Connect with us
Monday,17-May-2021

سیاست

پندرہویں انتخابات: لال کرشن اڈوانی پر بھاری پڑے منموہن سنگھ

Published

on

پانچ سال تک مرکز میں کامیاب مخلوط حکومت چلانے والی کانگریس نے 2009 کے عام انتخابات میں پچھلی دفعہ کے مقابلے بہتر کارکردگی کا مظاہرہ اور اتحادیوں کے ساتھ مل کر دوبارہ حکومت بنائی جبکہ بھارتیہ جنتا پارٹی کی جانب سے وزیراعظم کے عہدے کے امیدوار بن کرانتخابی میدان میں اترے سینئر لیڈر لال کرشن اڈوانی کوئی کرشمہ نہیں دکھا سکے۔
کانگریس نے اس انتخاب میں مسٹر منموہن سنگھ کو ہی وزیراعظم کے عہدہ کا امیدوار قرار دیا تھا اور وہ مسلسل دوسری بار وزیراعظم بنے تھے۔ اس الیکشن میں بھی اگرچہ کسی بھی پارٹی کو واضح اکثریت حاصل نہیں ہوئی تھی لیکن کانگریس کی سیٹیں بڑھ کر 206 ہوگئیں اور اس کی قیادت میں متحدہ ترقی پسند اتحاد کی دوبارہ حکومت بنی۔ کانگریس نے اس انتخاب میں اتر پردیش میں اپنی پوزیشن کچھ حد تک مضبوط کرلی لیکن بہار میں وہ صرف دو سیٹوں پر سمٹنے پر مجبور ہوئی تھی۔ بی جے پی بہار میں بہتر کارکردگی کا مظاہرہ کرنے میں کامیاب رہی لیکن راجستھان میں وہ سابقہ کارکردگی کو دہرانے میں ناکام رہی تھی۔
اس انتخاب کی ایک اور خاص بات یہ رہی کہ مغربی بنگال میں سیاسی تسلط والی مارکسی کمیونسٹ پارٹی کو زبردست جھٹکا لگا اور وہاں ترنمول کانگریس نے کافی اچھی کارکردگی کا مظاہرہ کیا تھا۔ سماجوادی پارٹی اور بہوجن سماج پارٹی کو اتر پردیش میں، جنتا دل (یو) کو بہار میں اور بیجو جنتا دل کو اڈیشہ میں کامیابی حاصل ہوئی تھی۔ آر جے ڈی لیڈر لالو پرساد یادو نے دو حلقوں میں سارن اور پاٹلی پتر سے الیکشن لڑا لیکن پاٹلی پتر سیٹ پر وہ ہار گئے تھے۔ لوک جن شکتی پارٹی کے لیڈر رام ولاس پاسوان کو حاجی پور سیٹ پر شکست ہاتھ لگی۔

Continue Reading
Click to comment

Leave a Reply

Your email address will not be published. Required fields are marked *

بین الاقوامی خبریں

اسرائیل نے حماس کے 1500 اہداف کو نشانہ بنایا : نیتن یاہو

Published

on

Netan yahu

اسرائیلی وزیر اعظم بینجمن نیتن یاہو نے اتوار کے روز کہا کہ ہماری مسلح افواج نے حالیہ دنوں میں غزہ کی پٹی میں 1500 اہداف کو نشانہ بنایا ہے، جس کی وجہ سے فلسطین کے حماس مہم کے انفر-اسٹرکچر کو ایک بڑا دھچکا لگا ہے۔

مسٹر نیتن یاہو نے آرمی ہیڈ کوارٹرز میں ایک بریفنگ میں کہا، “دہشت گرد تنظیموں کے خلاف ہماری مہم پوری طاقت کے ساتھ جاری ہے۔ ہم حماس کو اس کی جارحیت کی زیادہ قیمت ادا کرنے پر مجبور کریں گے۔ حالیہ دنوں میں، اسرائیلی دفاعی دستوں نے 1500 سے زیادہ اہداف کو نشانہ بنایا ہے۔”

Continue Reading

سیاست

راجستھان کے وزیر اعلیٰ اشوک گہلوت کی طوفان سے محتاط رہنے کی اپیل

Published

on

Ashok-Gehlot...

راجستھان کے وزیر اعلی اشوک گہلوت نے ریاست کے لوگوں سے تاؤتے طوفان سے محتاط رہنے کی اپیل کی ہے۔

سوشل میڈیا کے ذریعے اپیل کرتے ہوئے مسٹر گہلوت نے کہا کہ سمندری طوفان تاؤتے کے پیش نظر ریاست میں مکمل تیاری کی جا رہی ہے، جس میں ضروری انتظامات بھی شامل ہیں۔ انہوں نے سبھی سے طوفان سے محتاط رہنے کی اپیل کی۔

انہوں نے کہا کہ اب تک جو توقع کی جا رہی ہے، اس کے مطابق سمندری طوفان تاؤتے جام نگر کو ہٹ کر سکتا ہے، جو راجستھان کے لئے آکسیجن سپلائی کا سب سے بڑا ذریعہ ہے، اس سلسلے میں افسران کو اجلاس کے بعد متبادل ایمرجسنی منصوبہ بنانے کی ہدایت کی گئی ہے۔

وزیر اعلی نے کہا ’’محکمہ موسمیات کے مطابق جودھ پور، اُدے پور، کوٹہ، اجمیر، جے پور اور بھرت پور ڈویژن کے اضلاع طوفان سے متاثر ہوسکتے ہیں۔ آج ڈونگر پور میں آندھی اور بارش ہوئی، جس میں کچھ افراد اپنی جانوں سے ہاتھ دھو بیٹھے اور نقصانات کی بھی اطلاعات ہیں۔ میں متاثرہ افراد سے گہری تعزیت کا اظہار کرتا ہوں۔‘‘ انہوں نے کہا کہ اس کے ساتھ ہی ڈیزاسٹر مینجمنٹ ٹیموں کو بھی طوفان سے متاثرہ علاقوں میں تعینات کرنے اور ہر صورتحال پر نظر رکھنے کی ہدایت کی گئی ہے۔

انہوں نے کہا کہ گجرات سے آنے والے طوفان کے تناظر میں ریاست بھر میں آکسیجن کی فراہمی برقرار رکھنے اور بفر اسٹاک تیار رکھنے کی ہدایت دی گئی ہے۔ اس طوفان نے اسپتالوں کو بجلی کی فراہمی میں خلل نہیں ڈالا۔ اسپتالوں میں بجلی کے جنریٹروں کے متبادل انتظامات رکھنے کی بھی ہدایت دی گئی ہے۔

قابل ذکر ہے کہ محکمہ موسمیات نے پیر سے جمعرات چار دن کے دوران جے پور، جودھ پور، کوٹہ، اُدے پور، اجمیر اور بھرت پور ڈویژن میں سمندری طوفان تاؤ کے پیش نظر الرٹ جاری کیا ہے۔

Continue Reading

جرم

ملک میں گزشتہ 24 گھنٹوں کے دوران کورونا کے 2.81 لاکھ سے زائد نئے کیسز درج

Published

on

coronavirus-maha

ملک میں کورونا انفیکشن کے شدید بحران کے درمیان گذشتہ 24 گھنٹوں کے دوران 2،81،386 نئے کیسز سامنے آئے ہیں، جبکہ 3،78،741 افراد اس وباء کو شکست دے چکے ہیں۔ اس دوران چھ لاکھ 91 ہزار 211 افراد کو ٹیکے لگائے گئے۔ ملک میں اب تک 18 کروڑ 29 لاکھ 26 ہزار 460 افراد کو ویکسین دی جا چکی ہے۔

مرکزی وزارت صحت کی جانب سے پیر کی صبح جاری اعداد و شمار کے مطابق گذشتہ 24 گھنٹوں کے دوران تین لاکھ 78 ہزار 741 مریض بازیاب ہوئے ہیں، جس سے بحالی کی شرح 84.25 فیصد ہوگئی ہے۔ اب تک دو کروڑ 11 لاکھ 74 ہزار 076 افراد نے کورونا کو شکست دی ہے۔ اس دوران، 2،81،386 نئے معاملات سامنے آنے سے متاثرین کی تعداد دو کروڑ 49 لاکھ 65 ہزار 463 ہوگئی۔ فعال معاملات 1،01،461 سے گھٹ کر 35 لاکھ 16 ہزار 997 ہو گئے ہیں۔ اس دوران 4،106 مریض اپنی جان سے ہاتھ دھو بیٹھے، جس سے مرنے والوں کی تعداد 2,74,390 ہو گئی ہے۔

ملک میں فعال کیسز کی شرح گھٹ کر 14.66 فیصد ہو گئی ہے، جبکہ اموات کی شرح ابھی 1.09 فیصد ہے۔
مہاراشٹر میں 25903 فعال معاملات کم ہو کر 4،70،595 ہو گئے ہیں۔ اس دوران ریاست میں 59318 مزید مریضوں کے ٹھیک ہونے کے بعد بازیاب افراد کی تعداد بڑھ کر 48،26،371 ہو گئی ہے، جبکہ 974 مزید مریضوں کی موت ہو جانے سے اموات کی تعداد 81،486 ہو گئی ہے۔ کیرالہ میں 4681 فعال کیسز گھٹ کر 4،41،011 ہو گئے، اور 34،296 مریضوں کی بازیابی کے بعد کورونا کو شکست دینے والے افراد کی تعداد بڑھ کر 17،00،528 ہو گئی، جبکہ 89 مزید مریضوں کے فوت ہو جانے کی وجہ سے مرنے والوں کی تعداد بڑھ کر 6428 ہو گئی ہے۔

Continue Reading
Advertisement

رجحان

WP2Social Auto Publish Powered By : XYZScripts.com