Connect with us
Saturday,27-February-2021

قومی خبریں

راہل، مودی كوونداور کی جانب سے جلیانوالہ باغ کے شہیدوں کو خراج عقیدت

Published

on

صدر رام ناتھ كووند، وزیر اعظم نریندر مودی اور کانگریس صدر راہل گاندھی سمیت مختلف پارٹی کے لیڈروں نے جلیانوالہ باغ کے قتل عام کے سو سال مکمل ہونے کے موقع پر ہفتہ کو اس سانحہ کے شہیدوں کوخراج عقیدت پیش کی۔
مسٹر كووند نے ٹوئٹر پر لکھا-’’100 سال پہلے آج ہی کے دن، ہمارے پیارے مجاہدین آزادی جلیانوالہ باغ میں شہید ہوئے تھے۔ وہ خوفناک قتل عام تہذیب پر کلنک ہے۔ قربانی کا وہ دن ہندوستان کبھی فراموش نہیں کرسکتا. ان کی مقدس یاد میں جلیانوالہ باغ کے شہیدوں کو خراج عقیدت‘‘۔
مسٹر مودی نے بھی ٹویٹ کیا’’آج، خوفناک جلیانوالہ باغ قتل عام کے 100 سال پورے ہو گئے. ملک اس دن شہید ہونے والے تمام لوگوں کو خراج عقیدت پیش کرتا ہے. ان کی بہادری اور قربانی کو کبھی بھلایا نہیں جا سکے گا. ان کی یاد ہمیں ایسے ہندوستان کی تعمیر کے لئے زیادہ محنت کرنے کی ترغیب دیتی ہے جس پر انہیں فخر ہو‘‘۔
اس موقع پر، مسٹر گاندھی نے پنجاب میں امرتسر کے جلیانوالہ باغ میں واقع یادگار پر شہیدوں کو خراج عقیدت پیش کی۔ اس دوران مسٹر گاندھی کے ساتھ پنجاب کے وزیر اعلی امریندر سنگھ اور وزیر نوجوت سنگھ سدھو بھی موجود تھے۔
قابل ذکر ہے کہ سو سال پہلے آج ہی کےدن یعنی 13 اپریل 1919 کوامرتسر کے جلیانوالہ باغ میں ایک پرامن طریقے سے اجتماع کر رہے ہزاروں ہندوستانیوں پر برطانوی افسر بریگیڈیئر جنرل ریجنالڈ ڈائر اور لیفٹیننٹ گورنر مائیکل او ڈائر نے گوليا ں چلوائی تھیں. اس واقعہ میں ہزاروں لوگ شہید ہوگئے تھے۔

سیاست

ہنر کے قدردانوں کا کنبھ ثابت ہو رہا ہے ہنر ہاٹ : نقوی

Published

on

abbas naqvi

مرکزی وزیر برائے اقلیتی امور مختار عباس نقوی نے کہا کہ ’ہنر ہاٹ‘ ہنر کے قدر دانوں کا کنبھ ثابت ہو رہا ہے، اور یہاں ’ووکل فار لوکل‘ کو ’ماس موومنٹ‘ بنانے میں مواثر، کامل اور مستند کردار نبھا رہے ہیں۔

اگلا ہنر ہاٹ مدھیہ پردیش کے بھوپال میں 12 سے 21 مارچ تک منعقد کیا جائے گا۔ مسٹر نقوی نے جواہر لال نہرو اسٹیڈیم میں مرکزی وزارت اقلیتی امور کے زیر اہتمام 26ویں ’ہنر ہات‘ میں آج پریس کانفرنس سے خطاب کرتے ہوئے کہا کہ ’ہنر ہاٹ‘ ’ہنر کے قدردانوں کا کنبھ‘ ثابت ہو رہا ہے۔
انہوں نے کہا کہ 20 فروری سے شروع ہونے والے ’ہنر ہاٹ‘ میں اب تک 12 لاکھ سے زیادہ افراد ’ووکل فار لوکل‘ مہم میں شرکت کر چکے ہیں۔ امید ہے کہ آنے والے دو دن میں یہ تعداد 16 لاکھ سے تجاوز کر جائے گی۔ ’ہنر ہاٹ‘ یکم مارچ کو اختتام پذیر ہوگا۔

مرکزی وزیر نے کہا کہ جواہر لال نہرو اسٹیڈیم میں منعقدہ 10 روزہ ’ہنر ہاٹ‘ کا افتتاح وزیر دفاع راج ناتھ سنگھ نے کیا تھا۔

Continue Reading

جرم

تین دن سے ملک میں 16 ہزار سے زیادہ کورونا کے نئے کیسز

Published

on

corona

تین دن سے ملک میں کورونا وائرس کے 16 ہزار سے زیادہ نئے کیسز رپورٹ ہو رہے ہیں، جبکہ فعال کیسز میں بھی اضافہ ہو رہا ہے، جس سے اس کی شرح بڑھ کر 1.44 فیصد ہوگئی ہے۔ دریں اثنا ملک میں اب تک ایک کروڑ 42 لاکھ 42 ہزار 547 افراد کو اینٹی کورونا ویکسین دی جاچکی ہے۔

گذشتہ 24 گھنٹوں کے دوران ملک میں کورونا وائرس کے 16،488 نئے کیسز رپورٹ ہوئے ہیں، جس سے متاثرین کی تعداد ایک کروڑ 10 لاکھ 79 ہزار سے تجاوز کرچکی ہے۔ اس سے قبل 25 فروری کو 16،738 اور 26 فروری کو 16،577 کیسز رپورٹ ہوئے تھے۔

ہفتہ کی صبح وزارت صحت کے جاری کردہ اعداد و شمار کے مطابق گذشتہ 24 گھنٹوں کے دوران 12،771 مریض صحت مند ہوئے اوراب تک ملک میں ایک کروڑ سات لاکھ 63 ہزار 451 افراد شفایاب ہوچکے ہیں۔ ایکٹیو کیسز کی تعداد 3604 سے بڑھ کر 1.59 لاکھ سے زائد ہوگئی ہے۔ اسی عرصے کے دوران اس جان لیوا وباسے 113 مریضوں کی موت سے ہلاک شدگان کی مجموعی تعداد ایک لاکھ 56 ہزار 938 ہوچکی ہے۔

ملک میں کورونا وائرس سے شفایابی کی شرح 97.14 فیصد، ایکٹیو کیسز کی شرح 1.44 فیصد جبکہ اموات کی شرح اب بھی 1.42 فیصد ہے۔

Continue Reading

سیاست

پٹرول ۔ ڈیژل کی بڑھتی قیمتوں کے خلاف احتجاج میں تیجسوی سائیکل سے پہنچے اسمبلی

Published

on

Tejsui-Parsad..

پٹرول ڈیژل کی بڑھتی قیمتوں کی مخالفت میں اپوزیشن لیڈر تیجسوی پرسا دیادو سائیکل سے اسمبلی پہنچے مسٹر یادو دس سرکلر روڈ واقع مسز رابڑی دیوی کی رہائش سے سائیکل پر سوار ہو کر اسمبلی کیلئے نکلے، ان کے پیچھے ان کی سیکوریٹی میں شامل گاڑیاں بھی چل رہی تھیں۔ جبکہ کچھ سیکوریٹی اہلکار پیدل ان کے آگے آگے دوڑ رہے تھے۔

اسمبلی پہنچنے پر مسٹر یادو نے احاطہ میں موجود نامہ نگاروں سے بات چیت میں کہاکہ پٹرول اور ڈیژل کے ساتھ رسوئی گیس کی قیمتوں میں اضافہ ہونے سے عام لوگ بیحد پریشان ہیں۔ بڑھتی مہنگائی کی وجہ سے لوگوں کی زندگی بیحد مشکل ہوگئی ہے۔ انہوں نے کہاکہ بھارتیہ جنتا پارٹی (بی جے پی) کے لوگ جب اپوزیشن میں تھے تب گانا گاتے تھے کہ مہنگائی ڈائن کھائے جات ہے لیکن آج بی جے پی کے لیڈر بڑھتی مہنگائی پر خاموشی اختیار کئے ہوئے ہیں۔

مسٹر یادو اس سے قبل بھی مہنگائی اور کسانوں کے مسئلے پر اپنا احتجاج درج کرانے کیلئے ٹریکٹر سے اسمبلی پہنچے تھے۔ حالانکہ انہیں اس وقت سیکوریٹی اہلکاروں نے اسمبلی کے مین گیٹ پر ہی روک دیا تھا۔

Continue Reading
Advertisement

رجحان

WP2Social Auto Publish Powered By : XYZScripts.com