اسپیشل اسٹوری : وفا ناہید
اس وقت ملک کورونا بحران سے گذر رہا ہے. کورونا جانی و مالی نقصان پہنچا رہا ہے اور لاک ڈاؤن نے معشیت کی کمر توڑ دی ہے . ایسے میں نالا سوپارہ میں ایک اندوہناک واقعہ پیش آیا. عورت گھر کی عزت ہوتی ہے اور یہ عزت جب گھر کی دہلیز پھلانگ جائے تو مرد کی عزت نفس بری طرح مجروح ہوتی ہے. کسی بھی مذہب میں عورت عزت و وقار کی علامت ہوتی ہے. مسلمانوں میں جہاں اسے نصف بہتر کہا جاتا ہے وہی اسے ہندوؤں میں اردھانگی یعنی آدھا جسم سمجھا جاتا ہے اور جب یہ عورت بے وفائی کردے تو سماج میں کسی کو منہ دکھانے کے قابل نہیں رہتے . ایسا ہی ایک دل دہلانے والا واقعہ نالا سوپارہ میں پیش آیا. جہاں بیوی کی بیوفائی سے دلبرداشتہ شوہر نے اپنی 2 بیٹیوں اور ایک بیٹے کا قتل کرکے خودکشی کرلی . ذرائع سے ملی تفصیلات کے نالا سوپارہ تلنج میں واقع ساڑی کمپاؤنڈ کے پاس بابل پاڑہ علاقے کے شویتا کالونی کے ساکن وجو پرمار نے پولس اسٹیشن میں شکایت درج کرائی کہ ان کے بیٹے کیلاش پرمار نے اپنی 2 بیٹیوں نلنی (7) , نینا (3) اور بیٹے نین (12) سالہ کا تیز دھار ہتھیار سے گلا کاٹ کر قتل کردیا اور پھر خودکشی کرلی . وجو پرمار دوپہر 4 بجے کے قریب پڑوس میں رہنے والے اپنے بیٹے کیلاش پرمار اور اس کے بچوں کو چائے نئے کے لئے بلانے گئے. لیکن کیلاش پرمار نے انہیں یہ کہہ کر لوٹا دیا کہ بچے سو رہے ہیں. رات 8 بجے تک بھی کیلاش پرمار اور بچے نہیں آئے تو وجو پرمار نے ایک بار پھر بیٹے کے در پر دستک دی مگر دروازہ اندر سے بند تھا. کیلاش پرمار کے دوست کو بلاکر دروازہ زور زور سے کھٹکھٹایا گیا لیکن کوئی جواب نہیں ملا تو دروازہ توڑ دیا گیا. اندر کا منظر انتہائی اندوہناک تھا. پورے گھر میں کیلاش پرمار کے ساتھ تینوں بچوںکی لاشیں خون میں لت پت بکھری پڑی تھیں. اس ضمن میں ملی مزید تفصیلات کے مطابق کیلاش پرمار کی بیوی 3 بچے چھوڑ کر 2 ماہ قبل کسی کے ساتھ بھاگ گئی تھی. فیس بک پر اپنی بیوی کی کسی غیر مرد کے ساتھ وائرل ہوئی تصویر کو دیکھ کر کیلاش پرمار اپنا ذہنی توازن کھوبیٹھا اور اس نے یہ انتہائی قدم اٹھالیا . تینوں بچوں کے قتل کے معاملے میں کہا جارہا ہے کہ کیلاش پرمار نے شاید انہیں نشہ آور چیز کھلائی تھی اور سوتے میں تیز دھار ہتھیار سے بچوں کا گلا ریت دیا ہوگا. ورنہ اگر بچے ہوش میں ہوتے تو شور مچاتے. لیکن پڑوسیوں نے کسی طرح کی ہلچل یا شور و غل کی آواز نہیں سنی . پولس نے موقعہ واردات سے چاقو برآمد کرنے کا دعوی کیا ہے. پولس نے کیلاش پرمار کے والد وجو پرمار کی شکایت پر قتل اور خودکشی کا مقدمہ درج کیا ہے. پولس کو موقعہ واردات پر ایک ساڑی بھی لٹکی ہوئی ملی. جس سے اندازہ لگایا جارہا ہے کہ پہلے کیلاش پرمار نے پھانسی لینے کی کوشش کی ہو . چونکہ کیلاش پرمار کے گلے پر بھی چاقو کا وار موجود ہے. اس کیس کی مزید تحقیقات نالا سوپارہ تلنج پولس کررہی ہیں.
