Connect with us
Saturday,24-October-2020

(جنرل (عام

جنوبی کشمیرکےشوپیاں میں تصادم، دو جنگجومارے گئے

Published

on

جنوبی کشمیر کے ضلع شوپیاں میں ہفتہ کی صبح فورسز اور جنگجوئوں کے درمیان تصادم ہوا جس میں دو جنگجو مارے گئے۔
ذرائع نے بتایا کہ فوج، ریاستی پولیس کے ایس او جی اور سی آر پی ایف نے ہفتہ کی صبح شوپیاں کے گہند نامی علاقے کو محاصرے میں لیکر تلاشی آپریشن شروع کیا۔
انہوں نے بتایا کہ تلاشی آپریشن کے دوران میوے باغات میں چھپے بیٹھے جنگجوئوں نے فورسز پر فائرنگ کی، فورسز نے جوابی فائرنگ کی جس میں دو جنگجو مارے گئے۔
سیکورٹی ذرائع نے بتایا کہ مارے گئے جنگجوئوں کی شناخت اور تنظیمی وابستگی معلوم کی جارہی ہے۔ انہوں نے مزید بتایا کہ علاقہ میں تلاشی آپریشن جاری ہے۔ دریں اثنا انتظامیہ نے ضلع شوپیاں میں موبائیل انٹرنیٹ خدمات منقطع کرادی ہیں۔

(جنرل (عام

مالیگاؤں جنتا نیوروتی ویتن سنگھٹنا کی جانب سے شان ہند نے کیا دو اہم اعلان

Published

on

(خیال اثر)
ساتھی نہال احمد 65 سالہ بزرگ (مرد و خواتین)، بیوہ، طلاق شدہ، معذور و سنجے گاندھی نِرادھار یوجنا سے ملنے والے فائدے مالیگاؤں جنتا نیوروتی ویتن سنگھٹنا کی معرفت شہریان کو دلانے کا کام کیا کرتے تھے. ساتھی نہال احمد کی روایت کو آگے بڑھاتے ہوئے مذکورہ سنگھٹنا کی معرفت ساتھی بلند اقبال مستحقین کو اُن کا حق دلانے کا کام کیا کرتے تھے. ساتھی بلند اقبال کے وصال کو ایک سال ہوگیا اور اِن غریب مستحقین کی جانب کسی نے توجہ نہیں دی جس کا نتیجہ یہ رہا کہ گزشتہ کئی مہینوں سے سرکاری بھتہ مستحقین کو نہیں مل رہا ہے اور اسی کے ساتھ 8، 10 مہینوں سے نئے عریضے کرنے والوں کے اب تک عریضے منظور نہیں کئے گئے. جنتادل سیکولر کارگذار صدر شان ہند نہال احمد نے لوگوں کی تکالیف کو سمجھتے ہوئے آج شام 5 بجے جنتادل آفس پر مالیگاؤں جنتا نیوروتی ویتن سنگھٹنا کی میٹنگ بلوائی جس میں بڑی تعداد میں 65 سالہ بزرگ مرد و خواتین نیز بیوہ، طلاق شدہ و معذور افراد نے شرکت کئے. میٹنگ شان ہند کی صدارت میں ہوئی. شان ہند نے میٹنگ میں تمام باتیں سمجھنے کے بعد عوام سے یہ وعدہ کیا کہ میں میرے لیڈر ساتھی نہال احمد کی روایت کو آگے بڑھاتے ہوئے مستحقین کو حق دلانے کیلئے پیش پیش رہوگی. ساتھ ہی صدر صاحبہ نے اعلان کیا کہ ایسے افراد جو بیوہ ہو یا 65 سالہ بزرگ (مرد و خواتین) اُن کے نئے فام بھرنے کا کام جنتادل آفس سے پیر کے دن سے روزانہ صبح 11 سے 1 بجے تک چالو رہے گا. اور جن لوگوں نے فارم بھر چکے اور اب تک اُن کے فارم کو منظوری نہیں ملی ایسے افراد فارم بھرنے کی پاؤتی لے کر بدھ کے دن شام 4 بجے پرانت آفس پہنچ کر عوامی طاقت سے فارم منظور کرانے کی کوشش میں شامل ہوں
آج کی میٹنگ میں شان ہند نہال احمد، ساتھی مستقیم ڈگنیٹی، کارپوریٹر منصور شبیر، سہیل عبدالکریم، ہارون ماسٹر، عارف حسین پاپا، عبدالرحمٰن انصاری، مالیگاؤں جنتا نیوروتی ویتن سنگھٹنا ذمہ دار اشتیاق احمد للو، اور کتاب النساء، صغرہ بی، زہرہ خالہ، ریحانہ آپا، وغیرہ شامل تھے.
نوٹ : مزید معلومات کیلئے اشتیاق احمد للو 7972646364 اور ہارون ماسٹر 9326415034 ذمہ داران سے رابطہ کریں

Continue Reading

جرم

مالیگاؤں میں بچوں کا جھگڑا بڑوں کی لے رہا ہے جان, شیخ شکیل کا قتل، ملزم اشتیاق احمد عرف لڈو دادا پولیس کے شکنجے میں

Published

on

(نامہ نگار)
مالیگاؤں میں نئے پولیس آفیسران سخت تاکید کے بعد جرائم رکنے کا نام نہیں لے رہا ہے. شہر اے ایس پی اور ڈی وائے ایس پی نے اپنا چارج سنبھالتے ہی کہہ دیا تھا کہ سماج دشمن عناصر کے ساتھ بالکل بھی رعایت نہیں جائے گی نیز شہر میں کومنبگ آپریشن کے ساتھ ساتھ پولیس کا پیدل مارچ بھی جاری ہے لیکن یہاں جرائم کا گراف تیزی سے بڑھ رہا ہے. موصولہ اطلاعات کے مطابق شہر کے مضافاتی علاقوں میں گزشتہ کچھ دنوں سے چھوٹی چھوٹی باتوں اور معمولی تنازعہ کو لیکر سنگین معاملات پیش آرہے ہیں جس میں خطرناک ہتھیاروں کا استعمال بھی کیا جارہا ہے، ابھی پانچ روز قبل ہئ شہر میں اس وقت سنسنی پھیل گئی تھی جب ایک خاتون کو بچوں کے جھگڑے کے چلتے قتل کر دیا گیا، ابھی یہ معاملہ سرد بھی نہیں ہوا تھا کے بچوں کے جھگڑے کو لیکر ایک اور قتل کی واردات پیش آئی، پوارواڑی والی پولیس اسٹیشن سے ملی تفصیلات کے مطابق فریادی یاسمین شیخ شکیل 38 سال ساکن سوند گاؤں پھاٹہ آصفہ مسجد کے پاس مالیگاؤں (مقتول کی بیوی ) نے پوارواڑی پولیس اسٹیشن میں فریاد دیتے ہوئے بتایا کہ کل 23 اکتوبر کی شام سوا 6 بجے کے درمیان سوندگاؤں پھاٹہ جعفر سیٹھ کے ملّے کے پیچھے واقع آصفہ مسجد کے پاس ایک واردات پیش آئی جس میں کھیل کے دوران مقتول شیخ شکیل شیخ سلیم 38 سال کے بچے کا جھگڑا ملزم اشتیاق احمد شکیل احمد عرف لڈو دادا کے بیٹے سے ہوگیا جس پر مقتول شکیل احمد ملزم اشتیاق احمد کو سمجھانے گئے تب ملزم اشتیاق احمد نے تلوار جیسا کوئی تیز دھار ہتھیار پیٹ میں گھونپ دیا، زخمی شکیل احمد کو بغرض علاج پہلے فاران اسپتال میں داخل کیا گیا جہاں حالت نازک ہونے کی بنا پر گولڈن نگر شفاء اسپتال میں داخل کیا گیا جہاں انکی موت واقع ہوگئی، اس معاملے میں پوارواڑی پولیس نے ملزم اشتیاق احمد عرف لڈو دادا کے خلاف گناہ رجسٹر نمبر 112/020 قلم 302 کے تحت مقدمہ درج کرتے ہوئے اسے گرفتار کرلیا ہے۔ دیگر تحقیقات اے پی آئے شکیل شیخ کررہے ہیں۔

Continue Reading

(جنرل (عام

حسن مشرف سے مہاراشٹر راجیہ اردو شکشک سنگھٹنا کے وفد کی ملاقات

Published

on

(نامہ نگار)
کورونا بحران کے دوران میں اردو اساتذہ کو درپیش مسائل حل کرنے کے لئے مہاراشٹر راجیہ اردو شکشک سنگھٹنا کے ایک وفد نے بانی و ریاستی صدر ایم اے غفار کی قیادت میں گرام وکاس منتری حسن مشرف سے ملاقات کی اور بیرون اضلاع ہوئے اساتذہ کے مسائل پیش کئے۔
بیرون اضلاع تبادلوں میں اساتذہ اکرام کو درپیش مسائل بالخصوص آکولہ ضلع میں بیرون اضلاع سے اپنے وطن تبادلے کرکے پہونچے اردو اساتذہ کو جوائن نہ کرنے کے تعلق سے مہاراشٹر راجیہ اردو شکشک سنگھٹنا کے ایک وفد نے گرام وکاس منتری حسن مشرف سے انکے سرکاری رہائش گاہ اور منترالہ میں انکے دالان میں ملاقات کرکے آکولہ ضلع میں اردو اساتذہ کو درپیش مسائل پر تبادلہ خیال کرتے ہوئے بتایا کہ ضلع میں غیر قانونی سماویجن کیے گے۔ بیرون اضلاع سے دس پندرہ سال بعد اپنے آبائی وطن تبادلے کرکے واپس ائے اردو اساتذہ اکرام کو ضلع پریشد محکمہ تعلیم جوائن نہیں کررہا ہے۔ اس ضمن میں وزیر موصوف نے فورا اپنے ماتحتوں کو اس ضمن میں کاروائی کرنے کے احکام صادر کئے۔ وفد نے اس موقع پر بیرون اضلاع تبادلوں میں 10فیصد کے بجائے 20 فیصد سے زائدہ خالی آسامیاں رہنے والے اضلاع سے بیرون اضلاع میں تبادلے کرکے نہیں آسکتے اس قسم کی تبدیلی کرنے کا مطالبہ کیا تاکہ اردو اساتذہ کو مزید پریشانیوں کا سامنا نہیں کرنا پڑے۔۔
کورونا بحران میں جبکہ ہر فرد اپنے گھر میں ہی رہنے کو فوقیت دے رہا ہے۔ ایسے میں مہاراشٹر راجیہ اردو شکشک سنگھٹنا کے زمہ داران کا اردو اساتذہ کے مسائل کے حل کرنے کے لئے باہر شہر بالخصوص کورونا ہاٹ اسپاٹ جانا ۔بہت بڑی قربانی مانی جارہی ہے۔ اس وفد میں ریاستی صدر ایم اے غفار کے ساتھ بطور خاص ریاستی ترجمان سید جواد حسین، بین الاقوامی شاعر ،سنگھٹنا کے نوجوان زمہ دار نعیم فراز بھی موجود تھے۔

Continue Reading
Advertisement

رجحان

WP2Social Auto Publish Powered By : XYZScripts.com