Connect with us
Saturday,26-September-2020

بین الاقوامی خبریں

یمن کے دارالحکومت صنعا میں تشدد سے 11 شہریوں کی موت

Published

on

یمن کے دارالحکومت صنعا میں تشدد کے ایک واقعہ میں پانچ طالب علموں سمیت 11 شہریوں کی موت کا معاملہ سامنے آیا ہے۔
اقوام متحدہ کے ترجمان اسٹیفن ڈی نے بتایا کہ ابتدائی رپورٹ کے مطابق ضلع شعاب میں اتوار کو تشدد میں 11 شہریوں کی موت ہوگئی ہے، جبکہ کئی دیگر زخمی ہوئے ہیں۔ مرنے والوں میں پانچ طالب علم شامل ہیں۔ مسٹر اسٹیفن نے تشدد کے واقعہ پر تشویش کا اظہار کرتے ہوئے تمام فریقوں سے صبر و تحمل برتنے اور شہریوں کی حفاظت کو یقینی بنانے کی اپیل کی ہے۔ انہوں نے کہا کہ لوگوں کی حفاظت اور شہری بنیادی ڈھانچے بین الاقوامی انسانی قانون کے بنیادی اصول ہیں۔
ترجمان نے کہا کہ سال 2018 کے دوران انسانی اداروں نے یمن میں ہر ہفتے اوسطا 45 پرتشدد واقعات کے ریکارڈ درج کئے ہیں. گزشتہ سال تقریباً ایک ہزارشہریوں کی موت ہوئی تھی جن میں 950 بچے بھی شامل تھے۔
یمن میں اقوام متحدہ کی انسانی کوآرڈینیٹر لیسی گرانڈے نے کہا’’یہ بہت خوفناک ہے. ہم اس تشدد میں ہلاک ہونے والوں خاندان کے تئیں اپنی تعزیت کا اظہار کرتے ہیں‘‘۔

Continue Reading
Click to comment

Leave a Reply

Your email address will not be published. Required fields are marked *

بین الاقوامی خبریں

شمالی کوریا کےکسی بھی خطرے کا جواب دینے کے لئے تیار ہے جنوبی کوریا

Published

on

South-Korea-Flag

جنوبی کورونا کے صدر مون جےان نے کہا ہے کہ جنوبی کورونا شمالی کوریا کی طرف سے لاحق کسی بھی طرح کے خطرے کا جواب دینے کے لئے تیار ہے۔
مسٹر مون کا یہ بیان کوریا کی وزارت دفاع کے اس بیان کے ایک دن بعد آیا ہے، جس میں کہا گیا تھا کہ شمالی کوریا میں ایک محکمہ ماہی گیری کے افسر کا شمالی کوریا میں گولی مار کر قتل کر دیا تھا۔
یونہاپ نیوز ایجنسی نے اپنی رپورٹ میں مسٹر مون کے حوالے سے کہا کہ ’’میں وعدہ کرتا ہوں کہ حکومت اور فوج لوگوں کی جان اور سلامتی کو لاحق کسی بھی خطرے کا معقول جواب دے گی۔‘‘ انہوں نے کہا ’’ صبر رکھیں اور امن وامان بنائے رکھیں۔‘‘
واضح رہے کہ کوریا سے تعلق رکھنے والا ایک 47 سالہ ماہی گیر افسر 21 ستمبر کو دونوں ممالک کی سرحد کے پر ایک نگرانی کشتی پر تعیناتی کے دوران لا پتہ ہو گیا تھا۔ جنوبی کوریا کی وزارت دفاع نے جمعرات کے روز بتایا کہ افسر کو شمالی کوریا کے سمندری علاقے میں گولی مار کر ہلاک کردیا گیا۔

Continue Reading

بین الاقوامی خبریں

وزیر اعظم مودی نے جاپان کے وزیر اعظم سے فون پر بات کی

Published

on

modi

وزیراعظم نریندر مودی نے آج جاپان کے وزیراعظم یوشی ہدے سوگا سے فون پر بات کی۔
مسٹر مودی نے مسٹر سوگا کو وزیراعظم کے عہدے پر تقرری کی مبارکباد دی اور اہداف کے حصول میں کامیابی کے لئے نیک خواہشات کا اظہار کیا۔ دونوں لیڈروں نے اس بات پر اتفاق کیا کہ گذشتہ کچھ سالوں سے ہندوستان۔ جاپان خصوصی اسٹریٹجک اور عالمی شراکت داری میں کافی پیشرفت ہوئی ہے اور باہمی اعتماد اور مشترکہ اقدار کی بنیاد پر مبنی ان تعلقات کو مستحکم کرنے کے عزم کا اظہار کیا گیا۔
انہوں نے کہا کہ کووڈ وبا سمیت عالمی چیلنجوں کے پیش نظر دونوں ممالک کے مابین شراکت داری اور بھی زیادہ مضبوط ہوئی ہے۔ انہوں نے اس بات پر زور دیا کہ آزاد، کھلے اور شمولیت والے ہند بحر الکاہل میں معاشی نظام ضرورت کے مطابق سپلائی چین پر مبنی کیا جانا چاہئے اور اسی تناظر میں انہوں نے ہندوستان، جاپان اور دوسرے ہم خیال ممالک کے مابین تعاون کا خیرمقدم کیا۔
دونوں رہنماؤں نے اپنے ممالک کے مابین معاشی شراکت داری میں ہونے والی پیشرفت کی ستائش کی اور اس تناظر میں ہنر مند مزدوری سے متعلق معاہدے کے مسودہ کو حتمی شکل دینے کا خیرمقدم کیا۔ وزیر اعظم نے عالمی کوڈ 19 وباء کی وجہ سے پیدا صورتحال میں بہتری کے بعد وزیراعظم سوگا کو سالانہ دو طرفہ سربراہ اجلاس کے لئے ہندوستان آنے کی دعوت دی۔

Continue Reading

بین الاقوامی خبریں

لندن میں پولیس افسر کا گولی مارکر قتل

Published

on

firing

لندن کے جنوبی حصے میں ایک شخص نے جمعہ کو ایک پولیس افسر کو گولی مار کر قتل کر دیا۔
میٹرو پولیٹن پولیس نے واقعہ کی تصدیق کی ہے۔
انہوں نے بتایا کہ 23 سالہ حملہ آور کو جائے وقوع سے گرفتار کرلیا گیا ہے۔ اسے بھی ایک گولی لگی تھی جس کے سبب اسے اسپتال میں داخل کرایا گیا ہے۔ اس کی حالت سنگین ہے۔

Continue Reading
Advertisement

رجحان

WP2Social Auto Publish Powered By : XYZScripts.com