Connect with us
Monday,28-September-2020

بین الاقوامی خبریں

احتجاج و مظاہرہ ضروری اصلاحات کے لئے راہ ہموار کر سکتے ہیں: مہدی

Published

on

عراق کے وزیر اعظم عادل عبد المہدی نے کہا ہے کہ ملک میں بڑے پیمانے پر ہو رہے حکومت مخالف مظاہرے بہتر بنانے کے لئے راہ ہموار کر سکتے ہیں۔
ایج-سمیريا ٹیلی ویژن نے منگل کو مسٹر مہدی کے حوالے سے کہا’’ مظاہرہ ایک اہم واقعہ اور بہتری کے لئے عظیم موقع ہیں، جو طویل عرصے سے ملک میں پھیلے مسائل کا حل کریں گے‘‘۔
انہوں نے کہا کہ مظاہرین کو کابینہ کے ارکان کو بدعنوانی کا ملزم نہیں کہنا چاہئے۔ انہوں نے کہا کہ سات ماہ پہلے جب موجودہ حکومت نے کام کرنا شروع کیا تھا، اس کے بعد سے ملک کی معیشت مضبوط ہوئی ہے۔
مسٹر مہدی نے اکتوبر کے آخری ہفتے میں کہا تھا کہ وہ ملک میں جاری تشدد کے درمیان کابینہ اور الیکشن قانون میں تبدیلی کریں گے۔ ساتھ ہی انہوں نے وزراء اور صدر سمیت اعلی افسران کی تنخواہ میں 50 فیصد کمی کرنے کا بھی اعلان کیا تھا۔ اس کے علاوہ عراق کے حکام نے پارلیمنٹ ارکان کی تعداد کم کرنے کے لئے آئین میں ترمیم کرنے کا بھی وعدہ کیا تھا۔
عراق کے صدر برھم صالح اور وزیر اعظم مہدی 31 اکتوبر کو ملک گیر مظاہروں کے درمیان استعفی دینے کے لئے تیار ہو گئے تھے۔
عراق کے آزاد انسانی حقوق کمیشن نے اتوار کو کہا تھا کہ عراق میں ہو رہے مظاہروں کے دوران تین سو سے زائد افراد ہلاک اور تقریبا 15 ہزار افراد زخمی ہوئے ہیں۔

بین الاقوامی خبریں

بوکو حرام کے 13 دہشت گردوں کی خود سپردگی

Published

on

نائیجیریا میں بوکو حرام کے 13 مشتبہ عسکریت پسندوں نے فوج کے سامنے ہتھیار ڈال دیئے ہیں۔
فوج کے ترجمان جان ایننسے کے مطابق صوبہ بورنو کے بامہ نامی علاقہ میں بوکو حرام کے خلاف فوج کی مہم کے دوران لگاتار فضائی حملوں اور کارروائی سے عسکریت پسندوں نے ہتھیار ڈال دیئے ۔
انہوں نے بتایا کہ بامہ کے علاقہ کوڈیلہ گاؤں میں مشتبہ دہشت گردوں کے کنبوں کے 17 بچوں اور چھ خواتین نے بھی فوجیوں کے سامنے ہتھیار ڈال دیئے۔

Continue Reading

بین الاقوامی خبریں

امریکہ میں کووڈ -19 سے اب تک 2.04 لاکھ سے زائد ہلاکتیں

Published

on

امریکہ میں جان لیوا عالمی وبا کورونا وائرس کووڈ-19 سے اب تک 2.04 لاکھ سے زائد افراد کی موت ہوچکی ہے۔
امریکہ میں اس وبا نےشدید شکل اختیار کرلی ہے اور اب تک 71 لاکھ سے زیادہ افراد اس جان لیوا وبا کی زد میں آچکے ہیں۔
امریکہ کی جان ہاپکنز یونیورسٹی کے سینٹر برائے سائنس اینڈ انجینئرنگ (سی ایس ایس ای) کے جاری کردہ تازہ ترین اعدادوشمار کے مطابق امریکہ میں کوروناوائرس سے ہلاکتوں کی تعداد 2،04،750 تک جا پہنچی ہے ، جبکہ متاثرہ افراد کی تعداد 71 لاکھ سے تجاوز کر کے 71،13،666 ہوگئی ہے۔
امریکہ کی نیو یارک ، نیو جرسی اور کیلیفورنیا جیسی ریاستیں کورونا سے سب سے زیادہ متاثر ہیں۔ صرف نیو یارک میں ہی ، 33،131 افراد کوروناسے ہلاک ہوئے ہیں ۔ نیو جرسی میں اب تک 16،103 افراد نے اپنی جانیں گنوائی ہیں ۔ کیلیفورنیا میں اب تک 15000 سے زیادہ افراد ہلاک ہوچکے ہیں۔ ٹیکساس میں 15،745 افراد اپنی زندگی سے ہاتھ دھو بیٹھے ہیں ، جبکہ فلوریڈا میں 14 ہزار سے زیادہ افراد کووڈ- 19 کی زد میں آنے سے اپنی زندگی سے ہاتھ دھو بیٹھے ہیں۔ اس کے علاوہ ، میساچوسیٹس ، الینوائے اور پنسلوانیا جیسی ریاستیں بھی کووڈ ۔19 سے بری طرح متاثر ہے۔ ان تینوں ریاستوں میں کورونا سے آٹھ ہزار سے زیادہ افراد ہلاک ہوچکے ہیں۔

Continue Reading

بین الاقوامی خبریں

آرمینیا – آذربائیجان کے مابین موجودہ تناؤ کو کم کرنے کی کوشش کریں گے: ٹرمپ

Published

on

امریکی صدر ڈونلڈ ٹرمپ نے کہا ہے کہ نگورنو قاراباخ خطے میں آرمینیا اور آذربائیجان کے مابین موجودہ تناؤ کو کم کرنے کے لئے امریکہ کی جانب سے تمام کوششیں کی جائیں گی اور اس پر غور کیا جارہا ہے۔
مسٹر ٹرمپ نے اتوار کے روز وائٹ ہاؤس میں صحافیوں کو بتایا’’تنازع پر ہماری نظر ہے۔ اس خطے کے بہت سارے ممالک کے ساتھ ہمارے اچھے تعلقات ہیں۔ ہم اس پر غور کریں گے کہ ہم اس تشدد کو روکنے کے لئے کیا کر سکتے ہیں۔ ‘‘
امریکی وزارت خارجہ نے ایک بیان جاری کیا ہے جس میں آرمینیا اور آذربائیجان سے فوری طور پر نگورنو قاراباخ خطہ میں جنگ بندی پر عمل درآمد کرنے کی اپیل کی گئی ہے اور کہا گیا ہے کہ اس تنازع اور حالات میں کسی تیسرے فریق کی شمولیت سے کوئی فائدہ نہیں ہوگا اور حالات اس سے بھی بدتر ہوسکتے ہیں ۔ ترکی نے آذربائیجان سے تعاون کرنے کا اعلان کیا ہے۔
امریکہ نے دونوں فریقوں پر زور دیا ہے کہ وہ او ایس سی ای منسک گروپ کے ساتھ تعاون کریں اور جلد سے جلد مذاکرات شروع کرنے کی اپیل کی ۔ اقوام متحدہ سمیت متعدد دیگر تنظیموں نے بھی دونوں ممالک سے فوری طور پر جنگ بندی پر عمل درآمد کی اپیل کی ہے۔

Continue Reading
Advertisement

رجحان

WP2Social Auto Publish Powered By : XYZScripts.com