Connect with us
Saturday,27-February-2021

سیاست

پندرہویں انتخابات: لال کرشن اڈوانی پر بھاری پڑے منموہن سنگھ

Published

on

پانچ سال تک مرکز میں کامیاب مخلوط حکومت چلانے والی کانگریس نے 2009 کے عام انتخابات میں پچھلی دفعہ کے مقابلے بہتر کارکردگی کا مظاہرہ اور اتحادیوں کے ساتھ مل کر دوبارہ حکومت بنائی جبکہ بھارتیہ جنتا پارٹی کی جانب سے وزیراعظم کے عہدے کے امیدوار بن کرانتخابی میدان میں اترے سینئر لیڈر لال کرشن اڈوانی کوئی کرشمہ نہیں دکھا سکے۔
کانگریس نے اس انتخاب میں مسٹر منموہن سنگھ کو ہی وزیراعظم کے عہدہ کا امیدوار قرار دیا تھا اور وہ مسلسل دوسری بار وزیراعظم بنے تھے۔ اس الیکشن میں بھی اگرچہ کسی بھی پارٹی کو واضح اکثریت حاصل نہیں ہوئی تھی لیکن کانگریس کی سیٹیں بڑھ کر 206 ہوگئیں اور اس کی قیادت میں متحدہ ترقی پسند اتحاد کی دوبارہ حکومت بنی۔ کانگریس نے اس انتخاب میں اتر پردیش میں اپنی پوزیشن کچھ حد تک مضبوط کرلی لیکن بہار میں وہ صرف دو سیٹوں پر سمٹنے پر مجبور ہوئی تھی۔ بی جے پی بہار میں بہتر کارکردگی کا مظاہرہ کرنے میں کامیاب رہی لیکن راجستھان میں وہ سابقہ کارکردگی کو دہرانے میں ناکام رہی تھی۔
اس انتخاب کی ایک اور خاص بات یہ رہی کہ مغربی بنگال میں سیاسی تسلط والی مارکسی کمیونسٹ پارٹی کو زبردست جھٹکا لگا اور وہاں ترنمول کانگریس نے کافی اچھی کارکردگی کا مظاہرہ کیا تھا۔ سماجوادی پارٹی اور بہوجن سماج پارٹی کو اتر پردیش میں، جنتا دل (یو) کو بہار میں اور بیجو جنتا دل کو اڈیشہ میں کامیابی حاصل ہوئی تھی۔ آر جے ڈی لیڈر لالو پرساد یادو نے دو حلقوں میں سارن اور پاٹلی پتر سے الیکشن لڑا لیکن پاٹلی پتر سیٹ پر وہ ہار گئے تھے۔ لوک جن شکتی پارٹی کے لیڈر رام ولاس پاسوان کو حاجی پور سیٹ پر شکست ہاتھ لگی۔

Continue Reading
Click to comment

Leave a Reply

Your email address will not be published. Required fields are marked *

بین الاقوامی خبریں

سعودی وزارت خارجہ نے جمال خاشقجی قتل پر امریکی انٹیلیجنس کی رپورٹ کو مسترد کردیا

Published

on

Saudi-Arabia

صحافی جمال خاشقجی کے قتل پر امریکی انٹیلیجنس کی رپورٹ پر سعودی عرب کی وزارتِ خارجہ کا کہنا ہے کہ یہ منفی اور غلط ہے۔

سعودی وزارتِ خارجہ نے ایک بیان کے ذریعہ صحافی جمال خاشقجی کے قتل پر جاری کی گئی امریکی انٹیلیجنس رپورٹ پر اپنے رد عمل کا اظہار کیا ہے۔

سعودی وزارت خارجہ کا مزید کہنا ہے کہ غلط معلومات پر مبنی اس رپورٹ کو مکمل طور پر رد کرتے ہیں۔

سعودی وزارتِ خارجہ کا مذکورہ بیان میں یہ بھی کہنا ہے کہ ہم امید کرتے ہیں کہ دیرپا امریکہ سعودی تعلقات فروغ پاتے رہیں گے۔

خیال رہے کہ امریکہ کی جانب سے سعودی صحافی جمال خاشقجی کے قتل کی تحقیقات پر مبنی انٹیلیجنس رپورٹ جاری کی گئی ہے۔

اس امریکی رپورٹ میں الزام لگایا گیا ہے کہ سعودی عرب کی اعلیٰ شخصیت نے اس آپریشن کی منظوری دی جس کا انجام خاشقجی کے قتل پر ہوا۔

میڈیا کے مطابق جمال خاشقجی کو 2018 میں استنبول کے سعودی عرب کے قونصل خانہ میں قتل کیا گیا تھا۔

Continue Reading

سیاست

اورنگ آباد کے مختلف علاقوں میں چار خودکشی کے واقعات

Published

on

murder

اورنگ آباد:(نامہ نگار )
آج شہر اورنگ آباد کے مختلف علاقوں میں ۴افراد نے خود کشی کر اپنی زندگی کا خاتمہ کرلیا۔تفصیلات کے مطابق شیواجی آسارام کوتھمیرے عمر ۶۰ سال ساکن سینھ گڑھ کالونی پرفل ہائوسنگ سوسائٹی سڈکو این ۔۶ نے صبح ساڑھے ۸ بجے گھر میں پھانسی لے لی ۔آسارام ایچ ایم ٹی کمپنی میں کئی سالوں سے واچ مین کی نوکری کرتے تھے۔ لیکن کسی وجہ سے وہ مستقل پریشان رہنے کی وجہ سے آج انھوں نے آخری قد م اٹھالیا اور خود کشی کرلی ۔ اس طرح کی اطلاع ان کے پڑوسی نے دی تھی۔ دوسری خودکشی چکل تھانہ ایم آئی ڈی سی علاقہ کی بند پڑی مورے اسپورٹس کمپنی کے ملازم بھائو صاحب متکر عمر ۳۲ سال ساکن نارے گائوں نے نامعلوم وجہ پر خودکشی کرلی۔ جبکہ تیسراخودکشی کا واقعہ مکند واڑی علاقے میں رہنے والے تری بھون عمر ۳۰ سال نے دوپہر۴ بجے پنکھے سے لٹک کرجان لے لی۔جبکہ چوتھی آخری خودکشی میوری مساڑ نامی لڑکی جسکی عمر۲۰ سال ساکن نسرگ کالونی پیٹھے نگرکی اس نے اپنی اوڑھنی سے پھانسی لے کر خود کشی کرلی۔مزید تحقیقات جاری ہے

Continue Reading

سیاست

کرونا مریضوں کی تعداد بڑھتی ہی رہی تو حکومت لاک ڈاؤن لگادےگی: وزیر صنعت سبھاش دیسائی

Published

on

coronavrus

اورنگ آباد:(نامہ نگار )
ضلع میں گذشتہ کچھ دنوں سے کرونا کے مریضوں کی تعدادبڑھتی ہی جارہی ہے اور اگر یہ تعداد یوں ہی بڑھتی رہی تو مہاراشٹر سرکار کو زبردستی لاک ڈائون لگانا ہی پڑے گا۔ اس طرح کا بیان مہاراشٹر کے وزیر صنعت سبھاش دیسائی نے آج اورنگ آباد کے خصو صی دورے پر تشریف لانے کے بعد دیا۔تفصیلات کے مطابق وزیر صنعت آج شہر اورنگ آباد کے پریہ درشنی گارڈن میں بالا صاحب ٹھاکرے کے مجسمہ کی تعمیر کے سلسلہ میں تشریف لائے تھے۔ جہاں انھوں نے گارڈن کا معائنہ کیا اور مجسمہ کی جگہ کوفائنل کرنے کے لئے اراکین سے مشورہ بھی طلب کیا۔ ساتھ ہی انھوں نے کہا کہ اس مجسمہ کی وجہ سے اگر کچھ درخت کٹ جاتے ہیں تو اس کے اطراف میں اور اس گارڈن کے اطراف میں بھی زیادہ سے زیادہ درخت لگائے جائیں گے کیونکہ بالا صاحب ٹھاکرے خود درختوں سے محبت کرتے تھے اور درخت لگانے کو ترجیح دیتے تھے‘درخت زیادہ سے زیادہ لگیں گے اور مجسمہ بھی بنے گا۔ سبھاش دیسائی نے نامہ نگاروں سے بات چیت کے دوران کہا کہ مجسمہ کے علاوہ ،ایمپی تھیٹر اور کیفیٹریا بنانے کے لئے حکومت غور کررہی ہے۔ ساتھ ہی انھوں نے کرونا کے بڑھتے مریضوں کی تعداد پر تشویش ظاہر کرتے ہوئے کہا کہ اگر تعداد اسی طرح بڑھتی رہی تو مہاراشٹرحکومت لاک ڈائون نافذ کرنے میں ذرا بھی دیر نہیں کرے گا۔ اس لئے میں حکومت کا نمائندہ ہونے کے ناطے آپ تمام شہریان سے گذارش کرتا ہوں کہ کرونا سے بچنے کی دی گئی ہدایات اور تدابیر پر سختی سے عمل کریں اور کرونا کو ہمیشہ ہمیشہ کے لئے ختم کرنے میں ہمارا تعاون کریں۔

Continue Reading
Advertisement

رجحان

WP2Social Auto Publish Powered By : XYZScripts.com