Connect with us
Saturday,12-June-2021

بین الاقوامی

پاکستان نے زمبابوے کو 0-2 سے کلین سویپ کیا

Published

on

Pakistani-Team

نعمان علی (86 رن پر پانچ وکٹیں) اور شاہیں آفردی (52 رن پر پانچ وکٹیں) کی شاندار گیند بازی سے پاکستان نے زمبابوے کو دوسرے کرکٹ میچ کے چوتھے دن پیر کے روز اننگز اور 147 رن سے شکست دے کر دو میچوں کی سیریز کو 0-2 سے کلین سویپ کر لیا۔ پاکستان نے سیریز کے دونوں ٹسٹ اننگ کے فرق سے جیتے۔

پاکستان نے زمبابوے کو پہلی اننگز میں 132 رن پر نمٹا کر میزبان ٹیم کو فالوآن کھیلنے کے لئے مجبور کیا تھا۔ پاکستان نے اپنی پہلی اننگز آٹھ وکٹ پر 510 رن بناکر ڈکلیئر کی تھی۔ زمبابوے پہلی اننگز میں 378 رن سے پیچھے ہوگیا تھا اور اسے فالوآن کھیلنے کے لئے مجبور ہونا پڑا۔

زمبابوے نے اپنی دوسری اننگز میں نو وکٹ کے نقصان پر 220 رن بنالئے تھے، اور اس کی دوسری اننگز آج 68ویں اوور میں 231 رن پر سمٹ گئی۔ پاکستان نے پہلا ٹسٹ اننگز اور 116 رن سے جیتا تھا، اور دوسرا ٹسٹ بھی اس نے اننگز کے فرق سے جیتا۔

میچ کے چوتھے روز زمبابوے نے بیٹنگ کا آغاز کیا تو اسے پہلی اننگز کے نقصان کو پورا کرنے کے لیے مزید 158 رنز درکار تھے۔ تاہم اس کی آخری جوڑی مجموعی اسکور میں صرف 11 رنز کا اضافہ کر سکی اور پوری ٹیم دوسری اننگز میں 231 رنز پر ڈھیر ہوگئی۔

لیوک جونگوے کو شاہین آفریدی نے 37 رن پر آوٹ کر کے اپنا پانچواں وکٹ لیا، اور میزبان ٹیم کی دوسری اننگز 231 رن پر سمیٹ دی۔ بلیسنگ مزربانی 24 گیندوں میں چار رن بناکر ناٹ آوٹ رہے۔ جونگوے نے 70 گیندوں میں سات چوکوں کی مدد سے 37 رن بنائے۔ دوسری اننگز میں نعمان علی اور شاہین شاہ آفریدی نے میزبان ٹیم کی بیٹنگ لائن ناکام بنائی اور 5، 5 وکٹیں حاصل کیں۔

پاکستان کی پہلی اننگز مین ڈبل سنچری بنانے والے عابد علی کو پلیئر آف دی میچ کا ایوارڈ دیا گیا، جبکہ حسن علی کو پلیئر آف دی سیریز کا انعام ملا۔
مختصر اسکور:
پاکستان : پہلی اننگ ۔ آٹھ وکٹ پر 510 رن ۔ اننگز ڈکلیئر
زمبابوے : 132 اور 231 رن

بین الاقوامی

سری لنکا دورے میں شکھردھون سنبھالیں گے کپتانی، بھونیشور نائب کپتان

Published

on

Shikhar-Dhawan-&-Bhubaneswar

بائیں ہاتھ کے سلامی بلے باز شکھر دھون سری لنکا کے آئندہ دورے میں ہندوستان کی محدود اوورز ٹیم کی کپتانی کریں گے، جبکہ تیز گیند باز بھوونیشور کمار نائب کپتان ہوں گے۔ ہندوستان کی ٹیسٹ ٹیم آئی سی سی ورلڈ ٹیسٹ چیمپیئن شپ فائنل اور پھر انگلینڈ کے خلاف پانچ میچوں کی ٹیسٹ سیریز کے لئے اس وقت انگلینڈ میں ہے، اس لئے نئے کھلاڑیوں کو آزمانے کا یہ ایک اچھا موقع ہے۔ ہندوستان کو سری لنکا کے اس محدود اوورز کے اس دورے میں تین ون ڈے اور تین ٹی ٹونٹی کھیلنا ہے۔ تمام میچز کولمبو میں واقع آر پریماداسا انٹرنیشنل اسٹیڈیم میں کھیلے جائیں گے۔ ون ڈے میچز 13، 16 اور 18 جولائی کو کھیلے جائیں گے، جبکہ ٹی 20 میچ 21، 23 اور 25 جولائی کو ہوں گے۔

نیشنل کرکٹ اکیڈمی (این سی اے) کے سربراہ اور سابق ہندوستانی کپتان راہل دراوڑ بطور کوچ جولائی میں سری لنکا کا دورہ کریں گے۔ ٹیم کے کوچنگ عملے میں بھی ان کے این سی اے کے ساتھی ممبر شامل ہوں گے۔

Continue Reading

بین الاقوامی

چوتھی سیڈ صوفیہ کینن چوتھے راونڈ میں باہر

Published

on

seed-Sofia-Cannon

چوتھی سیڈڈ امریکہ کی صوفیہ کینن سال کے دوسرے گرینڈ سلیم فرنچ اوپن کے چوتھے راونڈ میں پیر کے روز شکست کھاکر باہر ہوگئیں کینین کو مسلسل سیٹوں میں 17ویں سیڈ یونان کی ماریہ سکاری نے 6-1، 6-3 سے آسانی سے شکست دی، ماریہ نے ایک گھنٹہ اور آٹھ منٹ میں یہ میچ جیت لیا، اور کوارٹر فائنل میں پہنچ گئیں، دفاعی چیمپئن اور اس مرتبہ آٹھویں سیڈ یافتہ پولینڈ کی ایگا سویتیک یوکرین کی مارتا کاسٹیوک کو ایک گھنٹے 32 منٹ تک چلے مقابلے میں چھ۔تین، چھ۔چار سے شکست دے کر آحری آٹھ میں پہنچ گئیں۔

اس طرح اس سال آٹھ کوارٹرفائنلسٹ میں چھ پہلی مرتبہ کسی گرینڈ سلیم کے آخری آٹھ میں پہنچی ہیں۔ اس سے قبل 2001 اور 1976 کے فرنچ اوپن اور 1969 کے آسٹریلین اوپن میں پانچ کوارٹرفائنلسٹ پہلی مرتبہ پہنچی تھیں۔

ان کھلاڑیوں مین سے ایک واحد گرینڈ سلیم فاتح سویتیک ہیں، جو 20 سال کی ہیں۔ ان کا کوارٹرفائنل میں یونان کی سکاری سے مقابلہ ہوگا۔

Continue Reading

بین الاقوامی

بولٹ کورینٹائن پروٹوکو ل میں چھوٹ کے بعد انگلینڈ کے خلاف دوسرے ٹیسٹ میں کھیل سکتے ہیں

Published

on

Trent-Bolt

انگلینڈ میں نئے کورینٹائن پروٹوکول کے سبب نیوزی لینڈ کے تیز گیند باز ٹرینٹ بولٹ انگلینڈ کے خلاف موجودہ ٹیسٹ سیریز کے دوسرے ٹیسٹ میں حصہ لے سکتے ہیں، آئی پی ایل 14 کے ملتوی ہونے کے بعد نیوزی لینڈ واپس آنے والے بولٹ کی پہلے صرف ہندستان کے خلاف عالمی ٹیسٹ چیمپئن شپ کے فائنل میں کھیلنے کی امید تھی۔

بولٹ گزشتہ ہفتہ کے آخر میں انگلینڈ میں اپنی ٹیم میں شامل ہوئے تھے اور کورینٹائن ضوابط میں چھوٹ کے ساتھ وہ سیدھے مشق شروع کرنے میں کامیاب رہے تھے اور اب ساوتھمپٹن میں ڈبلیو ٹی سی فائنل میں ہندستان کا سامنا کرنا سے پہلے ان کے پاس انگلینڈ کے خلاف دوسرے ٹیسٹ میں مشق کرنے کا موقع ہے۔

نیوزی لینڈ کے کوچ گیری اسٹیڈ نے انگلینڈ کے خلاف موجودہ ٹیسٹ سیریز کے پہلے میچ کے ڈرا کے ساتھ ختم ہونے کے بعد کہا کہ بولٹ کے پاس ایک موقع ہے۔ کچھ چیزیں تبدیل ہوئی ہیں۔ برطانوی حکومت نے اپنی کورینٹائن شرائط میں نرمی دی ہے اس لئے ٹرینٹ بولٹ ہماری امید سے تین یا چار دن پہلے کورینٹائن سے باہر آگئے ہیں۔ اس وقت ہمارے پاس جو بھی معلومات تھی اس حساب سے ہمارا منصوبہ بولٹ کو دوسرے ٹیسٹ میں نہیں کھلانے کا تھا لیکن اب ان کے تین دن پہلے کورینٹائن سے باہر آنے سے شاید وہ دوسرا ٹیسٹ کھیل سکتے ہیں۔

خیال رہے کہ نیوزی لینڈ کے تیز گیند باز انگلینڈ کے خلاف پہلے ٹیسٹ میں اثر انگیز رہے تھے جس میں ٹم ساودھی نے سب سے اچھی کارکردگی کا مظاہرہ کیا تھا۔ ایسے میں اب بولٹ کے ٹیم میں شامل ہونے سے ایجبسٹن ٹیسٹ سے پہلے نیوزی لینڈ انتظامیہ کے لئے ٹیم کا انتخاب ایک سردردی ہوگا۔

Continue Reading
Advertisement

رجحان

WP2Social Auto Publish Powered By : XYZScripts.com