وبا سے مرنے والوں کی تعداد65 سے بڑھ کر 8،062 ہوچکی ہے ۔
پیر کو ترکی کی وزارت صحت نے یہ اطلاع دی۔
ترکی میں گذشتہ 24 گھنٹوں کے دوران کووڈ 19 کے 1،422 مریضوں کو مکمل صحت یاب ہونے کے بعد اسپتالوں سے فارغ کردیا گیا۔ جس سے اس ملک میں کورونا سے صحت یاب ہونے والوں کی تعداد بڑھ کر 2،77،052 ہوگئی ہے۔
ترکی میں شدید بیمار مریضوں کی تعداد میں مسلسل کمی آ رہی ہے۔
خیال رہے ترکی میں 11 مارچ کو کورونا وائرس کا پہلا کیس سامنے آیا تھا۔

Continue Reading

بین الاقوامی خبریں

کورونا سے ہلاکتوں کی تعداد 10 لاکھ ہونا ’انتہائی تکلیف دہ سنگ میل‘: گوٹریس

Published

on

اقوام متحدہ کے سکریٹری جنرل انتونیو گوٹریس نے کورونا وائرس کی وبا سے دنیا بھر میں 10 سے زائد ہلاکتوں کو ایک’انتہائی تکلیف دہ سنگ میل‘ قرار دیتے ہوئے کہا ہے کہ یہ اعداد و شمار قلب و ذہن کو سن کردینے والاہے۔
امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کی جانب سے جاری تازہ ترین اعدادوشمار کے مطابق کورونا سے اب تک دنیا بھر میں 10 لاکھ 555 افراد ہلاک ہوچکے ہیں ، جبکہ 3کروڑ 32 لاکھ 73 ہزار 720 افراد اس جان لیوا وبا کی زد میں آچکے ہیں۔
مسٹر گوٹریس نے اپنے ایک بیان میں کہا’’ہماری دنیا انتہائی تکلیف دہ سنگ میل پر پہنچ چکی ہے۔ کوڈ ۔19 وبانے 10 لاکھ افراد کو ہلاک کیا۔ یہ قلب و ذہن کو سن کردینے والا ہے۔ ہمیں کبھی بھی کسی شخص کی زندگی سے محروم نہیں ہونا چاہئے۔ وہ والدین ، ​​شریک حیات ، بہن بھائی ، دوست اور ساتھی کارکن تھے۔ اس وبا کی بربریت نے درد میں کئی گنا اضافہ کیا ہے‘‘۔
انہوں نے کہا ’’ وائرس پھیلنے سے ملازمتوں کے نقصان ، تعلیم میں رکاوٹیں، ہماری زندگیوں میں اتھل پتھل اور بدحالی کا اب بھی کوئی خاتمہ نہیں ہواہے۔ ہم اس چیلنج پر قابو پاسکتے ہیں لیکن ہمیں غلطیوں سے سبق لینا چاہئے۔ ذمہ دار قیادت معنی رکھتی، سائنس معنی رکھتا ہے ، تعاون معنی رکھتا ہے اور غلط جانکاری جان لے لیتی ہے ‘‘۔
مسٹر گوٹریس نے جسمانی فاصلہ برقرار رکھنے، چہرے کے ماسک پہننے اور ہاتھ دھونے پر زور دیا۔

Continue Reading
Advertisement

رجحان

WP2Social Auto Publish Powered By : XYZScripts.com