Connect with us
Monday,17-May-2021

(جنرل (عام

جنوبی کشمیرکےشوپیاں میں تصادم، دو جنگجومارے گئے

Published

on

جنوبی کشمیر کے ضلع شوپیاں میں ہفتہ کی صبح فورسز اور جنگجوئوں کے درمیان تصادم ہوا جس میں دو جنگجو مارے گئے۔
ذرائع نے بتایا کہ فوج، ریاستی پولیس کے ایس او جی اور سی آر پی ایف نے ہفتہ کی صبح شوپیاں کے گہند نامی علاقے کو محاصرے میں لیکر تلاشی آپریشن شروع کیا۔
انہوں نے بتایا کہ تلاشی آپریشن کے دوران میوے باغات میں چھپے بیٹھے جنگجوئوں نے فورسز پر فائرنگ کی، فورسز نے جوابی فائرنگ کی جس میں دو جنگجو مارے گئے۔
سیکورٹی ذرائع نے بتایا کہ مارے گئے جنگجوئوں کی شناخت اور تنظیمی وابستگی معلوم کی جارہی ہے۔ انہوں نے مزید بتایا کہ علاقہ میں تلاشی آپریشن جاری ہے۔ دریں اثنا انتظامیہ نے ضلع شوپیاں میں موبائیل انٹرنیٹ خدمات منقطع کرادی ہیں۔

(جنرل (عام

معروف مورخ لال بہادر ورما کا کورونا سے انتقال

Published

on

Lal Bahadur Verma

مشہور مورخ لال بہادر ورما کا کورونا کی وجہ سے دہرادون کے ایک نجی اسپتال میں انتقال ہوگیا۔اس کی عمر 83 سال تھی۔

مسٹر ورما کے پسماندگان بیوی، ایک بیٹا اور ایک بیٹی ہے۔ پروفیسر ورما کے بیٹے ستیم ورما نے بتایا کہ اس کے والد کچھ دنوں سے کورونا میں مبتلا تھے، اور ان کا علاج چل رہا ہے۔ اس کا گردے بھی متاثر ہوا تھا۔ آج صبح 3 بجے کے قریب ان کی موت ہو گئی، اور ان کی آخری رسم ادا کر دی گئی۔

مسٹر ورما 10 جنوری 1938 کو بہار کے ضلع چھپرا میں پیدا ہوئے تھے۔ پروفیسر ورما کی ابتدائی تعلیم گورکھپور کے آنند نگر میں تھی۔ اسکے بعد انہوں نے گورکھپور یونیورسٹی سے لکھنؤ یونیورسٹی سے پوسٹ گریجویٹ اور گورکھپور یونیورسٹی سے پی ایچ ڈی کی سند حاصل کی۔ مسٹر لال بہادر ورما نے 1991ء سے 1998ء تک الہ آباد یونیورسٹی میں قرون وسطی اور جدید تاریخ کے شعبہ میں تعلیم دی۔

وہ تاریخ پر مبنی جریدہ کے ایڈیٹر تھے، اور انہوں نے یورپ کی تاریخ پر متعدد کتابیں لکھیں ہیں۔ تاریخ کے بارے میں ان کی ایک کتاب بہت مشہور ہوئی۔ مسٹر ورما سماجی تحریکوں میں سرگرم تھے، اور ثقاقفتی محاذ پر کام کرتے تھے۔ انہوں نے اپنی سوانح عمری بھی لکھی۔

Continue Reading

(جنرل (عام

پوری دنیا کو عیدالفطر کی پرخلوص مبارکبا د : بھیم سنگھ

Published

on

Bhim-Singh...

جموں وکشمیر نیشنل پنتھرس پارٹی کے صدراور ہندستانی سپریم کورٹ کے سینئر وکیل پروفیسر بھیم سنگھ اور پنتھرس ورکنگ کمیٹی نے عید کے موقع پر بھی مسجد اقصی یروشلم میں نماز پڑھتے وقت، غزہ اور دیگر مقامات پر اسرائیلی بندوقوں اور بموں سے دو چار فلسطینی بھائیوں سمیت پوری دنیا کے تمام مسلمان بھائیوں کو عیدالفطر کی دلی مبارکباد پیش کی ہے۔

پروفیسر بھیم سنگھ نے تمام فلسطینی بھائیوں کو عیدالفطر کی دلی مبارکباد پیش کرتے ہوئے امید ظاہر کی کہ ایک دن دنیا کو اس بات کا احساس ہوگا کہ فلسطینی بھی انصاف اور مساوات کے حق دار ہیں اور ان کو بھی فلسطین اور دیگر مقامات پر صیہونی حکمرانی سے دوچار اپنے بھائیوں اور بہنوں سے مبارکباد کا تبادلہ کرنے کا حق ہے۔

Continue Reading

(جنرل (عام

یو پی ایس سی کا امتحان اب 10 اکتوبر کو

Published

on

upsc

یونین پبلک سروس کمیشن (یو پی ایس سی) نے 27 جون کو ہونے والے سول سروسز کے پریلیم ایگزام-2021 کو ملتوی کر دیا ہے، اور اب یہ 10 اکتوبر کو ہوگا۔

کمیشن کے مطابق کووڈ-19 کی موجودہ صورتحال کے پیش نظر 27 جون کو طے شدہ سول سروسز پریلیم ایگزام ملتوی کر دیا گیا ہے، اور اب یہ امتحان 10 اکتوبر کو ہوگا۔

گذشتہ برس بھی یو پی ایس سی کا ابتدائی امتحان ملتوی ہونے کے بعد چار اکتوبر کو ہوا تھا، جبکہ مین ایگزام جنوری 2021 میں ہوا تھا۔

کمیشن نے کہا ہے کہ گذشتہ برس کے امیدواروں کے انٹرویو اور شخصیت کا جائزہ ابھی زیر التوا ہیں۔ انٹرویو اور کامیاب امیدواروں کی فہرست جاری ہونے کے بعد ہی اگلے سال کے امتحانات منعقد کیے جا سکتے ہیں۔

یو پی ایس سی، انڈین سول سروسز، انڈین پولیس سروسز، انڈین فارسٹ سروسز اور دیگر اہم سروسز کے لیے امیدواروں کا انتخاب کرنے کے لیے سول سروسز کا امتحان کرواتی ہے۔

Continue Reading
Advertisement

رجحان

WP2Social Auto Publish Powered By : XYZScripts.com