Connect with us
Saturday,26-September-2020

سیاست

کانگریس نےاسمرتی ایرانی پران کی تعلیمی قابلیت کے متعلق جھوٹ بولنے کا الزام عائد کیا

Published

on

کانگریس نے جمعہ کو بھارتیہ جنتا پارٹی (بی جے پی) کی سینئر لیڈر اور مرکزی وزیر اسمرتی ایرانی پر ان کی تعلیمی قابلیت کے متعلق جھوٹ بولنے کا الزام عائد کیا اور کہا کہ انہیں اس کی قانونی اور اخلاقی ذمہ داری لے کر عہدے سے استعفی دے دینا چاہئے۔
کانگریس کی ترجمان پرینکا چترویدی نے یہاں پارٹی ہیڈکوارٹر میں صحافیوں کو بتایا کہ متحرمہ ایرانی نے امیٹھی لوک سبھا حلقہ میں اپنی امیدواری کا اعلان کرتے ہوئے ایک حلف نامہ دخل کیا ہے جس میں انہوں نے اپنی تعلیمی قابلیت انٹرميڈیٹ پاس اور دہلی یونیورسٹی کے مفت تعلیم اسکول میں بی كام کورس میں داخلہ دکھایا ہے۔
انهوں نے کہا کہ محترمہ ایرانی نے اپنی تعلیمی قابلیت کے متعلق اس سے پہلے الیکشن کمیشن، لوک سبھا، راجیہ سبھا اور کورٹ میں دیئے گئے حلف ناموں میں مختلف معلومات دی ہے۔ انهوں نے یہ بھی دعوی کیا ہے کہ ان کے پاس امریکہ کی ییل یونیورسٹی کی گریجویشن کی ڈگری ہے۔
محترمہ چترویدی نے کہا کہ متحرمہ ایرانی نے تعلیمی قابلیت کے تعلق سے مختلف حلف نامہ دے کر عوامی نمائندگی قانون 1955 کی دفعہ 125 اے اور 33 کی خلاف ورزی کی ہے ۔ اس کے علاوہ یہ تعزیرات ہند کے تحت بھی قابل جرم عمل ہے ۔کانگریس لیڈر نے الزام عائد کیا کہ محترمہ ایرانی نے مرکزی وزیر کے عہدے پر رہتے ہوئے اپنے اختیارات اور اثررسوخ کا غلط استعمال کیا ہے۔ اس لئے انہیں اس قانونی اور اخلاقی ذمہ داری لیتے ہوئے مرکزی وزیر کے عہدے سے استعفی دینا چاہئے۔

جرم

بھیونڈی کے بعد مالیگاؤں میں 80 سالہ قدیم عمارت کا ایک حصہ اچانک منہدم

Published

on

(خیال اثر)
بھیونڈی میں گذشتہ دنوں 40 سالہ پرانی عمارت تاش کے پتوں کی طرح ڈھے گئی. بتادیں اس دردناک حادثے میں 40 سے زائد لوگ ہلاک ہوگئے ہیں اور بہت سارے افراد شدید زخمی ہیں. مذکورہ بالا عمارت 40 سال پرانی تھی. بھیونڈی میں ہوئے اس بلڈنگ حادثے کے بعد پڑوسی شہر مالیگاؤں میں کل رات 3بج کر 20 منٹ پر 1938 میں تعمیر کیا ایک مکان زمین بوس ہوگیا.
اس ضمن میں ملی اطلاعات کے مطابق شہر کے پانچ قندیل علاقے میں ایک 80 سالہ پرانا مکان اچانک منہدم ہوگیا. اس حادثے میں جو بات قابل ذکر ہے وہ یہ ہے کہ بھیونڈی میں ہوا بلڈنگ حادثہ بھی رات 3 منٹ بج کر 20 منٹ پر ہوا تھا. ذرائع سے موصولہ اطلاعات کے مطابق پانچ قندیل پر تلک روڑ, جین مندر کے بازو میں گھر نمبر 112 میں 67 سالہ رمیش کاشی ناتھ باگل اپنی بیوی الکا رمیش باگل 62 کے ساتھ رہائش پذیر تھے. اس پرانے مکان کے بازو میں تعمیراتی کام چل رہا تھا. کل رات اچانک جب سارا شہر محو خواب تھا. اس پرانے مکان کی ایک دیوار زمین منہدم ہوگئی. جس کی وجہ سے یہ ضیعف العمر جوڑا اس مکان کے ملبے میں دب گیا. اس بزرگ جوڑے کی چیخ پکار ان کر اہلیان محلہ جاگ گیا اور انہیں ملبے میں سے نکالنے کی ناکام کوشش کرنے لگا. اسی وقت سابق کارپورہٹر دیپک ساؤڑے بے فائربریگیڈ کے شکیل تیراک سے رابطہ قائم کیا. اس حادثے کی خبر سنتے ہی شکیل تیراک نے فورآ جائے وقوع پر پہنچ کر اس بزرگ جوڑے کو ملبے سے باہر نکالا. دونوں میاں بیوی خاصے زخمی ہوچکے تھے. لہذا انہیں طبی امداد پہنچانے کے لئے شہر سول ہاسپٹل میں داخل کیا گیا. جہاں علاج معالجے کے بعد ان می حالت میں سدھار واقع ہوا.

Continue Reading

بین الاقوامی خبریں

شمالی کوریا کےکسی بھی خطرے کا جواب دینے کے لئے تیار ہے جنوبی کوریا

Published

on

South-Korea-Flag

جنوبی کورونا کے صدر مون جےان نے کہا ہے کہ جنوبی کورونا شمالی کوریا کی طرف سے لاحق کسی بھی طرح کے خطرے کا جواب دینے کے لئے تیار ہے۔
مسٹر مون کا یہ بیان کوریا کی وزارت دفاع کے اس بیان کے ایک دن بعد آیا ہے، جس میں کہا گیا تھا کہ شمالی کوریا میں ایک محکمہ ماہی گیری کے افسر کا شمالی کوریا میں گولی مار کر قتل کر دیا تھا۔
یونہاپ نیوز ایجنسی نے اپنی رپورٹ میں مسٹر مون کے حوالے سے کہا کہ ’’میں وعدہ کرتا ہوں کہ حکومت اور فوج لوگوں کی جان اور سلامتی کو لاحق کسی بھی خطرے کا معقول جواب دے گی۔‘‘ انہوں نے کہا ’’ صبر رکھیں اور امن وامان بنائے رکھیں۔‘‘
واضح رہے کہ کوریا سے تعلق رکھنے والا ایک 47 سالہ ماہی گیر افسر 21 ستمبر کو دونوں ممالک کی سرحد کے پر ایک نگرانی کشتی پر تعیناتی کے دوران لا پتہ ہو گیا تھا۔ جنوبی کوریا کی وزارت دفاع نے جمعرات کے روز بتایا کہ افسر کو شمالی کوریا کے سمندری علاقے میں گولی مار کر ہلاک کردیا گیا۔

Continue Reading

بزنس

ممبئی میں داخلے کے لئے ٹول ٹیکس بڑھا، اب آپ کو 25 روپے تک زیادہ ادا کرنا ہوں گے

Published

on

پہلے ہی، ممبئی میں لوگ کورونا سے پریشان تھے، کورونا کی وجہ سے، لوگوں کی مالی حالت پہلے ہی خراب ہورہی تھی۔ اس کے بعد ممبئی میں ٹول ٹیکس کی شرحوں میں بھی اضافہ کیا گیا ہے۔ اگلے یکم اکتوبر سے ممبئی میں پانچ ٹول پوائنٹس 5 سے بڑھا کر 25 روپے کردیئے جائیں گے۔ ٹول ٹیکس میں اضافے سے ممبئیکروں کی جیبوں پر اضافی بوجھ پڑنا یقینی ہے۔
ایم ای پی کمپنی کے ممبئی کے ملند، واشی، دہیسر، ایروولی اور لال بہادر شاستری مارگ کے داخلی راستوں پر ٹولس ہیں۔ ان ٹول پوائنٹس سے 2002 سے 2027 تک 25 سال تک شہر میں 55 فلائی اوور کی تعمیر کے دوران ہونے والے اخراجات کی وصولی کے لئے رقم وصول کی جانی ہے۔ ایم ای پی کمپنی اور ایم ایس آر ڈی سی کے مابین معاہدے کے مطابق، ہر 3 سال بعد ٹول ٹیکس میں اضافہ کیا جائے۔ یہ اضافہ اسی معاہدے کے مطابق کیا جارہا ہے۔
نئے نرخوں کے مطابق چھوٹی گاڑیوں کے لئے ٹول ٹیکس میں 5 روپے اضافہ کیا گیا ہے۔ لہذا، اب تک ہر گاڑی پر 35 روپے تک کا ٹول 40 روپے فی گاڑی ہوگا۔ جبکہ درمیانے سائز کی گاڑیوں میں، 10 روپے کا اضافہ کیا گیا ہے۔ اب یہ ٹول ٹیکس 65 روپے ہوگا۔ اسی طرح ٹرک اور بس کے لیے ٹول ٹیکس میں 25 روپے کا اضافہ کیا گیا ہے، جس کے مطابق اب ٹول ٹیکس 105 روپے کے بجائے 130 ادا کرنا پڑے گا۔ اس کے علاوہ ڈرائیوروں کو بڑی گاڑیوں پر ٹول 25 روپے اضافی چارج دینا پڑے گا۔ ساتھ ہی ڈرائیوروں کو جاری کردہ ماہانہ پاس کو بھی 1400 سے بڑھا کر 1500 روپے کردیا گیا ہے۔

Continue Reading
Advertisement

رجحان

WP2Social Auto Publish Powered By : XYZScripts.com