Connect with us
Saturday,12-June-2021

قومی خبریں

راہل، مودی كوونداور کی جانب سے جلیانوالہ باغ کے شہیدوں کو خراج عقیدت

Published

on

صدر رام ناتھ كووند، وزیر اعظم نریندر مودی اور کانگریس صدر راہل گاندھی سمیت مختلف پارٹی کے لیڈروں نے جلیانوالہ باغ کے قتل عام کے سو سال مکمل ہونے کے موقع پر ہفتہ کو اس سانحہ کے شہیدوں کوخراج عقیدت پیش کی۔
مسٹر كووند نے ٹوئٹر پر لکھا-’’100 سال پہلے آج ہی کے دن، ہمارے پیارے مجاہدین آزادی جلیانوالہ باغ میں شہید ہوئے تھے۔ وہ خوفناک قتل عام تہذیب پر کلنک ہے۔ قربانی کا وہ دن ہندوستان کبھی فراموش نہیں کرسکتا. ان کی مقدس یاد میں جلیانوالہ باغ کے شہیدوں کو خراج عقیدت‘‘۔
مسٹر مودی نے بھی ٹویٹ کیا’’آج، خوفناک جلیانوالہ باغ قتل عام کے 100 سال پورے ہو گئے. ملک اس دن شہید ہونے والے تمام لوگوں کو خراج عقیدت پیش کرتا ہے. ان کی بہادری اور قربانی کو کبھی بھلایا نہیں جا سکے گا. ان کی یاد ہمیں ایسے ہندوستان کی تعمیر کے لئے زیادہ محنت کرنے کی ترغیب دیتی ہے جس پر انہیں فخر ہو‘‘۔
اس موقع پر، مسٹر گاندھی نے پنجاب میں امرتسر کے جلیانوالہ باغ میں واقع یادگار پر شہیدوں کو خراج عقیدت پیش کی۔ اس دوران مسٹر گاندھی کے ساتھ پنجاب کے وزیر اعلی امریندر سنگھ اور وزیر نوجوت سنگھ سدھو بھی موجود تھے۔
قابل ذکر ہے کہ سو سال پہلے آج ہی کےدن یعنی 13 اپریل 1919 کوامرتسر کے جلیانوالہ باغ میں ایک پرامن طریقے سے اجتماع کر رہے ہزاروں ہندوستانیوں پر برطانوی افسر بریگیڈیئر جنرل ریجنالڈ ڈائر اور لیفٹیننٹ گورنر مائیکل او ڈائر نے گوليا ں چلوائی تھیں. اس واقعہ میں ہزاروں لوگ شہید ہوگئے تھے۔

سیاست

کورونا وائرس کے علاج میں مفید ادویات اور سازو سامان پر جی ایس ٹی میں تخفیف

Published

on

gst

مصنوعات و خدمات ٹیکس (جی ایس ٹی) کونسل نے کورونا وائرس کے علاج میں مفید اہم دواؤں اور طبی سامانوں پر جی ایس ٹی کی شرح میں تخفیف کرنے کا فیصلہ کیا ہے۔ اس کے ساتھ ہی، سیاہ فنگس کے علاج میں مفید دواؤں پر جی ایس ٹی کو کم کر کے صفر کر دیا گیا ہے۔

وزیر خزانہ نرملا سیتارمن کی زیرصدارت منعقدہ جی ایس ٹی کونسل کے 44 ویں اجلاس میں آج یہ فیصلے کیے گئے۔ کونسل کے 43 واں اجلاس میں اس ضمن میں ریاستوں کے وزرائے خزانہ کا ایک گروپ تشکیل دیا گیا تھا جن کی سفارشات کے مطابق یہ فیصلے کیے گئے ہیں۔

اجلاس کے بعد، وزیر خزانہ نے نامہ نگاروں کو بتایا کہ وزارتی گروپ کی بیشتر سفارشات کو منظور کرلیا گیا ہے۔ انہوں نے کہا کہ کالی فنگس کے لئے استعمال ہونے والی دواؤں توسیلیزوماب اور امفوتیرسن بی پر جی ایس ٹی کو پانچ فیصد سے کم کر کے صفر کردیا گیا ہے۔ انہوں نے کہا کہ ہیپرین، ریمڈیسویر پر جی ایس ٹی کی شرح کو 12 فیصد سے کم کر کے پانچ فیصد کر دیا گیا ہے۔

انہوں نے کہا کہ وزارت صحت و خاندانی بہبود اور محکمہ دواسازی کی جانب سے کووڈ-19 کے علاج کے لئے منظور شدہ دواؤں پر جی ایس ٹی کی شرح اب پانچ فیصد ہوگی۔

وزیر خزانہ نے کہا کہ میڈیکل گریڈ آکسیجن، آکسیجن جنریٹر، آکسیجن کونسینٹریٹر، وینٹی لیٹر، بی آئی پی اے مشین، ہائی فلو نزل کینولا، کینڈ ٹیسٹنگ کٹ، پلس آکسی میٹر پر جی ایس ٹی کو 12 فیصد سے کم کرکے پانچ فیصد کر دیا گیا ہے۔

محترمہ سیتارمن نے کہا کہ ہینڈ سینیائٹر، تھرمامیٹر، شمشان کے سازوسامان اور اس کی تنصیبات وغیرہ پر جی ایس ٹی 18 فیصد سے گھٹا کر پانچ فیصد کردیا گیا ہے۔ اس کے ساتھ ہی ایمبولینس پر جی ایس ٹی بھی 28 فیصد سے گھٹا کر 12 فیصد کر دیا گیا ہے۔

Continue Reading

جرم

مرزا پور : سڑک حادثات میں 3 کی موت

Published

on

accident

اترپردیش کے ضلع مرزاپور میں الگ الگ مقامات پر پیش آئے سڑک حادثات میں 3 افراد کی موت ہوگئی، جبکہ دیگر تین افراد شدید طور سے زخمی ہوگئے۔

اہرورا تھانہ علاقے کے بھگوتی دیئی گاؤں کے نزدیک آج صبح ایک نامعلوم ڈمپر کی زد میں آ جانے سے بائیک سوار کی موقع پر ہی موت ہوگئی، اور اس کا ساتھی شدید طور سے موت ہوگئی، اور اس کا ساتھی شدید طور سے زخمی ہوگیا۔

پولیس ذرائع نے بتایا کہ چنار تھانہ علاقے کے جلال پور معافی گاؤں باشندہ شیرو سہانی اپنے ایک ساتھی کے ساتھ بائیک سے کہیں جا رہا تھا۔ سونبھدر وارانسی نیشنل ہائی وے پر واقع بھگوتی یدئی گاؤں کے نزدیک ایک ڈمپر کی زد میں آ گیا، جس سے شیرو کی موت ہوگئی۔ پولیس نے لاش کو پوسٹ مارٹم کے لئے بھیج دیا ہے۔

وہیں دوسرا حادثہ مڈہان تھانہ علاقے کے پٹہرا گاؤں کے نزدیک کا ہے۔ پولیس نے بتایا کہ پٹہرا گاؤں باشندہ رام بابو اپنے ایک ساتھی کے ساتھ بائیک سے اپنے رشتہ دار کے یہاں سے لوٹ رہے تھے۔بے قابو ہوکر بائیک سے گر گئے جس سے دونوں زخمی ہوگئے۔ دونوں کو علاج کے لئے اسپتال میں داخل کرایا گیا جہاں دوران علاج ایک کی موت ہوگئی۔

تیسرا واقعہ لال گنج تھانہ علاقے کے دبار کلاں بازار کا ہے۔ جہاں اسکوٹی اور موٹر سائیکل کی آمنے سامنے ٹکر میں ایک شخص کی موت ہوگئی اور دوسرا شدید طور سے زخمی ہوگیا۔

Continue Reading

سیاست

کیجریوال نے نو اسپتالوں میں 22 نئے پی ایس اے آکسیجن پلانٹ کا افتتاح کیا

Published

on

kejri

دہلی کے وزیراعلیٰ اروند کیجریوال نے آج ورچول ذریعہ سے دہلی حکومت کے نو اسپتالوں میں قائم 22 نئے پی ایس اے آکسیجن پلانٹ کا افتتاح کیا۔

مسٹر کیجریوال نے کہا کہ ان پلانٹ کی مشترکہ صلاحیت 17 ٹن ہے، اور اب تک دہلی میں آکسیجن کے کل 27 پلانٹ شروع ہو چکے ہیں۔ مرکزی حکومت کے چھ آکسیجن کے پلانٹ شروع ہو گئے ہیں، اور مرکز کے ساتھ پلانٹ ابھی آنے والے ہیں۔ علاوہ ازیں آکسیجن کے 17 اور پلانٹ جولائی تک لگ جائیں گے۔

انہوں نے کہا، ’تیسری لہر کے اندیشے کے پیش نظر ’اے اے پی‘ کی حکومت پوری شدت کے ساتھ تیاری کر رہی ہے۔ ہم ہاتھ پر ہاتھ رکھ نہیں بیٹھے ہیں۔ کورونا وائرس کی اس لہر میں ہمیں سب سے زیادہ آکسیجن کی قلت محسوس ہوئی۔ کہیں سے آکسیجن ملا تو اسے لانے کے لیے ہمارے پاس ٹینکر نہیں تھے لہٰذا ہم آکسیجن ٹینکر بھی خرید رہے ہیں۔ قبل ازیں ہم ذخیرہ کے لیے تین آکسیجن اسٹوریج ٹینک اور 13.5 ٹن مشترکہ صلاحیت کے دو آکسیجن پلانٹ کا افتتاح بھی کر چکے ہیں۔‘

Continue Reading
Advertisement

رجحان

WP2Social Auto Publish Powered By : XYZScripts.com