Connect with us
Saturday,12-June-2021

جرم

مراٹھواڑہ میں کورونا کے 5659 نئے کیسز، 139 افراد کی موت

Published

on

Corona-kills

مہاراشٹر کے ضلع مراٹھواڑہ میں گذشتہ 24 گھنٹوں میں کووڈ-19 کے 5659 نئے کیسز سامنے آئے، اور 139 مریضوں کی موت ہو گئی۔ یہ جانکاری طبی افسران نے دی ہے۔

تمام ضلع ہیڈکوارٹر سے یو این آئی کے ذریعے یکجا کیے گئے تفصیلات کے مطابق علاقے کے آٹھ اضلاع میں سے لاتور سب سے زیادہ متاثر رہا جہاں کورونا کے 889 نئے کیسز سامنے آئے، اور 32 افراد کی موت ہو گئی۔ اس کے بعد اورنگ آباد میں 988 افراد کے متاثر ہونے کی توثیق ہوئی اور 26 مریض ہلاک ہوئے، پربھنی میں 620 نئے کیسز اور 23 افراد کی موت، بیڈ میں 1314 نئے کیسز درج کیے گئے، اور 29 افراد کی موت ہوئی، ناندیڑ میں 568 نئے کیسز اور 15 مریضوں کی موت، جالنا میں 668 نئے کیسز درج کیے گئے جبکہ 10 افراد کی موت ہو گئی۔ عثمان آباد میں 460 نئے کیسز سامنے آئے اور 8 مریضوں کی موت ہوئی۔ اسی طرح ہنگولی میں 132 نئے کیسز اور چھ افراد لقمہ اجل بنے۔

دریں اثنا گذشتہ 24 گھنٹوں کے دوران ریاست بھر میں کووڈ-19 کے 54،022 نئے کیسز درج ہوئے، جس کے بعد متاثرین کی مجموعی تعداد 49،96،758 ہوگئی۔ جبکہ 898 مریضوں کی موت ہوجانے سے اموات کی تعداد 74،413 ہوگئی ہے ۔ریاست میں 37،386 مریض بازیاب ہوئے ہیں جس کے بعد ٹھیک ہونے والے افراد کی مجموعی تعداد 42،65،326 ہوگئی ہے۔

جرم

لتیہار : پولیس جھڑپ میں ایک نکسلی ہلاک، اسلحہ برآمد

Published

on

DIG-Rajkumar

جھارکھنڈ کے ضلع لتیہار کے گارؤ پولیس تھانہ علاقے میں ہفتے کے روز پولیس اور کالعدم ماؤنواز تنظیم کمیونسٹ پارٹی آف انڈیا (ماؤ نواز) کے نکسلیوں کے مابین ایک جھڑپ میں ایک نکسلی مارا گیا۔

پلامو ریجن کے ڈپٹی انسپکٹر جنرل (ڈی آئی جی) راجکمار لکڑا نے یہاں بتایا کہ اس جھڑپ میں ایک نکسل کے ہلاک ہونے کی اطلاع موصول ہوئی ہے۔ جائے وقوعہ کے لئے ہیڈ کوارٹر سے اضافی نفری روانہ کر دی گئی ہے۔

اس دوران پولیس ذرائع نے یہاں بتایا کہ نکسلیوں کے خلاف علاقے میں چھاپے مارنے کے لئے 203 کو برا بٹالین، 214 بٹالین سنٹرل ریزرو پولیس فورس (سی آر پی ایف) اور جھارکھنڈ جیگوار کی جانب سے مہم چلائی جا رہی ہے۔

دریں اثنا کوکو پیری جنگل میں سیکیورٹی فورسز کے جوان آگے بڑھ رہے تھے، تبھی چھوٹو کھروار کے دستہ کے ارکان نے فائرنگ شروع کر دی۔ جوابی کارروائی میں سیکیورٹی فورس کے اہلکاروں نے فائرنگ شروع کر دی۔ تقریباََ ایک گھنٹے تک وقفے وقفے سے جاری فائرنگ کے بعد ایک نکسلی مارا گیا، جبکہ دیگر جنگلات کا فائدہ اٹھا کر فرار ہوگئے ۔موقع سے سکیورٹی فورسز کے جوانوں نے چار ہتھیار سمیت متعدد سامان برآمد کیا۔

Continue Reading

جرم

شمالی کشمیر کے قصبہ سوپور میں سیکورٹی فورسز پر فائرنگ، 2 سیکورٹی فورسز اہلکار اور 2 عام شہری از جان، 3 زخمی

Published

on

kashmir jang

شمالی کشمیر کے قصبہ سوپور کے مین چوک میں ہفتے کے روز نامعلوم اسلحہ براداروں نے سیکورٹی فورسز کی ایک ناکہ پارٹی پر اندھادھند فائرنگ کی، جس کے نتیجے میں دو سیکورٹی اہلکار اور دو عام شہری از جان جبکہ تین دیگر بشمول دو سیکورٹی اہلکار زخمی ہو گئے۔

سرکاری ذرائع نے بتایا کہ قصبہ سوپور کے مین چوک میں ہفتے کے روز مشتبہ جنگجوؤں نے سیکورٹی فورسز کی ایک ناکہ پارٹی پر فائرنگ کی جس کے نتیجے میں سات افراد زخمی ہو گئے، جن میں چار سیکورٹی فورسز اہلکار اور تین عام شہری شامل تھے۔

انہوں نے بتایا کہ زخمیوں کو علاج و معالجے کے لئے فوری طور سب ضلع ہسپتال سوپور پہنچایا گیا، جہاں ڈاکٹروں نے ان میں سے دو سیکورٹی اہلکاروں اور دو عام شہریوں کو مردہ قرار دیا۔

مہلوک عام شہریوں کی شناخت منظور احمد شالہ ساکن شالیمار کالونی سوپور اور بشیر احمد ساکن مہرہ پورہ سوپور کے بطور ہوئی ہے جبکہ دیگر مہلوکین و زخمیوں کی شناخت ابھی معلوم نہیں ہو پائی ہے۔
ان کا کہنا تھا کہ تین دیگر زخمی جن میں دو سیکورٹی اہلکار شامل ہیں، ابھی زیر علاج ہی ہیں تاہم ان کی حالت نازک بتائی جا رہی ہے۔

دریں اثنا سیکورٹی فورسز نے علاقے کو محاصرے میں لے کر حملہ آوروں کی بڑے پیمانے پر تلاش شروع کی ہے۔

Continue Reading

جرم

دہلی، لاجپت نگر میں آتشزدگی

Published

on

fire

قومی دارالحکومت کے لاجپت نگر سینٹرل مارکیٹ کے ایک شو روم میں ہفتے کی صبح آگ لگ گئی۔ سرکاری ذرائع کے مطابق تقریباً 10:20 بجے آگ لگنے کی اطلاع ملی، جس کے فوراً بعد 32 فائر برگیڈ کی گاڑیاں جائے حادثہ کے لیے روانہ کی گئیں۔ حادثے میں کسی کے زخمی ہونے کی رپورٹ نہیں ہے۔ موقع پر آگ بجھانے کا کام جاری ہے۔

Continue Reading
Advertisement

رجحان

WP2Social Auto Publish Powered By : XYZScripts.com