Connect with us
Tuesday,04-August-2020

جرم

اندر سے بند کارخانے میں پولیس اہلکار اوپری منزے سے داخل, مزدوروں اور مقادم کی پٹائی

Published

on

(نامہ نگار)
ناسک میں کورونا کے مریض کی تصدیق کے بعد مالیگاؤں میں پولس کا رویہ عوام کے تئیں انتہائی ظالمانہ ہوگیا ہے. پولیس جس بیدردی سے عوام کو پیٹ رہی ہے اس سے تو ایسا لگ رہا ہے وہ اپنا کوئی پرانا حساب کتاب صاف کررہی ہے جس کی تازہ مثال کل یہاں کے رمضان پورہ پولیس اسٹیشن کی حدود میں دیکھنے کو ملی. اس ضمن میں ملی جانکاری کے مطابق گٹ نمر 164 میں واقع پلاٹ نمبر 36حاجی انور حیسن محمد ایوب کے کارخانے میں کل دوپہر 12 بج کر 20 منٹ پر چار پانچ پولیس اہلکار اوپری منزے سے کود کر داخل ہوئے اور اندر کام کررہے چار مزدور افراد کو بے تحاشہ پیٹنا چالو کردیا. اس تعلق سے نمائندے کو کارخانہ مالک محمد عمران نے سی سی ٹی وی کیمرے کے فوٹچ بطور ثبوت پیش کرتے ہوئے بتایا کہ ہم چار لوگ اپنے چہرے پر ماسک لگا کر زیر ترتیب کارخانے (جو ابھی جاری نہیں ہوا ہے) میں پاور لوم کو ترتیب دینے کا کام کررہے تھے کہ اچانک چار پانچ پولیس والے اوپری منزے سے کود پھلانگ کر اندر داخل ہوگئے. ان پولیس اہلکار نے ڈریل مشین سے تالے کی کٹائی کی اور پھر بعد دیگر افراد کو پیٹنا شروع کر دیا.
اخلاق احمد, محمد امین, اشفاق مقادم, عمران پاکیزہ (مالک) کو بند کارخانے میں بری طرح پیٹا گیا جس سے ان افراد کے جسم پر کئی چوٹیں آئی ہیں.
یہ سارا معاملہ کارخانے میں سی سی ٹی وی کیمرے میں قید ہے. پولیس کے ظالمانہ رویے کے تعلق جب نمائندے نے شہر کے رکن اسمبلی مفتی محمد اسماعیل قاسمی سے باز پرس کی انھوں نے کہا کہ اس بارے میں مجھے بھی متعدد شکایات موصول ہوئی ہیں اور میں شہر اے ایس پی سے ملاقات کے لئے جارہا ہوں. کل کے اس معاملے کو علاقے کی عوام نے اپنی آنکھوں سے دیکھا. پولیس کے غیر انسانی سلوک سے شہر میں ناراضگی کا اظہار کیا جارہا ہے. ایک ایسے وقت میں کہ جب پوراملک ہی نہیں بلکہ پوری دنیا متحدہوکر کورونا وائر س جیسی مہلک بیماری سے فیصلہ کن جنگ لڑرہی ہے تو اس جنگ کو فرقہ وارانہ رخ دینا انتہائی افسوسناک ہے. گزشتہ صبح رمضان پورہ کے ایک پاور لوم مزدور کو 6 مشکوک پولس والوں نے بے رحمی سے پیٹا. وہ شخص اکیلا رمضان پورہ میں کارخانہ بند کرکے لوم چلا رہاتھا. مطلب اب شہر میں لاء اینڈ آڈر نہیں ہے. پولس کو کورونا کے نام پر ڈنڈے برسا کر عوام کی طبیعت صاف کرنے کا بہترین نسخہ ہاتھ لگ گیا ہے. ڈی وائے ایس پی کے مطابق کرفیو کے ایام میں آج سے 11 بجے سے لے کر 3 بجے تک عوام اپنی روزمرہ کی اشیاء کی خریداری کرسکتی ہیں. اس کے باوجود ان اوقات میں بھی عوام کے ساتھ سختی اور زیادتی کی اطلاعات مل رہی ہیں. اب تو ایسا لگ رہا ہے کہ کورونا کے قہر سے مالیگاؤں یتیم ہوگیا ہے.اس کا کوئی پرسان حال نہیں کوئی تسلی دینے والا نہیں. بس من مانے طریقے پر پولس کے ڈنڈے عوام کی پیٹھ سینک رہے ہیں. شہر کے نمائندہ افراد کو ناسک ضلع دیہی ایس پی آرتی سنگھ اور شہر ایس پی سندیپ گھگے سے ملاقات کرکے پولیس مشکوک کردار پر گفتگو کرنی چاہیے.

جرم

مالیگاؤں میں جنونی بھیڑ نے پھر کیا مسلم نوجوانوں پر جان لیوا حملہ، پولس نے کیا مآب لنچنگ سے انکار، 3 افراد پولس کی گرفت میں مزید گرفتاریاں باقی

Published

on

کرائم اسٹوری : وفا ناہید
اس وقت پورے ملک حالات خراب چل رہے ہیں. 4 ماہ تک کورونا نے سب اس قدر خود میں مصروف رکھا کہ کورونا اور اس سے ہونے والی اموات , لاک ڈاؤن, تالی بجانا , دیا جلانا اور کورونا کو مسلمانوں جوڑ کر تبلیغی جماعت کو نشانہ بنانا ہی اس کا مصرف تھا. اب جب کہ کورونا 5 ماہ مکمل کرکے چھٹے ماہ قدم رکھ چکا ہے وہیں عوام کے دلوں سے کورونا کا خوف تھوڑا کم ہوا اور غیرقانونی سرگرمیوں کا آغاز ہوگیا. کوارٹنائن سینٹر میں کووڈ پیشنٹ کی آبروریزی سے لے کر قتل و خودکشی اور انکاؤنٹر کے بعد شرپسندوں کا پسندیدہ مشغلہ مآب لنچنگ تک پہنچ گیا. یوں تو لاک ڈاؤن میں چھوٹے موٹے کرائم کا سلسلہ جاری تھا مگر ادھر گذشتہ کچھ دنوں سے مالیگاؤں کے مسلم نوجوانوں کو ہجومی تشدد کا نشانہ بنایا جارہا ہے. ابھی پچھلے دنوں جلگاؤں ضلع کے پارولہ شہر میں کچھ نوجوانوں کی مآب لنچنگ کا ویڈیو شوشل میڈیا پر وائرل ہوا تھا. جس کے بعد شہر میں تناؤ کا ماحول پیدا ہوگیا تھا. وہ تو مالیگاؤں کے مسلمان صبر و جمیل کا پیکر ہے لہذا کوئی ناخوشگوار واقعہ رونما نہیں ہوا. اس واردات کی ابھی مذمت ہی جاری تھی کل یعنی عیدالاضحیٰ کے دن مالیگاؤں شہر تعلقہ پولس اسٹیشن کی حد میں دوبارہ کچھ مسلم نوجوانوں کو تشدد کا نشانہ بنایا گیا. اس واردات کے تعلق سے جب نمائندۂ ممبئی پریس نے مالیگاؤں شہر تعلقہ پولس اسٹیشن کے پی آئی نریندر بھدانے سے بات کی تو انہوں نے بتایا کہ مالیگاؤں کے 4 افراد آٹو رکشا سے جارہے تھے . اتنے میں جو کہ ایک بائی اپنی بھیڑ بکریاں لے کر جارہی تھیں , ان نوجوانوں کے ہارن بجانے کے بعد بھی اس نے راستہ نہیں دیا. جس کی وجہ سے وہ مشتعل ہوگئے اور انہوں نے گالی گلوچ کی. جس کے بعد اس بائی کے افراد خانہ نے بائیک کے ذریعہ ان نوجوانوں کی رکشا کا تعاقب کیا اور ان کے ساتھ مار پیٹ کی. پی آئی بھدانے کے مطابق یہ مآب لنچنگ نہیں تھی. بلکہ بات یہ تھی کہ ان لوگوں نے ان کے گھر والوں کے ساتھ گالی گلوچ کی تھی. بائیک سے آٹو رکشا کا پیچھا کیا گیا. جب وہ نوجوان اپنی جاں بچا کر بھاگنے لگے تو ان پر پتھراؤ کیا. بڑے بڑے پتھر پھینکے گئے جس کی وجہ ایک نوجوان زخمی ہوگیا اور ساتھ ہی ان مشتعل افراد نے ان کی آٹو رکشا MH41 AT 0757 کو بھی پتھر سے توڑ پھوڑ دیا . پی آئی بھدانے نے مزید بتایا کہ ہم نے اس واردات میں 3 افراد کو حراست میں لیا ہے. مزید گرفتاریاں ہونی باقی ہیں. اس کیس کی تحقیقات ابھی مکمل نہیں ہوئی ہے. ان افراد پر تعزیرات ہند کی دفعات 324 اور 341 کے تحت مقدمہ درج کیا گیا ہے.
اس واردات کا بھی ویڈیو وائرل ہوا جس میں صاف دکھائی دے رہا ہے بڑے بڑے پتھروں سے آٹو رکشا کی توڑ پھوڑ کی گئی . کہا جارہا ہے کہ جب مسلم نوجوان ان شرپسندوں سے جان بظاہر بھاگ رہے تھے. تب ان پر پتھر برسائے گئے. جنونی ہجوم کی طرف سے یہ ایک جان لیوا حملہ تھا. اگر یہ مسلم نوجوان خدانخواستہ ان کے ہاتھ لگ جاتے تو شاید ان کی لاشیں گھر آتیں. ایک معمولی تکرار کو فرقہ وارانہ رنگ دے کر شہر کا ماحول خراب کرنے کی کوشش کی گئی. اس کے باوجود پولس اسے مآب لنچنگ ماننے کو تیار نہیں. اگر ان نوجوانوں کی غلطی تھی تو پولس سے رجوع کیا جاسکتا تھا. قانون ہاتھ میں لے کر اس طرح تانڈو کرنے کی ضرورت نہیں تھی.

Continue Reading

جرم

یدیورپا کے بعد ان کی بیٹی بھی کوروناکی زد میں آئی

Published

on

کرناٹک کے وزیر اعلی بی ایس یدیورپا کے بعدان کی بیٹی بھی کورونا مثبت پائی گئی ہیں اور انہیں بنگلور کے منی پال اسپتال میں داخل کرایا گیا ہے۔
اس سے قبل مسٹر یدیورپا کواتوار کے روز کورونا پازیٹو آنے پر اسپتال میں داخل کرایا گیا تھا۔
مسٹر یدیورپا نے اپنے ٹویٹرہینڈل پر لکھا’’میری کورونا کی رپورٹ مثبت آئی ہے ، حالانکہ میں ٹھیک ہوں۔ میں ڈاکٹروں کے مشورے پر اسپتال میں داخل ہورہاہوں۔ میں درخواست کروں گا کہ جو بھی میرے رابطے میں آنے ہیں اپنا ٹسٹ کرائیں اورخود آئسو لیشن میں چلے جائیں‘‘ ۔
وزیراعلیٰ نے دو دن قبل کوروناکاٹسٹ کرایا تھا۔
مرکزی وزیر اسمرتی ایرانی اور کرناٹک کے سابق وزیراعلی اور کانگریس لیجسلیچر پارٹی کے رہنما سدارمیا سمیت متعدد رہنماؤں نے ان کی جلد صحت یابی کیلئے دعا کی ہے۔

Continue Reading

جرم

کورونا سے سب سے زیادہ متاثر چار ریاستوں میں 61 فیصد فعال کیسز

Published

on

کورونا وائرس سے سب سے زیادہ متاثرملک کی چار ریاستوں میں اس وبا کے 3.54 لاکھ سے زیادہ کیسز ہیں جو ملک بھر میں ایسے کیسز کا تقریبا 61 فیصد ہے۔
کورونا وائرس سے بری طرح متاثر ریاست مہاراشٹر میں وائرس کے سب سے زیادہ 148843 فعال کیسز ہیں جبکہ جنوبی ہندوستان کی ریاست کرناٹک میں 74598 ، آندھرا پردیش میں 74404 اور تمل ناڈو میں 56998 ہیں ۔ ان چار ریاستوں میں کورونا کیسز کی تعداد 354،843 ہیں جو ملک بھر میں سرگرم 579،357 کیسز کا 61 فیصد سے زیادہ ہے۔
مرکزی وزارت صحت کی جانب سے پیر کے روز جاری تازہ ترین اعداد و شمار کے مطابق ملک بھر میں گذشتہ 24 گھنٹوں کے دوران کورونا کے 52،972 نئے کیسز درج ہوئے ہیں جس کے بعد متاثرہ افراد کی مجموعی تعداد 18 لاکھ سے تجاوز کرکے 18،03،696 ہوگئی اور اب تک اس وبا سے 38،135 افراد لقمہ اجل بن چکے ہیں ، جبکہ مجموعی طور پر 11،86،203 مریض صحت یاب ہوچکے ہیں۔ فی الحال اس وقت ملک میں کورونا کے 579357 فعال کیسز ہیں۔
وزارت صحت کی جانب سے جاری اعداد و شمار کے مطابق ملک کی مختلف ریاستوں اور مرکز کے زیر کنٹرول علاقوں میں کورونا وائرس متاثرین کی تعداد مندرجہ ذیل ہے۔
ریاست ………………——–ایکٹیو کیسز …… شفایاب ………. ہلاک شدگان
انڈمان نکوبار —- 484 —— 242 ———- 8
آندھرا پردیش ———– 74404 —– 82886 —— 1474
اروناچل پردیش ——- 699 ——- 996 ——— 3
آسام —————— 10415 —– 32384 —– 105
بہار —————— 20306 —– 36389 —– 329
چنڈی گڑھ —————- 400 ——- 698 ——- 19
چھتیس گڑھ ————– 2482 —— 6991 —– 58
دادرا نگر نگر حویلی دمن دیو ————– 416 ——- 766 ——– 2
دہلی —————— 10356 —– 123317 —- 4004
گوا ——————– 1809 —— 4668 —— 53
گجرات —————– 14572 —– 46504 —- 2486
ہریانہ —————- 6396 —— 29690 —- 433
ہماچل پردیش ———- 1130 ——- 1559 —– 14
جموں۔کشمیر ———– 7893 ——– 13127 — 396
جھارکھنڈ —————– 7723 ——- 4682 —— 118
کرناٹک —————- 74598 —— 57725 —– 2496
کیرالہ —————— 11366 ——- 14463 —– 82
لداخ —————— 351 ——– 1108 ——– 7
مدھیہ پردیش ————– 9099 ——– 23550 —— 886
مہاراشٹر ————— 148843 —— 276809 —– 15576
منی پور —————- 1087 ———- 1737 ——- 7
میگھالیہ —————- 605 ———- 264 ——— 5
میزورم ————— 224 ———– 258 ——— 5
ناگالینڈ —————- 1282 ———- 648 ——— 5
اوڈیشہ —————- 12761 ——– 21955 —— 197
پڈوچیری ————— 1445 ——— 2309 ——- 52
پنجاب —————– 5964 ———- 1146 —— 423
راجستھان ————– 12391 ——— 30710 ——- 703
سکم ————— 368 ———— 289 ——— 1
تمل ناڈو ———— 56998 ———- 196483 —— 4132
تلنگانہ ————– 18547 ———- 47590 —— 540
تری پورہ —————- 1742 ———— 3605 ——- 27
اتراکھنڈ ———— 3070 ————- 4437 ——- 86
اتر پردیش ———– 38023 ———- 53168 —– 1730
مغربی بنگال ———- 21108 ———– 52730 —— 1678
مجموعئ —————— 579357 ———- 1186203 —- 38135

Continue Reading
Advertisement

رجحان

WP2Social Auto Publish Powered By : XYZScripts.com