Connect with us
Saturday,12-June-2021

قومی

جیٹ ایرویز کے چےئرمین نریش گوئل اوران کی اہلیہ انیتا گوئل نےاپنے عہدہ سے استعفی دے دیا

Published

on

Jet-Airways

جیٹ ایرویز کے چےئرمین اوران کی اہلیہ انیتا گوئل نے آج پیر کو مالی مسائل سے دوچاراس اے ئرلائنس کے بورڈ آف ڈائریکٹر سے استعفی دے دیا۔ یہ اطلاع ذرائع نے دی ہے۔ جیٹ ایرویز پرایک ارب ڈالر سے زیادہ کا قرض ہے اور یہ پچھلے کافی عرصے سے مالی مشکلات سے دوچار ہے۔
جیٹ ایرویز پر 26 بینکوں کا آٹھ ہزار کروڑ روپیہ واجب الادا ہے۔ ان بینکوں میں اسٹیٹ بینک آف انڈیا، الہ آباد بینک، انڈین اوورسیز بینک، بینک آف انڈیا اور کنارا بینک شامل ہیں۔ ایس بی آئی اور پنجاب نیشنل بینک جیٹ ایرویز کو بحران سے نکالنے کے لئے مالی مدد دینے پررضامند ہوگئے ہیں۔
2013 میں ابوظبی کےاتحادایرویز نے جیٹ ایرویز میں 600 ملین امریکی ڈالر کاسرمایہ لگایا تھا اورایرلائنس کے 24 فیصد حصص‘ لندن ہیتھرو میں تین سلاٹ اور جیٹ ایرویز کے فریکوینٹ فلائر پروگرام کا بڑا حصہ خریدلیا تھا۔ اس مالی مدد سے جیٹ کو اپنے کچھ قرض ادا کرنے اور بڑھتی ہوئی گھریلو مسابقت کا مقابلہ کرنے میں مدد ملی تھی۔

Continue Reading
Click to comment

Leave a Reply

Your email address will not be published.

بزنس

دہلی میں پٹرول 96 روپے سے تجاوز

Published

on

PETROL

آئل مارکیٹنگ کمپنیوں نے پٹرول اور ڈیزل کی قیمتوں میں ہفتے کے روز مسلسل دوسرے دن اضافہ کیا،جس سے دہلی اور کولکتہ میں پہلی بار پٹرول 96 روپے فی لیٹر سے تجاوز کر گیا ۔ ملک کے چار بڑے شہروں میں آج پٹرول 27 پیسے اور ڈیزل 24 پیسے تک مہنگا ہوگیا۔
معروف آئل مارکیٹنگ کمپنی انڈین آئل کارپوریشن کے مطابق دہلی میں پٹرول 27 پیسے مہنگا ہو کر 96.12 روپے اور ڈیزل 23 پیسے مہنگا ہو کر 86.98 روپے فی لیٹر مہنگا ہوگیا۔
گزشتہ4 مئی سے اب تک 23 دن پٹرول اور ڈیزل کی قیمتوں میں اضافہ کیا گیا ہے ، جبکہ بقیہ 17 دنوں میں قیمتوں میں کوئی تبدیلی نہیں کی گئی ہے۔ اس عرصے کے دوران دہلی میں پٹرول 5.72 روپے اور ڈیزل 6.25 روپے مہنگا ہو چکا ہے۔
ممبئی میں پٹرول میں 26 پیسے اور ڈیزل میں 24 پیسے کا اضافہ کیا گیا۔ اس کے ساتھ ہی پٹرول کی قیمت 102.30 روپے اور ڈیزل کی قیمت 94.39 روپے فی لیٹر تک پہنچ گئی۔
چنئی میں پٹرول 24 پیسے مہنگا ہوکر 97.43 روپے اور ڈیزل 22 پیسے مہنگا ہو کر 91.64 روپے فی لیٹر خروخت ہو ا۔
کولکتہ میں پٹرول 26 پیسے اور ڈیزل 23 پیسے بڑھا ہے ۔ وہاں ایک لیٹر پٹرول 96.06 روپے اور ڈیزل 89.83 روپے فی لیٹر پر پہنچ گیا۔
پٹرول اور ڈیزل کی قیمتوں کا یومیہ جائزہ لیا جاتا ہے اور اسی بنیاد پر روزانہ صبح 6 بجے سے نئی قیمتیں لا گو ہو جاتی ہیں ۔
شہر —— پیٹرول —— ڈیزل
دہلی ————— 96.12 —————— 86.98
ممبئی ———— 102.30 —————— 94.39
چنئی ————— 97.43 -—————- 91.64
کولکتہ ———— 96.06 —————— 89.83

Continue Reading

بزنس

تاریخی بلندی پر حصص مارکیٹ

Published

on

sensex

گذشتہ کئی دنوں سے کووڈ-19 کے کیسز میں مسلسل کمی کی وجہ سے جمعہ کی صبح گھریلو اسٹاک مارکیٹ میں زبردست اضافہ ہوا، اور بی ایس ای سنیکس پہلی بار 52،600 پوائنٹس کو عبور کر گیا۔

سینسیکس 176.72 پوائنٹس کے اضافے سے 52،477.19 پر کھلا، اور 52626.64 پوائنٹس تک جا پہنچا۔ خبریں لکھے جانے تک یہ 300.65 پوائنٹس یا 0.57 فیصد اضافے سے 52،601.12 پوائنٹس پر کاروبار کر رہا تھا۔
آئی ٹی، ٹیک اور بجلی سیکٹر کی کمپنیوں کے ساتھ ساتھ سرمایہ کاروں نے ریلائنس انڈسٹریز اور ایچ ڈی ایف سی جیسی بڑی کمپنیوں میں بھی بڑی سرمایہ کاری کی۔

سنسیکس اس سے قبل 16 فروری کے درمیان 52،516.76 پوائنٹس پر چڑھ گیا تھا، جبکہ مارکیٹ بند ہونے کے وقت (7 جون کو) اس کی ریکارڈ سطح 52،328.51 پوائنٹس تھی۔

نیشنل اسٹاک ایکسچینج کا نفٹی بھی 58.70 پوائنٹس اضافے کے ساتھ 15،796.45 پر کھلا، اور 15،835.55 پوائنٹس تک پہنچنے میں کامیاب رہا۔ تادم تحریر یہ 84.30 پوائنٹس یا 0.54 فیصد کے اضافہ کے ساتھ 15822.05 پر کاروبار کر رہا تھا۔

Continue Reading

بزنس

ممبئی میں پٹرول کے دام 102 روپے، ڈیزل 94 روپے سے متجاوز

Published

on

petrol

ایک دن تک مستحکم رہنے کے بعد پٹرول اور ڈیزل کی قیمتیں جمعہ کو ایک بار پھر بڑھ کر ایک نئی ریکارڈ سطح پر پہنچ گئیں۔

ملک کے چار بڑے میٹرو میں آج پٹرول 29 پیسے اور ڈیزل 30 پیسے مہنگا ہوگیا۔ اس کی وجہ سے ممبئی میں پہلی بار پٹرول کے دام 102 روپے اور ڈیزل 94 روپے کو عبور کر گئے۔ چنئی میں پٹرول کی قیمت پہلی بار 97 روپے سے زیادہ ہوگئی۔

معروف آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں پیٹرول 29 پیسے اضافے سے 95.85 روپے اور ڈیزل 28 پیسے اضافے سے 86.75 روپے فی لیٹر مہنگا ہوگیا۔

گزشتہ 4 مئی سے اب تک 22 دن میں پٹرول اور ڈیزل کی قیمتیں بڑھائی گئیں، جبکہ باقی 17 دن کی قیمتوں میں کوئی تبدیلی نہیں کی گئی ہے۔ اس دوران دہلی میں پٹرول 5.45 روپے اور ڈیزل 6.02 روپے مہنگا ہوگیا ہے۔

ممبئی میں پٹرول میں 28 پیسے اور ڈیزل میں 30 پیسے کا اضافہ کیا گیا۔ اس کے ساتھ ہی پٹرول کی قیمت 102.04 روپے اور ڈیزل کی قیمت 94.15 روپے فی لیٹر کو عبور کر گئی۔

چنئی میں، پٹرول 25 پیسے مہنگا ہوکر 97.19 روپے اور ڈیزل 27 پیسے اضافے سے 91.42 روپے فی لیٹر ہوگیا۔

کولکاتا میں، دونوں ایندھن کی قیمتوں میں 28-28 پیسے کا اضافہ ہوا ہے۔ وہاں ایک لیٹر پٹرول 95.80 روپے اور ڈیزل 89.60 روپے فی لیٹر پر پہنچ گیا۔

پٹرول اور ڈیزل کی قیمتوں کا روزانہ جائزہ لیا جاتا ہے، اور اسی بنا پر روزانہ صبح 6 بجے سے نئی قیمتوں پر عمل درآمد ہوتا ہے۔

آج ملک کے چار میٹرو شہروں میں پٹرول اور ڈیزل کی قیمتیں حسب ذیل ہیں۔
شہر کا نام —— پیٹرول روپے / لیٹر —— ڈیزل روپے / لیٹر
دہلی ……………. 95.85 …………… 86.75
ممبئی …………… 102.04 ………….. 94.15
چنئی ……………. 97.19 …………… 91.42
کولکاتا …………. 95.80 …………… 89.60

Continue Reading
Advertisement

رجحان

WP2Social Auto Publish Powered By : XYZScripts.com