Connect with us
Saturday,27-February-2021

بین الاقوامی خبریں

روس:اسلامک اسٹیٹ کے دہشت گردہلاک

Published

on

روس میں مغربی سائبیریا کے شہرٹیومین میں سیکورٹی فورسز نے دہشت گرد تنظیم اسلامک اسٹیٹ کے دو دہشت گردوں کو مار گرایا۔یہ اطلاع تفتیشی کمیٹی نے گزشتہ روز دی۔
تفتیشی کمیٹی نے بیان جاری کر کےبتایا کہ دہشت گرد ٹیومین میں ایک گھر میں چھپے ہوئے تھے جنہیں سیکورٹی فورسز نے تصادم میں مار گرایا۔ موقع سے ہتھیار اور گولہ بارود کے علاوہ شدت پسندوں کی مذہبی کتابیں بھی برآمد کی گئی ہے جنہیں قبضہ میں لے لیا گیا ہے۔
کمیٹی کے مطابق تمام حالات کو ذہن میں رکھتے ہوئے تحقیقات کی جا رہی ہے۔ کمیٹی کی علاقائی تفتیشی ٹیم اور قانون نافذ کرنے والے حکام نے جان بوجھ کر نقصان پہنچانے کی کوشش کی بنیاد پر فوجداری مقدمہ درج کر کے تفتیش شروع کر دی ہے۔

بین الاقوامی خبریں

سعودی وزارت خارجہ نے جمال خاشقجی قتل پر امریکی انٹیلیجنس کی رپورٹ کو مسترد کردیا

Published

on

Saudi-Arabia

صحافی جمال خاشقجی کے قتل پر امریکی انٹیلیجنس کی رپورٹ پر سعودی عرب کی وزارتِ خارجہ کا کہنا ہے کہ یہ منفی اور غلط ہے۔

سعودی وزارتِ خارجہ نے ایک بیان کے ذریعہ صحافی جمال خاشقجی کے قتل پر جاری کی گئی امریکی انٹیلیجنس رپورٹ پر اپنے رد عمل کا اظہار کیا ہے۔

سعودی وزارت خارجہ کا مزید کہنا ہے کہ غلط معلومات پر مبنی اس رپورٹ کو مکمل طور پر رد کرتے ہیں۔

سعودی وزارتِ خارجہ کا مذکورہ بیان میں یہ بھی کہنا ہے کہ ہم امید کرتے ہیں کہ دیرپا امریکہ سعودی تعلقات فروغ پاتے رہیں گے۔

خیال رہے کہ امریکہ کی جانب سے سعودی صحافی جمال خاشقجی کے قتل کی تحقیقات پر مبنی انٹیلیجنس رپورٹ جاری کی گئی ہے۔

اس امریکی رپورٹ میں الزام لگایا گیا ہے کہ سعودی عرب کی اعلیٰ شخصیت نے اس آپریشن کی منظوری دی جس کا انجام خاشقجی کے قتل پر ہوا۔

میڈیا کے مطابق جمال خاشقجی کو 2018 میں استنبول کے سعودی عرب کے قونصل خانہ میں قتل کیا گیا تھا۔

Continue Reading

بین الاقوامی خبریں

سوئزر لینڈ میں کووڈ ۔19 ویکسین لگائے جانے کے بعد 16 افراد ہلاک

Published

on

Switzerland

سوئٹزرلینڈ میں کورونا وائرس (کووڈ۔19) سے بچاؤ کے لئے ویکسین لگائے جانے کے بعد کم از کم 16 افراد کی موت ہوگئی۔

طبی مصنوعات تیار کرنے والی ایجنسی نے جمعہ کو یہ اطلاع دی۔ ایجنسی نے بتایا کہ ہمیں دوا کے منفی ردعمل کے 364 واقعات کے بارے میں معلومات موصول ہوئی ہیں، جن میں سے 199 فائزر اور بایواینٹیک سے متعلق ہیں، اور 154 کیسز موڈیرنا کی دوا سے متعلق ہیں۔ ایجنسی نے کہا ’’16 افراد کی مختلف وقتوں پر ویکسین لگائے جانے کے بعد موت ہوگئی۔ مرنے والوں کی اوسط عمر 86 سال تھی، اور ان میں سے بیشتر کی حالت پہلے سے ہی تشویشناک تھی۔‘‘

ایجنسی کا دعویٰ کیا ہے کہ اسٹڈی میں پایا گیا ہے، کہ یہ افراد ویکسین کی وجہ سے نہیں مرے ہیں۔

Continue Reading

بین الاقوامی خبریں

دو سال بعد میکسیکو سے 25 مہاجرین کا امریکہ میں داخلہ

Published

on

Mexico-&-USA

25 مہاجرین کا ایک گروپ دو سال کے انتظار کے بعد میکسیکو سے امریکی حدود میں داخل ہوا۔
یہ گروپ مائیگرینٹ سیکیورٹی پروٹوکول (ایم پی پی) کی منسوخی کے بعد امریکی سرحد میں داخل ہوا۔ تقریبا 25،000 مہاجرین پر مشتمل گروپ ایم پی پی کے تحت ایک مقدمہ چل رہا ہے، اور وہ امریکہ میں داخل ہونے کے لئے امیگریشن سماعت کا منتظر ہے۔ ان میں سے 25 مہاجرین جمعہ کے روز امریکی حدود میں داخل ہوئے۔

امریکہ نے 19 فروری کومیکسیکو کے تزووآنا سے امریکہ نے کے کیلیفورنیا اور سین ڈیاگو شہر کے درمیان داخلہ بندرگاہ پر مہاجرین کے داخلہ کا عمل دوبارہ شروع کیا۔

قابل ذکر ہے کہ امریکی صدر جو بائیڈن نے گزشتہ ماہ اقتدار سنبھالنے کے بعد فوری طور پر ایم پی پی کو منسوخ کردیا تھا، تاہم وائٹ ہاؤس نے دوسرے مہاجرین کو متنبہ کیا ہے کہ ابھی امیگریشن پالیسیوں پر نظر ثانی کی وجہ سے ان کو داخلہ بندرگاہوں سے بھگا دیا جائے گا۔

Continue Reading
Advertisement

رجحان

WP2Social Auto Publish Powered By : XYZScripts.com