Connect with us
Wednesday,16-June-2021

بین الاقوامی خبریں

کرائسٹ چرچ کی دو مساجد پر دہشت گردانہ حملے کے ایک ماہ میں ہی اسلحہ لائسنس کا نیا قانون نافذ

Published

on

نیوزی لینڈ میں کرائسٹ چرچ کی دو مساجد پر دہشت گردانہ حملے میں 50 افراد کے قتل کے ایک ماہ سے کم عرصے میں ہی جمعہ کو اسلحہ لائسنس کا نیا قانون نافذ کردیا گیا۔
گورنر جنرل ڈیم پٹسی ریڈی نے جمعرات کی شب اس قانون پر دستخط کیا، جس کے بعد اس کو قانون کی حيثیت حاصل ہوگئی۔
نیوزی لینڈ کی پارلیمنٹ نے بدھ کے روز اس بل کو منظور کیا تھا۔ نئے اسلحہ لائسنس قانون کے مطابق شہریوں کے لئے فوجی ساخت کے نیم خود کار اسلحہ اور رائفل یا ان کے پرزے رکھنا غیر قانونی ہوگا۔
آرمس (ممنوعہ آتشیں اسلحہ، میگزین اور پرزے) ترمیمی بل کو پارلیمنٹ میں کامل اکثریت سے پاس کیا گیا، جس کے حق 119 ووٹ پڑے جبکہ مخالفت میں صرف ایک ووٹ آیا۔
نئے قانون کے مطابق غیر قانونی اسلحہ رکھنے پر ملزم کو پانچ سال کی قید کی سزا ہوسکتی ہے۔
نیوزی لینڈ کی حکومت نے 15 مارچ کو کرائسٹ چرچ کی مساجد پر دہشت گردانہ حملے کے فورا بعد فوجی طرز کے اسلحہ پر پابندی عائد کرنے کا عزم ظاہر کیا تھا، کیونکہ دہشت گرد حملہ آور نے نیم خود کار اسلحہ کا استعمال کیا تھا۔

بین الاقوامی خبریں

سعودی عرب نے پاکستانیوں کیلئے فلائٹس کی بحالی کا اشارہ دیا

Published

on

saudi arab

سعودی عرب میں تعینات پاکستانی سفیر بلال اکبر نے اشارہ دیا ہے کہ پاکستانیوں کی مملکت سعودی عرب میں واپسی کے لیے جلد فلائٹس بحال ہو جائیں گی۔

تفصیلات کے مطابق سعودی حکومت نے عالمی کورونا وباء کے پیش نظر پاکستان سمیت دیگر چند ممالک پر سفری پابندی عائد کر رکھی ہے، تاہم پاکستانی سفیر کی یقین دہانی کے بعد فلائٹس کی بحالی کے امکانات روشن ہوگئے ہیں۔

عرب میڈیا کی رپورٹ کے مطابق مملکت میں تعینات پاکستانی سفیر بلال اکبر کا کہنا ہے کہ پاکستانیوں کی سعودی عرب واپسی کے لیے جلد فلائٹس بحال ہو جائیں گی، پروازوں کی بحالی کے لیے سول ایوی ایشن اتھارٹی (سی اے اے) کے رابطے جاری ہیں۔

واضح رہے کہ سعودی حکومت نے گزشتہ ماہ بین الاقوامی پروازوں کی بحالی کا اعلان کیا، لیکن پاکستان سمیت دیگر کچھ ممالک پر پابندی برقرار رکھی۔

کورونا سے محفوظ قرار دیے گئے ممالک سے پروازیں سعودی عرب کے لیے آپریٹ ہورہی ہیں۔ جبکہ سعودی شہری بھی بیرون ملک سفر کر رہے ہیں، اس دوران کورونا ایس او پیز پر سختی سے عمل درآمد کرایا جا رہا ہے۔

وبائی صورت حال کو مدنظر رکھتے ہوئے مختلف ممالک نے اپنے حساب سے قرنطینہ اور کورونا سرٹیفکیٹ کی شرط رکھی ہے، اور اصولوں پر عمل کرنے والوں کو ہی پرواز کی اجازت دی جا رہی ہے۔

Continue Reading

بین الاقوامی خبریں

ہند بحرالکاہل خطے میں آزاد، ہمہ جہت نظام کا حامی ہے ہندوستان

Published

on

Eight-partner-countries

وزیر دفاع راجناتھ سنگھ نے ہند بحرالکاہل خطے میں مختلف ممالک کی خودمختاری اور علاقائی سالمیت کے احترام پر مبنی آزاد اور ہمہ جہت نظام کی اپیل کی ہے مسٹر سنگھ نے بدھ کے روز آسیان ممالک کے وزراء دفاع کی میٹنگ اے ڈی ایم ایم پلس سے خطاب کرتے ہوئے یہ بات کی۔ 10 آسیان ممالک کے وزرائے دفاع کی میٹنگ اے ڈی ایم ایم پلس میں آٹھ مذکراہ شراکت دار ممالک آسٹریلیا، چین، ہندوستان، جاپان، نیوزی لینڈ، کوریا، روس اور امریکہ نے بھی حصہ لیا۔ مسٹر سنگھ نے بات چیت اور بین الاقوامی قوانین و ضوابط کی بنیاد پر تنازعات کے پرامن حل پر زور دیا۔

انہوں نے کہا، ’ہندوستان نے قربت بڑھانے کے نقطہ نظر اور اقدار کے زور پر خطے میں امن، استحکام، اور ترقی کے لیے شراکت داری کو تقویت دی ہے۔‘ علاقائی اور بین الاقوامی سلامتی کے نقطہ نظر سے اپنی باتیں رکھتے ہوئے انہوں نے کہا کہ عالمی امن و سلامتی کو قدیم نظام کی مدد سے پختہ نہیں کیا جا سکتا۔

Continue Reading

بین الاقوامی خبریں

’حج 2021‘ کی سبھی درخواستیں منسوخ، سعودی حکومت کے اعلان کے بعد فیصلہ

Published

on

Hajj-2021

سعودی حکومت کے ذریعہ چند روز قبل صرف مقامی شہریوں کو حج 2021 کی اجازت دینے کے اعلان کو پیش نظر رکھتے ہوئے حج کمیٹی آف انڈیا نے حج 2021 کے لیے جمع کردہ سبھی درخواستوں کو آج منسوخ کرنے کا اعلان کر دیا۔ حج کمیٹی آف انڈیا کے چیف ایکزیکٹیو افسر مقصود علی خان نے جاری ایک اعلامیہ میں کہا کہ سعودی حکومت نے امسال عالمی سطح پر حج کے انعقاد نہ کرنے کا فیصلہ کیا ہے، اس لیے ہندوستان میں موصولہ حج کی تمام درخواستیں منسوخ کی جاتی ہیں، گزشےہ سال کی طرح اس مرتبہ بھی کورونا وباء کے پیش نظر یہ قدم اٹھانا پڑ رہا ہے۔

قابل ذکر ہے کہ سعودی حکومت نے کورونا بحران کی وجہ سے گزشتہ سال کی طرح امسال بھی کسی دوسرے ممالک کے شہری کو حج کرنے کی اجازت نہیں دی ہے۔

اس بار تقریباً 60 ہزار مقامی باشندوں کو ہی حج کی سعادت نصیب ہوگی، اور اس کے لیے بھی کئی طرح کے شرائط و ضوابط طے کیے گئے ہیں۔

بتایاجاتا ہے کہ 2021ء جسے سعودی عرب نے اپنے شہریوں اور مملکت میں موجود تارکین وطن کے لئے محدود کر دیا ہے، اُس کے لئے انٹرنیٹ رجسٹریشن کی شروعات کے اندرون چند گھنٹے 4 لاکھ 50 ہزار درخواستیں وصول ہوئی ہیں۔ تاہم، سعودی وزارت اُمور حج نے پہلے ہی اعلان کر دیا تھا کہ حج 2021ء کے لئے 60 ہزار عازمین کی درخواستیں قبول کی جائیں گی۔ اب تقریباً ہر 8 درخواستوں میں سے ایک کو قبول کرنا ہوگا، جس کا فیصلہ قرعہ اندازی کے ذریعہ کیا جائے گا۔ کورونا وائرس وباء کے سبب لگاتار دوسرے سال سعودی حکومت نے بیرونی شہریوں کو حج کی اجازت نہیں دی ہے۔ البتہ سعودی عرب کی تاریخ میں پہلی مرتبہ خواتین کو کسی محرم کے بغیر حج کے لئے درخواست داخل کرنے کی اجازت دی گئی ہے۔ چنانچہ وصول شدہ 4.5 لاکھ درخواستیں میں 40 فیصد خواتین شامل ہیں۔ اِس مرتبہ بھی حج کو صرف 18 سال اور 65 سال کے درمیان کی عمر والوں کے لئے محدود کیا گیا ہے اور اُن تمام کا کوویڈ ویکسین لیا ہوا ہونا ضروری ہے۔ اِس کے علاوہ تمام عازمین حج کو مکمل صحت یابی کی صورت میں ہی حج کی اجازت دی جائے گی۔ متعلقہ وزارت نے 3 حج پیاکیجس کا اعلان کیا ہے۔ پہلی کٹیگری میں 12,113 ریال کی لاگت آئے گی، دوسری کٹیگری کے لئے 14,381 ریال خرچ ہوں گے اور تیسرا زمرہ سب سے مہنگا ہے جس کے لئے عازم حج کو ٹیکس چھوڑ کر 16,560 ریال کے مصارف برداشت کرنے ہوں گے۔ گزشتہ سال صرف ایک ہزار عازمین نے حج کی سعادت حاصل کی تھی اور وہ تمام سعودی شہری یا سلطنت میں موجود تارکین وطن تھے۔ سعودی عرب بھی کورونا وائرس سے متاثر رہا، لیکن گزشتہ سال کے مقابل اِس بار وباء پر سلطنت میں بڑی حد تک قابو پایا جا چکا ہے۔ سعودی حکام نہیں چاہتے کہ بیرونی شہریوں کی آمد سے وباء کو دوبارہ پھیلنے دیا جائے۔

Continue Reading
Advertisement

رجحان

WP2Social Auto Publish Powered By : XYZScripts.com