Connect with us
Saturday,27-February-2021

بزنس

2022 تک ہندوستان میں ہوگی ایک کروڑ کی ایم بی سے زائد ڈاٹا کھپت

Published

on

ٹیلی کمیونیکیشن سروس فراہم کمپنیوں کے درمیان مسابقت کے سبب وجہ ڈیٹا ٹیرف میں آئی گراوٹ اور دراز علاقوں میں اسمارٹ فون کی رسائی بڑھنے سے ملک میں ڈیٹا کھپت میں تقریبا 73 فیصد کا سالانہ اضافہ ہو رہا ہے اور سال 2022 تک اس کا بڑھ کر ایک کروڑ نو لاکھ 65 ہزار 879 ایم بی تک پہنچنے کا اندازہ ہے۔ سال 2017 میں ملک کا ڈیٹا کھپت 71 لاکھ چھ ہزار 710 ایم بی رہا تھا۔
صنعتی تنظیم اے ایس ایس او سی ایچ اے ایم اور مارکیٹوں کا مطالعہ کرنے والی ایجنسی پی ڈبلیوسی کی مشترکہ تحقیق کے مطابق سال 2017 میں ملک میں 40 فیصد فون اسمارٹ فون تھے۔ اسمارٹ فون کی بڑھتی ہوئی تعداد کی وجہ سے ویڈیو آن ڈیمانڈ کاروبار کو سب سے زیادہ فائدہ ہو گا جس سے ڈیٹا کھپت بڑھے گی۔ملک میں انٹرنٹ صارفین بڑی تیزی سے ڈیٹا کا استعمال کر رہے ہیں ۔ سال 2013 تک ملک کے موبائل صارفین اوسطا كا لنگ خدمات کے لئے زیادہ خرچ کرتے تھے لیکن اب موبائل بل کا زیادہ تر حصہ ڈیٹا کا ہوتا ہے۔
رپورٹ کے مطابق سال 2013 میں وائس کالنگ خدمات پر اوسطا ماہانہ خرچ 214 روپے اور ڈاٹا پر خرچ 173 روپے تھا ۔سال 2016 میں وائس کالنگ پر خرچ کم ہو کر 124 روپے ہو گیا اور
ٖڈاٹا پر خرچ بڑ ھ کر 225 فی ماہ ہو گیا ۔نوکیا موبائل براڈبینک انڈیکس 2018 کے مطابق کل ڈاٹا خر چ میں ویڈیو اسٹریمنگ کی حصہ داری 65 سے 75 فیصد تک ہے ۔

Continue Reading
Click to comment

Leave a Reply

Your email address will not be published. Required fields are marked *

بزنس

امریکہ میں جانسن اینڈ جانسن ویکسین کی منظوری

Published

on

Johnson-&-Johnson-Vaccine

امریکہ میں ماہرین کے پینل نے جانسن اینڈ جانسن کووڈ-19 ویکسین کی منظوری دے دی ہے۔
ویکسین اور متعلقہ حیاتیاتی مصنوعات سے متعلق مشاورتی کمیٹی نے ویکسین کی سفارش کے لئے جمعہ کو ایک لائیو اسٹریم ایونٹ کے دوران متفقہ طور پر ووٹ دیا۔ اب اس کی فراہمی کے لئے امریکی فوڈ اینڈ ڈرگ ایڈمنسٹریشن (ایف ڈی اے) سے منظوری درکار ہوگی۔ اگر ایف ڈی اے سے منظوری مل جاتی ہے، تو جانسن اینڈ جانسن فائزر اور موڈیرنا کے بعد امریکہ میں کورونا وائرس سے چھٹکارا پانے کے لئے تیسری دوا ساز کمپنی بن جائے گی۔

Continue Reading

بزنس

تین دن کے بعد پٹرول اور ڈیزل کی قیمتوں میں پھر ابال

Published

on

PETROL

بین الاقوامی مارکیٹ میں خام تیل کی قیمتوں میں کمی کے باوجود گھریلو سطح پر تین روزہ راحت کے بعد پٹرول اور ڈیزل کی قیمتوں میں آج پھر اضافہ کر دیا گیا۔ قومی دارالحکومت دہلی میں آج پٹرول 24 پیسے کے اضافے کے ساتھ 91.17 روپے فی لیٹر اور ڈیزل 15 پیسے کے اضافے سے 81.47 روپے فی لیٹر پر پہنچ گیا۔

بین الاقوامی مارکیٹ میں گذشتہ دنوں خام تیل کی قیمتوں میں نرمی رہی۔ ’اوپیک پلس‘ ممالک کا اجلاس آئندہ ہفتے ہونے والا ہے جس میں تیل کی پیداوار میں اضافے کے امکان پر تبادلہ خیال کئے جانے کی امید ہے۔ فی الحال لندن برینٹ کروڈ 66 ڈالر فی بیرل کے قریب ہے۔

Continue Reading

بزنس

روپیہ کی قدر میں 62 پیسے کی کمی

Published

on

rupees

عالمی اسباب سے گھریلو شیئر بازار کے گر جانے کے درمیان جمعہ کو انٹر بینکنگ کرنسی مارکٹ میں روپیہ ڈالر کے مقابلے تقریباً 62 پیسے گر کر 73.03 روپے فی ڈالر پر رہا، جبکہ جمعرات کو آٹھ پیسے کی کمی کے ساتھ 72.43 روپے فی ڈالر پر رہا تھا، شیئر بازار میں گراوٹ کی وجہ سے گھریلو کرنسی ڈالر اور دیگر غیر ملکی کرنسیوں کے مقابلہ کمزور رہی۔ اس دوران یہ 72.90 فی ڈالر کی نچلی اور 73.06 روپے فی ڈالر کی اونچی سطح کے درمیان رہی۔

Continue Reading
Advertisement

رجحان

WP2Social Auto Publish Powered By : XYZScripts.com