Connect with us
Wednesday,16-June-2021

قومی

ملک بھرمیں ہولی کا تہوار، رنگوں اور گلال سے رنگے لوگوں کی ٹولیاں نظرآئیں

Published

on

بھائی چارے، ہم آہنگی اور رنگوں کا تہوار ہولی ملک بھر میں روایتی جوش و خروش اور دھوم دھام سے منایا جا رہا ہے۔ رنگوں اور گلال سے رنگے لوگوں کی ٹولیاں ایک دوسرے سے گرم جوشی کے ساتھ گلے مل کراور گلال لگا کر ہولی کی مبارکباد دیتی نظر آئیں۔
اس موقع پر صدر جمہوریہ رام ناتھ كووند اور وزیراعظم نریندر مودی نے ملک کے باشندوں کو ہولی کی مبارک باد دی۔
صدر جمہوریہ نے لوگوں کو مبارکباد دیتے ہوئے لکھا کہ “ہولی کے مبارک موقع پر اندرون اور بیرون ملک میں مقیم تمام ہم وطنوں کو مبارکباد اور نیک خواہشات۔ رنگوں کا تہوار ہولی موسم بہار کا اور سماج میں ہم آہنگی کا جشن ہوتا ہے۔ میری تمنا ہے کہ یہ تہوار تمام لوگوں کی زندگیوں میں امن، خوشی اور خوشحالی لانے والا بنے۔
وزیراعظم مودی نے کہا کہ”ہولی کے تہوارکی تمام ہم وطنوں کو ڈھیروں نیک خواہشات۔ خوشی اور جوش کا یہ تہوار ہمارے اتحاد اور خیر سگالی کے رنگ کو مزید مضبوط کرے”۔
کانگریس صدر راہل گاندھی نے بھی اس موقع پر ملک کے باشندوں کو ہولی کی مبارک باد دی ہے۔
وزیرداخلہ راج ناتھ سنگھ نے پلوامہ حملے کی وجہ سے ہولی نہیں منانے کاپہلے ہی اعلان کیا تھا۔ جبکہ انہوں نے ملک کے باشندوں کو ہولی مبارکباد دیتے ہوئے لوگوں کی خوشحالی اور معاشرے میں امن وبھائی چارے کے ماحول مزید مستحکم ہونے کی آرزو کااظہار کیا۔

بزنس

ریلائنس جیو فائبرکا پوسٹ پیڈ پلان لانچ, انٹر نیٹ باکس کے ساتھ انسٹالیشن بھی فری

Published

on

Reliance Geo Fiber

ریلائنس جیو فائبر یوزرس کیلئے ایک ساتھ کئی نئے پوسٹ پیڈ پلان لیکر آئی ہے، یہ پلانس 399 روپے ماہانہ کی قیمت سے شروع ہونگے نئے پلانس کو لانچ کرنے کے ساتھ ہی کمپنی نے اعلان کیا ہے، کہ سبھی نئے یوزرس کو پلان کے ساتھ انٹر نیٹ باکس یعنی راوٹر فری ملے گا گراہکوں کو کوئی انسٹالیشن فیس بھی نہیں بھرنی ہوگی۔ کل ملا کر صارفین کو 1500 روپے تک کی بچت ہوگی۔ فری انٹر نیٹ باکس اور فری انسٹالیشن کا فائدہ یوزرس کو تبھی ملے گا، جب وہ کم سے کم 6 مہینے کی ویلڈیٹی کا پلان خریدیں گے۔ سبھی پلانس 17 جون سے لاگو ہونگے۔

کمپنی نے یہاں جاری ایک ریلیز میں بتایا کہ ریلائنس جیو کے نئے پوسٹ پیڈ پلان کی ایک خاصیت یہ ہوگی کہ اس میں اپ لوڈ اور ڈاون لوڈ سپیڈ ایک جیسی ملے گی۔ 399 روپے کے پلان میں 30 ایم بی پی ایس، 699 روپے کے پلان میں 100 ایم بی پی ایس، 999 روپے والے پلان میں 150 ایم بی پی ایس اور 1499 روپے کے پلان میں 300 ایم بی پی ایس کی اپ لوڈ اور ڈاون لوڈ سپیڈ یوزرس کو ملے گی۔ اس کے علاوہ 1 جی بی پی ایس تک کے پلان بھی جیو فائبر پر دستیاب ہیں۔

ریلائنس جیو کے 999 روپے کے پوسٹ پیڈ جیو فائبر کنکشن کے ساتھ صارفین کو فری او ٹی ٹی ایپس کا فائدہ بھی ملے گا۔ امیزن پرائم، ڈزنی ہاٹ سٹار، سونی لائیو، جی۔ 5، ووٹ سلیکٹ، سن نیکسٹ اور ہوئی چوئی جیسے 14 پاپولر او ٹی ٹی ایپس ملیں گے۔ 1499 والے پلان میں نیٹ فلکس سمیت سبھی 15 او ٹی ٹی ایپس شامل ہونگے۔ ان ایپس کی مارکٹ ویلیو 999 روپے ہے۔ او ٹی ٹی ایپس بہترین طریقے سے چل سکیں اس کیلئے 1000 روپے کی سیکورٹی ڈیپازٹ لیکر کمپنی گراہکوں کو ایک 4K سیٹ ٹاپ باکس بھی فری میں دے گی۔

Continue Reading

بزنس

طیارہ ایندھن کی قیمتوں میں اڑھائی فیصد سے زائد اضافہ

Published

on

Aviation fuel

طیارہ ایندھن کی قیمتوں میں آج اڑھائی فیصد سے زائد اضافہ کیا گیا ہے، جس سے ہوائی سفر کے مزید مہنگا ہونے کے امکانات ہیں۔

ملک کی سب سے بڑی آئل مارکیٹنگ کمپنی انڈین آئل کارپوریشن کی ویب سائٹ کے مطابق قومی دارالحکومت دہلی میں طیارہ ایندھن کی قیمت 65،908.28 روپے فی کلو لیٹر ہوگئی ہے۔ اس سے پہلے یہ 64،118.41 روپے فی کلو لیٹر پر تھی۔ اس طرح یہاں طیارہ ایندھن 1،719.87 روپے یعنی 2.68 فیصد مہنگا ہو گیا ہے۔

اس سے قبل یکم جون کو طیارہ ایندھن کی قیمت میں تقریبا ایک فیصد کی کمی کی گئی تھی، جبکہ 16 مئی کو اس میں پانچ فیصد اور یکم مئی کو تقریبا سات فیصد کا اضافہ کیا گیا تھا۔

ممبئی میں طیارہ ایندھن کی قیمت 1،797.289 (2.89 فیصد) بڑھ 64،068.65 روپے، کولکاتہ میں 1،734.37 (2.54 فیصد) بڑھ 70،005.86 روپے اور چنئی میں 1،804.19 (2.75 فیصد) بڑھ کر 67،519.93 روپے فی کلو لیڑ پر پہنچ گئی ہے۔

Continue Reading

بزنس

پٹرول اور ڈیزل کی قیمتوں میں مزید اضافہ

Published

on

petrol

پٹرول اور ڈیزل کی قیمتوں سے فی الحال عام لوگوں کو راحت ملتی نہیں دکھائی دے رہی۔ آئل مارکیٹنگ کمپنیوں نے بدھ کے روز ایک بار پھر ان کی قیمتوں میں اضافہ کیا۔

ملک کے چار بڑے شہروں میں آج پٹرول 25 پیسے اور ڈیزل 13 پیسے تک مہنگا ہوگیا۔ اس سے قبل منگل کے روزقیمتوں میں کوئی تبدیلی نہیں کی گئی تھی۔ معروف آئل مارکیٹنگ کمپنی انڈین آئل کارپوریشن کے مطابق دہلی میں پٹرول 25 پیسے مہنگا ہو کر 96.66 روپے اور ڈیزل 13 مہنگا ہو کر 87.41 روپے پر پہنچ گیا۔

قیمتوں میں اضافے کا سلسلہ 4 مئی سے شروع ہوا تھا۔ دہلی میں مئی مہینے کے دوران پٹرول 3.83 روپے اور ڈیزل میں 4.42 روپے مہنگا ہوا تھا۔ جون میں اب تک پٹرول کی قیمت میں 2.43 روپے اور ڈیزل کی قیمت میں 2.26 روپے کا اضافہ ہوا ہے۔ ممبئی میں آج پٹرول کی قیمت میں 24 پیسے اور ڈیزل کی قیمت میں 14 پیسے کااضافہ ہوا ہے۔ وہاں ایک لیٹر پٹرول اب 102.82 روپے اور ڈیزل 94.84 روپے کا ہوگیا۔

چنئی میں پٹرول 22 پیسے مہنگا ہوکر 97.91 روپے اور ڈیزل 12 پیسے مہنگا ہو کر 92.04 روپے فروخت ہوا۔ کولکتہ میں پٹرول کی قیمت 24 پیسے بڑھ کر 96.58 روپے اور ڈیزل کی قیمت 13 بڑھ کر 90.25 روپے فی لیٹر پر پہنچ گئی۔ پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پر روزانہ صبح 6 بجے سے نئی قیمتیں لاگو کی جاتی ہیں۔

ملک کے چار بڑے شہروں میں آج پٹرول اور ڈیزل کی قیمتیں مندرجہ ذیل ہیں :
شہر —————————— پیٹرول ———————— ڈیزل
دہلی ————————— 96.66 ————————— 87.41
ممبئی ———————— 102.82 ———————— 94.84
چنئی ————————— 97.91 -—————-—— 92.04
کولکتہ ——————— 96.58 ————————— 90.25

Continue Reading
Advertisement

رجحان

WP2Social Auto Publish Powered By : XYZScripts.com