Connect with us
Saturday,27-February-2021

قومی

جیٹ ایرویز کے چےئرمین نریش گوئل اوران کی اہلیہ انیتا گوئل نےاپنے عہدہ سے استعفی دے دیا

Published

on

Jet-Airways

جیٹ ایرویز کے چےئرمین اوران کی اہلیہ انیتا گوئل نے آج پیر کو مالی مسائل سے دوچاراس اے ئرلائنس کے بورڈ آف ڈائریکٹر سے استعفی دے دیا۔ یہ اطلاع ذرائع نے دی ہے۔ جیٹ ایرویز پرایک ارب ڈالر سے زیادہ کا قرض ہے اور یہ پچھلے کافی عرصے سے مالی مشکلات سے دوچار ہے۔
جیٹ ایرویز پر 26 بینکوں کا آٹھ ہزار کروڑ روپیہ واجب الادا ہے۔ ان بینکوں میں اسٹیٹ بینک آف انڈیا، الہ آباد بینک، انڈین اوورسیز بینک، بینک آف انڈیا اور کنارا بینک شامل ہیں۔ ایس بی آئی اور پنجاب نیشنل بینک جیٹ ایرویز کو بحران سے نکالنے کے لئے مالی مدد دینے پررضامند ہوگئے ہیں۔
2013 میں ابوظبی کےاتحادایرویز نے جیٹ ایرویز میں 600 ملین امریکی ڈالر کاسرمایہ لگایا تھا اورایرلائنس کے 24 فیصد حصص‘ لندن ہیتھرو میں تین سلاٹ اور جیٹ ایرویز کے فریکوینٹ فلائر پروگرام کا بڑا حصہ خریدلیا تھا۔ اس مالی مدد سے جیٹ کو اپنے کچھ قرض ادا کرنے اور بڑھتی ہوئی گھریلو مسابقت کا مقابلہ کرنے میں مدد ملی تھی۔

Continue Reading
Click to comment

Leave a Reply

Your email address will not be published. Required fields are marked *

بزنس

مودی کی وارانسی کو سوغات، چلیں گی سی این جی کشتیاں : پردھان

Published

on

CNG-Boats-Will-Run

پٹرولیم کے مرکزی وزیر دھرمیندر پردھان نے ہفتے کو کہا کہ وزیراعظم نریندر مودی جلد ہی اپنے پارلیمانی حلقے وارانسی کو ’اسمارٹ سٹی‘ بنانے میں مددگار ’پردھان منتری اور جا گنگا‘ پروجیکٹ کے تحت گنگا ندی میں سی این جی کشتیوں کا افتتاح کریں گے۔

انہوں نے اپنے دو روزہ دورے کے آخری دن کھڑکیا گھاٹ پر اورجا گنگا پروجیکٹ سے جڑے کاموں کا مقامی جائزہ اور مشینوں کی تکنیکی صلاحیتوں کو پرکھا۔ اس کے بعد انہوں نے نامہ نگاروں سے کہا کہ سی این جی سے چلنے والی کشتیوں سے آلودگی میں کمی آئے گی اور سیاحوں کو بہترین سہولیات کے ساتھ ساتھ بہتر ماحول بھی ملے گا۔ گنگا میں کشتی ڈیزل کے بجائے سستے ایندھن سی این جی سے چلیں گی۔ اس سے ماحولیات کی حفاظت کےساتھ ہی ملاحوں کو بچت بھی ہوگی۔

مرکزی وزیر نے کہا، ’’آج سی این جی سے چلنے والی کشتی کا ٹیکنیکل ٹیسٹ ہوا ہے۔ جلد ہی وزیراعظم اس یوجنا کے بڑے پیمانے پر افتتاح کریں گے۔‘‘

انہوں نے کہا،’’پردھان منتری اورجا گنگا یوجنا کی شروعات کاشی سے ہوئی تھی اور اب سی این جی سے کشتی چلنے کی وجہ سے یہ یوجنا ٹیکنیکلی ماں گنگا کے اندر بھی پہنچ گئی ہے۔‘‘

مسٹر پردھان نے کہا کہ وارانسی کو اسمارٹ سٹی بنانے کا کام تیزی کیا جارہا ہے۔ اسی کے تحت یہاں گنگا ساحل پر کھڑکیا گھاٹ (راج گھاٹ کے پاس) کو جدید ترین سہولیات سے لیس کیا جارہا ہے۔ یہاں تمام گھاٹوں کو قدیم اقدار کو توجہ میں رکھتے ہوئے خوبصورت اور سیاحوں کی ضرورت کے مطابق بنایا جارہا ہے۔ اس سے مذہبی سیاحت کو بھی فروغ ملے گا۔

انہوں نے کہا کہ کاشی (وارانسی) دنیا کی توجہ کا مرکز پہلے سے ہی رہا ہے۔ حال میں وزیراعظم کے منصوبے کے مابق اسے اور خوبصورت بنایا جا رہا ہے۔

Continue Reading

بزنس

تین دن کے بعد پٹرول اور ڈیزل کی قیمتوں میں پھر ابال

Published

on

PETROL

بین الاقوامی مارکیٹ میں خام تیل کی قیمتوں میں کمی کے باوجود گھریلو سطح پر تین روزہ راحت کے بعد پٹرول اور ڈیزل کی قیمتوں میں آج پھر اضافہ کر دیا گیا۔ قومی دارالحکومت دہلی میں آج پٹرول 24 پیسے کے اضافے کے ساتھ 91.17 روپے فی لیٹر اور ڈیزل 15 پیسے کے اضافے سے 81.47 روپے فی لیٹر پر پہنچ گیا۔

بین الاقوامی مارکیٹ میں گذشتہ دنوں خام تیل کی قیمتوں میں نرمی رہی۔ ’اوپیک پلس‘ ممالک کا اجلاس آئندہ ہفتے ہونے والا ہے جس میں تیل کی پیداوار میں اضافے کے امکان پر تبادلہ خیال کئے جانے کی امید ہے۔ فی الحال لندن برینٹ کروڈ 66 ڈالر فی بیرل کے قریب ہے۔

Continue Reading

بزنس

پٹرول اور ڈیزل کی قیمتیں تیسرے روز بھی ریکارڈ سطح پر برقرار

Published

on

petrol

بین الاقوامی مارکیٹ میں خام تیل کی قیمتوں میں نرمی کے درمیان گھریلو مارکیٹ میں پٹرول اور ڈیزل کی قیمتوں میں جمعہ کو لگاتار تیسرے روز بھی استحکام رہا۔

دارالحکومت دہلی میں پٹرول فی الحال 90.83 روپے اور ڈیزل 81.32 روپے فی لیٹر ہے۔ منگل کو ان دونوں قیمتوں میں بالترتیب 25 پیسے اور 35 پیسے فی لیٹر کا اضافہ ہوا تھا۔

آئل مارکیٹنگ کی سرکاری کمپنی انڈین آئل کارپوریشن کے مطابق آج ان دونوں ایندھن کی قیمتیں مستحکم ہیں۔

بین الاقوامی مارکیٹ میں گذشتہ روز خام تیل کی قیمتوں میں نرمی رہی۔ اوپیک پلس ممالک کا اجلاس آئندہ ہفتے ہونے والا ہے تاکہ تیل کی پیداوار میں اضافے کے امکان پر تبادلہ خیال کیا جاسکے۔ فی الحال لندن برینٹ کروڈ 66 ڈالر فی بیرل سے بھی زیادہ ہے۔

Continue Reading
Advertisement

رجحان

WP2Social Auto Publish Powered By : XYZScripts.com