Connect with us
Tuesday,29-September-2020

قومی خبریں

راہل، مودی كوونداور کی جانب سے جلیانوالہ باغ کے شہیدوں کو خراج عقیدت

Published

on

صدر رام ناتھ كووند، وزیر اعظم نریندر مودی اور کانگریس صدر راہل گاندھی سمیت مختلف پارٹی کے لیڈروں نے جلیانوالہ باغ کے قتل عام کے سو سال مکمل ہونے کے موقع پر ہفتہ کو اس سانحہ کے شہیدوں کوخراج عقیدت پیش کی۔
مسٹر كووند نے ٹوئٹر پر لکھا-’’100 سال پہلے آج ہی کے دن، ہمارے پیارے مجاہدین آزادی جلیانوالہ باغ میں شہید ہوئے تھے۔ وہ خوفناک قتل عام تہذیب پر کلنک ہے۔ قربانی کا وہ دن ہندوستان کبھی فراموش نہیں کرسکتا. ان کی مقدس یاد میں جلیانوالہ باغ کے شہیدوں کو خراج عقیدت‘‘۔
مسٹر مودی نے بھی ٹویٹ کیا’’آج، خوفناک جلیانوالہ باغ قتل عام کے 100 سال پورے ہو گئے. ملک اس دن شہید ہونے والے تمام لوگوں کو خراج عقیدت پیش کرتا ہے. ان کی بہادری اور قربانی کو کبھی بھلایا نہیں جا سکے گا. ان کی یاد ہمیں ایسے ہندوستان کی تعمیر کے لئے زیادہ محنت کرنے کی ترغیب دیتی ہے جس پر انہیں فخر ہو‘‘۔
اس موقع پر، مسٹر گاندھی نے پنجاب میں امرتسر کے جلیانوالہ باغ میں واقع یادگار پر شہیدوں کو خراج عقیدت پیش کی۔ اس دوران مسٹر گاندھی کے ساتھ پنجاب کے وزیر اعلی امریندر سنگھ اور وزیر نوجوت سنگھ سدھو بھی موجود تھے۔
قابل ذکر ہے کہ سو سال پہلے آج ہی کےدن یعنی 13 اپریل 1919 کوامرتسر کے جلیانوالہ باغ میں ایک پرامن طریقے سے اجتماع کر رہے ہزاروں ہندوستانیوں پر برطانوی افسر بریگیڈیئر جنرل ریجنالڈ ڈائر اور لیفٹیننٹ گورنر مائیکل او ڈائر نے گوليا ں چلوائی تھیں. اس واقعہ میں ہزاروں لوگ شہید ہوگئے تھے۔

سیاست

اترپردیش میں حد سے زیادہ بگڑا امن و قانون : پرینکا

Published

on

priyanka

کانگریس کی اترپردیش کی انچارج جنرل سکریٹری پرینکا گاندھی واڈرا نے ریاست کے ہاتھرس میں حیوانیت کی شکار ہوئی ایک بچی کا حوالہ دیتے ہوئے یوگی آدتیہ ناتھ حکومت پر منگل کو سخت حملہ کیا اور کہا کہ ریاست میں امن و قانون اب حد سےزیادہ بگڑ گیا ہے۔
محترمہ واڈرا نے یہاں جاری ایک بیان میں کہا’’ہاتھرس میں حیوانیت کی شکار ہونےوالی دلت بچی نے صفدرجنگ اسپتال میں دم توڑ دیا۔ دو ہفتے تک وہ اسپتالوں میں زندگی اور موت سے درمیان جھولتی رہی۔ہاتھرس ،شاہ جہاں پور اور گورکھپور میں ایک کے بعد ایک آبرو ریزی کے واقعات نے ریاست کو ہلا کر رکھ دیا ہے۔اترپردیش میں امن و قانون حد سے زیادہ بگڑ چکا ہے۔‘‘
انہوں نے خواتین کی حفاظت کے سلسلے میں سوال اٹھائے اور کہا،’’خواتین کی حفاظت کا نام و نشان نہیں ہے۔مجرم کھلے عام جرم کررہے ہیں۔ اس بچی کے قاتلوں کو سخت سے سخت سزا ملنی چاہئے۔ آدتیہ ناتھ جی اترپردیش کی خواتین کی حفاظت کے تئیں آپ جواب دہ ہیں۔‘‘
واضح رہے کہ ہاتھرس کے ایک گاؤں میں 19 سالہ دلت لڑکی کے ساتھ چار افراد نے عصمت دری کی جس کے بعد لڑکی کو دہلی کے صفدر گنج اسپتال میں نازک حالت میں داخل کرایا گیا جہاں اس کی موت ہوگئی۔

Continue Reading

جرم

پونچھ میں ایل او سی پر گولہ باری، نصف درجن مویشی زخمی

Published

on

جموں و کشمیر کے ضلع پونچھ کے منکوٹ سیکٹر میں لائن آف کنٹرول پر منگل کی علی الصبح ہندوستان اور پاکستان کی فوج کے درمیان شدید گولہ باری کا تبادلہ ہوا۔
ایک دفاعی ترجمان نے بتایا کہ ضلع پونچھ کے منکوٹ سیکٹر میں ایل او سی پر منگل کی علی الصبح قریب ساڑھے چار بجے پاکستانی فوج نے بلا کسی اشتعال کے بھارتی چوکیوں کو نشانہ بنا کر شدید گولہ باری شروع کر دی۔
انہوں نے کہا کہ وہاں تعینات بھارتی فوجی اہلکاروں نے حملے کا بھر پور جواب دیا۔
موصولہ اطلاعات کے مطابق طرفین کے درمیان گولہ باری کے تبادلے سے منکوٹ کے بالنوئی علاقے میں نصف درجن مویشی زخمی ہوئے ہیں۔
سرکاری ذرائع کے مطابق ایل او سی اور بین الاقوامی سرحد طرفین کے درمیان ماہ رواں کے دوران اب تک گولہ باری کے تبادلے کے 45 واقعات پیش آئے ہیں۔
جموں و کشمیر کی سرحدوں پر طرفین کے درمیان گذشتہ تین برسوں کے دوران زائد از ساڑھے آٹھ ہزار بار جنگ بندی معاہدے کی خلاف ورزی ہوئی ہے۔
وزارت امور داخلہ نے جموں کے ایک کارکن کی طرف سے دائر ایک آر ٹی آئی کے جواب میں انکشاف کیا ہے کہ یکم جنوری 2018 سے سال رواں کے ماہ جولائی تک جموں و کشمیر میں سرحدوں پر پاکستان نے 8 ہزار 5 سو 71 بار جنگ بندی معاہدے کی خلاف ورزی کی ہے۔
سال 2003 میں جنگ بندی کا معاہدہ طے پانے کے باوجود بھی جموں و کشمیر کے سرحدوں پر طرفین کے درمیان آئے روز کی ہے۔

Continue Reading

(Tech) ٹیک

ملک میں کورونا کے اب تک 7.31 کروڑ سے زائد نمونوں کی جانچ

Published

on

ملک میں عالمی وباکووڈ ۔19 کی روک تھام کے لئے کورونا وائرس کی زیادہ سے زیادہ جانچ مہم میں 28 ستمبر کو ملک میں 11 لاکھ سے زیادہ نمونوں کی جانچ کی گئی جس سے کورونا ٹسٹ کی مجموعی تعداد 7.31 کروڑ سے تجاوز کرگئی۔
انڈین کونسل آف میڈیکل ریسرچ (آئی سی ایم آر) کی جانب سے منگل کے روز جاری اعداد و شمار میں بتایا گیا ہے کہ 28 ستمبر کو ملک میں کورونا وائرس کے نمونوں کی جانچ ایک دن پہلے کے مقابلے میں ڈیڑھ گنا زیادہ تھے۔ اتوار کو سات لاکھ نو ہزار 394 جبکہ پیر کو 11 لاکھ 42 ہزار 811 نمونوں کی جانچ کی گئی۔ اس طرح مزید چار لاکھ 33 ہزار 417 نمونے ٹسٹ کئے گئے۔
اب تک ملک میں کورونا وائرس نمونوں کی جانچ کی مجموعی تعداد 7 کروڑ 31 لاکھ 10 ہزار 41 ہوچکی ہے۔
خیال رہے کورونا وائرس کے بڑے پیمانے پرپھیلاؤ کی روک تھام کے لئے 24 ستمبر کو ملک میں یومیہ جانچ کی مہم میں ایک دن میں ریکارڈ 14 لاکھ 92 ہزار 409 نمونوں کا ٹسٹ کیا گیاتھا۔

Continue Reading
Advertisement

رجحان

WP2Social Auto Publish Powered By : XYZScripts.com