Connect with us
Saturday,12-June-2021

(جنرل (عام

جمہوریت بچاو، ملک بچاوکے نعرے:چندرابابونائیڈو

Published

on

پہلے مرحلہ میں آندھراپردیش میں انتخابات کے اختتام کے بعد وزیراعلی و تلگودیشم کے قومی صدر این چندرابابونائیڈو ملک میں عظیم اتحاد میں شامل جماعتوں کی حمایت میں مہم چلانے کا ارادہ رکھتے ہیں۔سابق وزیراعظم دیوے گوڑا نے نائیڈو سے خواہش کی تھی کہ وہ کرناٹک میں عام انتخابات کے موقع پر جنتا دل ایس کی حمایت میں مہم چلائیں ۔اے پی میں تلگودیشم کی حمایت میں قومی لیڈران فاروق عبداللہ،ممتابنرجی، اروند کیجروال ،دیوے گوڑا نے حصہ لیاتھا۔اگرچہ کہ کئی دیگر لیڈران نے اے پی میں تلگودیشم کی حمایت میں انتخابی مہم چلانے کا ارادہ ظاہر کیاتھا تاہم وہ اپنی اپنی ریاستوں میں مہم کے سبب مصروف ہوگئے تھے جس کی وجہ سے وہ اے پی نہیں آسکے۔
چندرابابونائیڈو،جمہوریت بچاو ، ملک بچاوکے نعرے کے ساتھ بی جے پی کے خلاف مہم چلارہے ہیں ۔وہ دعوی کر رہے ہیں کہ مودی کی قیادت میں ملک کا تمام نظام مفلوج ہوگیا اور یہ نظام صرف بی جے پی کے لئے ہی کام کر رہا ہے۔چندرابابونائیڈو نے یہ واضح کیا ہے کہ وہ ملک بھر میں بی جے پی کے خلاف چھ مرحلوں میں ہونے والے انتخابات کے سلسلہ میں مہم چلائیں گے اور ملک کو یہ بتائیں گے کہ کس طرح مرکز نے الیکشن کمیشن کے دفتر کا غلط استعمال کیا ہے ۔اس سے ملک کی دیگر سیاسی جماعتوں کو بی جے پی کے انتخابی حربوں کو سمجھنے میں مدد ملے گی۔
دوسری طرف چندرابابو اس با ت کے لئے پُرعزم ہیں کہ وہ مودی کو بے نقاب کریں گے کیونکہ مرکز نے انتخابات کے دوران اے پی میں تلگودیشم کے لیڈران کو خوفزدہ کرنے کے لئے انکم ٹیکس،ای ڈی ،انٹلی جنس بیورواوردیگر مرکزی ایجنسیوں کا استعمال کیا ہے۔بتایاجاتا ہے کہ جلد ہی چندرابابونائیڈو دیگر ریاستوں میں انتخابی مہم کے سلسلہ میں شیڈول جاری کریں گے۔

Continue Reading
Click to comment

Leave a Reply

Your email address will not be published.

(جنرل (عام

مودی کا سوامی شیومیانند کی موت پر اظہار تعزیت

Published

on

modi

وزیراعظم نریندر مودی نے رام کرشن مٹھ کے سوامی شیومیانند جی مہاراج کی موت پر اظہار تعزیت کیا ہے۔

وزیراعظم نے ہفتے کے روز ایک ٹویٹ پیغام میں کہا، ’رام کرشن مٹھ کے سوامی شیومیانند جی مہاراج سماجی بہبود پر مرتکز کمیونٹی خدمات کی پہل میں کافی سرگرم تھے۔ تہذیب و روحانیت کی دنیا میں ان کی کارکردگی کو ہمیشہ یاد کیا جائے گا۔ ان کی موت سے دکھی ہوں۔ اوم شانتی۔‘

Continue Reading

(جنرل (عام

شفایابی کی شرح بڑھ کر 95 فیصد سے تجاوز، ایکٹو کیسز کی شرح میں کمی

Published

on

india-corona

ملک میں کورونا کی رفتار دھیمی پڑنے سے اور اس وبا کو شکست دینے والوں کی تعداد میں مسلسل اضافہ ہونے کی وجہ سے شفایابی کی شرح 95.7 فیصد ہوگئی ہے، وہیں ایکٹو کیسز کی شرح 3.68 فیصد ہوگئی ہے ۔
دریں اثنا جمعہ کو 34 لاکھ 33 ہزار 763 افراد کو کورونا کے ٹیکے لگائے گئے ۔ ملک میں اب تک 24 کروڑ 96 لاکھ 304 افراد کو کورونا کے ٹیکے لگائے گئے ہیں ۔
وزارت صحت کی طرف سے ہفتہ کی صبح جاری اعداد و شمار کے مطابق گزشتہ 24 گھنٹوں کے دوران 84،332 نئے کیسزسامنے آنے سے متاثرہ افراد کی تعداد دو کروڑ 93 لاکھ 59 ہزار 155 ہوگئی ۔ اس دوران ایک لاکھ 21 ہزار 311 مریض صحتاب ہوئےہیں ، جس سے ملک میں اب تک صحتیاب ہونے والوں کی تعداد دو کروڑ 79 لاکھ 11 ہزار 384 ہو گئی ۔ ایکٹو کیسز 40 ہزار 981 کم ہو کر 10 لاکھ 80 ہزار 690 رہ گئے ہیں ۔ گذشتہ 24 گھنٹوں کے دوران 4002 مریضوں کی موت ہونے سے اس وباسے مرنے والوں کی مجموعی تعداد تین لاکھ 67 ہزار 81 ہوگئی ہے۔ ملک میں کورونا سے شرح اموات فی الحال 1.25 فیصد ہے۔
مہاراشٹر میں گزشتہ 24 گھنٹوں کے دوران ایکٹو کیسز 1041 بڑھ کر 1،64،629 ہو گئے ہیں ۔ اس دوران ریاست میں مزید 8104 مریضوں کے صحتیاب ہونے سے کوروناسے نجات پانے والوں کی تعداد بڑھ کر 5616857 ہوگئی ہے ۔ وہیں مزید 2619 مریضوں کی موت ہونے سے مرنے والوں کی تعداد 106367 ہوگئی ہے۔

Continue Reading

(جنرل (عام

ایمس-آئی این آئی سی ای ٹی 2021 کے امتحان ایک ماہ کے لئے ملتوی

Published

on

Supreme-Court

سپریم کورٹ نے جمعہ کو آل انڈیا انسٹی ٹیوٹ آف میڈیکل سائنسز (ایمس) کو آئی این آئی سی ای ٹی 2021 کا امتحان ایک ماہ کے لئے ملتوی کرنے کا حکم دیا ہے، یہ امتحان پہلے 16 جون کو ہونے والا تھا۔ جج اندرا بنرجی اورجج ایم آرشاہ کی بنچ نے 23 ایم بی بی ایس ڈاکٹروں کے گروپ، انڈین میڈیکل ایسوسی ایشن، میڈیکل اسٹوڈنٹ نیٹ ورک (چھتیس گڑھ چیپٹر) اور کووڈ مریضوں کے علاج میں مصروف 35 دیگر ریزیڈنٹ ڈاکٹروں کی درخواستوں پر سماعت کرنے کے بعد یہ حکم دیا۔

عدالت نے کہا، ’’امیدواروں نے جن مراکز کو منتخب کیا ہے، وہ ان سے کافی دور کووڈ ڈیوٹی کررہے ہیں۔ انہیں تیاری کرنے کا مناسب وقت نہیں ملا ہے، اس کے پیش نظر ہمارا ماننا ہے کہ 16 جون کی تاریخ امتحان کے لئے مقرر کرنا من مانی ہے۔ ہم ایمس کو ہدایت دیتے ہیں کہ وہ اس امتحانات کو کم از کم ایک ماہ کے لئے ملتوی کر دیں۔

درخواست گزاروں نے 16 جون کو امتحان کروانے کو چیلنج دیتے ہوئے کہا کہ بیشتر ڈاکٹر مختلف اسپتالوں میں کووڈ ڈیوٹی کر رہے ہیں، اور انہیں امتحان کے تیاری کا مناسب وقت نہیں ملا ہے۔
انہوں نے درخواست میں پوسٹ گریجویٹ کورس میں داخلہ کے لئے ہونے والے امتحانات کو ملتوی کیے جانے کا مطالبہ کرتے ہوئے اس بارے میں ہدایت دینے کی درخواست کی ہے۔

درخواست گزاروں کے وکیل اروند داتارنے کہا کہ جب مئی میں ہونے والے نیٹ امتحانات اگست تک ملتوی کئے جاسکتے ہیں، تو آئی این آئی سی ای ٹی کے امتحانات کیوں نہیں ملتوی کئے جاسکتے۔

ایمس کے وکیل دشینت پراشار نے بنچ سے کہا کہ مئی میں پراسپکٹس جاری کر دیا تھا، اور یکم مئی کو امیدوار کو امتحان کے بارے میں آگاہ کیا گیا تھا۔ اگر امتحان روک دیا جائے گا تو ڈاکٹروں کی کمی ہو جائے گی۔

انہوں نے کہا کہ ملک کی 32 ریاستوں میں امتحان کی تیاریاں مکمل کرلی گئی ہیں۔ ملک کے مختلف حصوں میں کورونا وائرس انفیکشن کی صورت حال میں بہتری ہوگئی ہے۔

عدالت نے حالانکہ زور دیا کہ امتحان کم ازکم ایک ماہ کے لئے ملتوی کیا جانا چاہیے۔ ایمس کے وکیل نے ہدایت لینے کے لیے پیر تک کا وقت دینے کا مطالبہ کیا، لیکن بنچ نے یہ کہتے ہوئے اس سے انکار کر دیا کہ امتحان کی تاریخ کافی نزدیک ہے۔

Continue Reading
Advertisement

رجحان

WP2Social Auto Publish Powered By : XYZScripts.com