Connect with us
Friday,03-July-2020

قومی

مدھیہ پردیش کے چیف الیکشن افسرنے ضابطہ اخلاق پر سختی سے عمل کرانے کی ہدایات دی

Published

on

مدھیہ پردیش کے چیف الیکشن افسر وی ایل کانتا راؤ نے آزاد، منصفانہ اور شفاف انتخابی عمل کے لئے الیکشن کمیشن کی جانب سے مقرر مثالی ضابطہ اخلاق کے سبھی التزامات پر سختی سے عمل کرانے کی ہدایات دی ہیں۔
سرکاری اطلاعات کے مطابق مسٹر كانتا راؤ گزشتہ روز یہاں جبل پور، ریوااور شهڈول ڈویژن میں لوک سبھاانتخابات کے سلسلے میں چل رہی تیاریوں کا جائزہ لے رہے تھے۔
كلکٹر میٹنگ روم میں منعقد اس میٹنگ میں ڈپٹی الیکشن اٖفسر سندیپ یادو، آئی جی یوگیش چودھری، آئی جی الیکشن اخراجات اننت کمار سنگھ، ڈی آئی جی نارکوٹکس جی جی پانڈے، جوائنٹ ڈائریکٹر انکم ٹیکس پرشانت کمار مشرا، آبکاری کمشنر رجنیش شریواستو، تینوں ڈویژنوں کے ڈویژنل کمشنر، پولیس آئی جی اورتینوں ڈویژنوں کے ان سبھی 13 اضلاع کے کلکٹر اور پولیس سپرنٹنڈنٹ موجود تھے جہاں مدھیہ پردیش میں پہلے مرحلے میں لوک سبھا کے انتخابات ہونے ہیں۔
میٹنگ میں ای وی ایم اوروی وی پیٹ مشینوں کی دستیابی اوراس سلسلے میں عوام میں بیداری لانے کے لئے کئے جارہے کاموں کی معلومات بھی حاصل کی۔
مسٹر کانتا راؤ نے لوک سبھا انتخابات میں اخراجات کے نظرئے سے حساس علاقوں میں نگرانی نظام کو مضبوط کرنے کی ہدایت دی۔ انہوں نے کہا کہ غیر قانونی طریقے سے انتخابات کو متاثر کرنے کی کوشش کرنے والوں سے سختی سے نمٹا جائے۔

بزنس

ممبئی: ریلوے پٹریوں پر دوڑنے کے لئے تیار ہیں 350 لوکل ٹرینیں، جانئے کون کون کرسکتا ہے سفر؟

Published

on

مہاراشٹر کے دارالحکومت ممبئی میں کورونا بحران کے درمیان 350 مقامی ٹرینیں ریلوے ٹریک پر دوڑنے کے لئے تیار ہیں۔ بدھ کے روز وسطی ریلوے نے شہر میں ٹرینوں کے آپریشن سے متعلق ایک اہم فیصلہ لیا۔ اس کے تحت بدھ سے شہر میں 350 مقامی ٹرینوں کو چلانے کی اجازت دی گئی۔ تاہم عام شہری ٹرینوں میں سفر نہیں کرسکیں گے۔ صرف مرکزی اور ریاستی حکومت کے ذریعہ شناخت ہوگی اور ضروری خدمات سے منسلک افراد ہی مقامی ٹرینوں کا استعمال کرسکیں گے۔
بھارتی ریلوے نے منگل کو ریاستی اور مرکزی حکومت کی منظوری کے بعد مقامی ٹرینوں کی خدمات کو بڑھانے کا فیصلہ کیا ہے۔ تاہم ابھی عام مسافروں کو سفر کی اجازت نہیں ہے۔ ریلوے کے فیصلے کے مطابق وسطی اور مغربی علاقوں میں 350 ٹرینیں شروع کی جائیں گی۔ جن لوگوں کو مقامی ٹرینوں میں سفر کرنے کی اجازت ہے وہ مرکزی حکومت کے ملازمین، آئی ٹی، جی ایس ٹی، کسٹم، پوسٹل، قومی بینک، ایم بی پی ٹی، عدلیہ، دفاع اور راج بھون شامل ہیں۔ قابل غور بات یہ ہے کہ سینٹرل ریلوے ممبئی ڈویژن میں 200 ٹرینیں چلاتی ہے۔ بدھ کے روز اس میں مزید 150 ٹرینیں شامل کی گئی۔
موصولہ خبروں کے مطابق مہاراشٹر میں کورونا کیسز رکنے کا نام ہی نہیں لے رہے ہے ایسی صورتحال میں ریاستی حکومت نے ریاست میں لاک ڈاؤن کو 31 جولائی تک بڑھا دیا ہے۔ ملک میں کورونا سے متاثرہ ہر روز 4 ہزار سے زیادہ نئے کیسز سامنے آئے ہیں۔ ریاست میں کورونا مریضوں کی تعداد ایک لاکھ 74 ہزار 761 ہوگئی ہے۔ مہلک وائرس سے اب تک مجموعی طور پر 7 ہزار 855 افراد ہلاک ہوچکے ہیں۔

Continue Reading

بزنس

رائٹس ایشو حصص کی شاندار انٹری، کمپنی کے مارکیٹ کیپ 10.92 لاکھ کروڑ کے ریکارڈ سطح پر

Published

on

مکیش امبانی کی ریلائنس انڈسٹریز کے رائٹ ایشو نے پیر کو شاندار انٹری کے ساتھ تاریخ رقم کی اور کمپنی کا مارکیٹ سرمایہ اب تک کے سب سے اعلی ترین مقام 10.92 لاکھ کروڑ روپے پر پہنچ گیا۔
پیر کو کاروبار میں نیشنل اسٹاک ایکسچینج (این ایس ای) میں ریلائنس کے حصص نے اب تک کے ریکارڈ شرح 1626.95 روپے کی سطح کو چھو لیا۔ ریلائنس کی مارکیٹ سرمایہ اب 11 لاکھ کروڑ روپے سے صرف آٹھ ہزار کروڑ روپے دور پیر کو 10 لاکھ 92 ہزار کروڑ روپے ہو گیا۔
ملک میں درج فہرست کوئی کمپنی 11 لاکھ کروڑ کا مارکیٹ کیپ ڈیٹا آج تک نہیں چھو سکی ہے۔ آج نیشنل اسٹاک ایکسچینج پر ریلائنس کے دو کروڑ 45 لاکھ حصص کی خرید وفروخت ہوئی۔ شیئر 1612.30 روپے پر بند ہوا۔
رائٹ ایشو نے درج ہونے کے تمام اندازوں کو غلط ثابت کیا۔ ریلائنس کے جزوی ادائیگی حصص کی پیر کو شاندار لسٹنگ ہوئی۔ حصص 690 روپے کے بھاؤ پر کھلا اور 710.65 روپے کی بلند ترین سطح کو چھولیا۔ مارکیٹ بند ہونے پر ریلائنس کے جزوی ادائیگی شیئر قیمت 698 روپے تھا۔ ریلائنس کے جزوی حصص میں ڈلیوری 59.93 فیصد دیکھی گئی۔مزید ڈلیوری کو مارکیٹ میں سرمایہ کاروں کے اعتماد کے طور پر دیکھا جاتا ہے۔

Continue Reading

بزنس

راجدھانی دلی میں پٹرول کی قیمت 75 روپے سے تجاوز

Published

on

petrol

قومی راجدھانی دلی میں پٹرول کی قیمت سنیچر کو 59 پیسے کے اضافے کے ساتھ 75 روپے فی لیٹر اور ڈیزل کی قیمت 58 پیسے بڑھ کر 73 روپے فی لیٹر سے زیادہ ہوگئی ہے۔
ملک میں پٹرول۔ ڈیزل کے دام میں ساتویں دن بڑا اضافہ کیا گیا ہے۔ ان سات دنوں میں دلی میں پٹرول 3.90 روپے یعنی 5.47 فیصد اور ڈیزل چار روپے یعنی 5.76 فیصد مہگا ہوچکا ہے۔
ملک کی سب سے بڑی تیل تقسیم کرنے والی کمپنی انڈین آئل کارپوریشن کے مطابق دلی میں پٹرول کی قیمت سنیچر کو 59 پیسے بڑھ کر 75.16 روپے فی لیٹر پر پہنچ گئی ہے۔ یہ اس برس 18 جنوری کے بعد کی اس کی اعلی سطح ہے۔ ڈیزل بھی 58 پیسے مہنگا ہوکر 73.39 روپے فی لیٹر کے دام میں فروخت ہوا جو 2 نومبر 2018 کے بعد کی اس کی سب سے زیادہ خوردہ قیمت ہے۔
پٹرول کی قیمت کولکاتااور ممبئی میں 55۔55 پیسے بڑھ کر بالترتیب 77.05 اور 82.10 روپے فی لیٹر پر پہنچ گئی ہے۔ چنئی میں یہ 51 پیسے بڑھ کر 78.99 روپے فی لیٹر رہی۔
کولکاتا میں ڈیزل 53 پیسے مہنگا ہوکر 69.23 روپے، ممبئی میں 55 پیسے مہنگا ہوکر 72.03 روپے اور چنئی میں 49 پیسے کے اضافے کے ساتھ 71.64 روپے فی لیٹر فروخت ہوا۔
ملک کے چار اہم شہروں میں پٹرول اور ڈیزل کے دام (روپے فی لیٹر میں) اس طرح رہے۔
میٹرو شہر ———– پٹرول —————– ڈیزل
دہلی ———— 75.16 ——- 73.39
کولکتہ ——— 77.05 ——- 69.23
ممبئی ————- 82.10 ——- 72.03
چنئی ———— 78.99 ——- 71.64

Continue Reading
Advertisement

رجحان

WP2Social Auto Publish Powered By : XYZScripts.com