Connect with us
Saturday,08-August-2020

بزنس

پرائیویٹ ٹرینوں کا کرایہ کمپنی خود طے کرے گی

Published

on

ریلوے نے 109 روٹوں پر جن 151 جدید ٹرینوں کو چلانے کا ٹینڈر جاری کیا ہے، ان کا کریہ طے کرنے کا اختیار ٹرینوں کا آپریشن چلانے والی کمپنیوں کو حاصل ہوگا۔
ریلوے کے ایک سینئر عہدیدار نے بتایا کہ پرائیویٹ کمپنی کو ٹرین کے اندر فراہم کی جانے والی خدمات جیسے کیٹرنگ، بیڈ کمبل، وائی فائی وغیرہ کے کرایے اور فیس کے بارے میں فیصلہ کرنے کی مکمل آزادی حاصل ہوگی۔ وہ چاہے تو سامان کے لیے الگ فیس بھی وصول کرسکتی ہے۔ تاہم، ان ٹرینوں کے ٹکٹوں کی فروخت انڈین ریلوے کیٹرنگ اینڈ ٹورزم کارپوریشن (آئی آر سی ٹی سی) کے ذریعہ ہی کی جائے گی۔
ریلوے نے 12 کلسٹروں کے 109 روٹوں پر ٹرینوں کے آپریشن کے لئے ٹینڈر کا پروسس شروع کردیا ہے۔ فی الحال، اہلیت کے لئے درخواستیں طلب کی گئی ہیں۔ ممکنہ درخواست دہندگان کے ساتھ پہلی میٹنگ 21 جولائی کو ہوگی اور دوسری میٹنگ 12 اگست کو ہوگی۔ درخواستیں 8 ستمبر تک جمع کی جاسکتی ہیں اور اس کے 60 دن بعد اہل درخواست دہندگان کے ناموں کا اعلان کیا جائے گا۔ اس کے بعد ، مالیاتی بولی لگانے کا پروسس شروع ہوگا۔
پرائیویٹ ٹرینوں کو چلانے کے لئے منتخب 12 کلسٹروں میں ممبئی خطے کے دو کلسٹر (ممبئی -1 اور ممبئی -2) اور دہلی زون میں دو کلسٹر (دہلی -1 اور دہلی -2) ہیں۔ ان کے علاوہ چنڈی گڑھ ، ہاؤڑہ، پٹنہ، الہ آباد، سکندرآباد، جے پور، چنئی اور بنگلورو سے ایک کلسٹر ہے۔ ہر ایک کلسٹر میں کم از کم 12 ٹرینیں چلیں گی۔

بزنس

عالمی بینک نے ہند-پاک آبی معاہدے میں ثالثی کرنے سے انکار کردیا

Published

on

عالمی بینک نے ہندوستان اور پاکستان کے درمیان پانی کی تقسیم کے معاہدے کو حل کرنے کے لئے ثالثی کرنے سے انکار کردیا ہے۔ عالمی بینک نے مشورہ دیا ہے کہ دونوں ممالک باہمی رضامندی سے مناسب راستہ نکال سکتے ہیں۔
روزنامہ اخبار ڈان کی رپورٹ کے مطابق پاکستان میں ورلڈ بینک کے سابق ​​ڈائریکٹر پچموتھو النگووان نے کہا کہ دونوں ممالک کو باہمی رضامندی کے ساتھ آگے بڑھنے کا سوچنا چاہئے۔
پاکستان نے سال 2016 میں عالمی بینک سے شکایت کی تھی اور اس معاملے پر فیصلہ دینے کے لئے مستقل ثالثی اتھارٹی (سی او اے) کی تقرری کی درخواست کی تھی جبکہ ہندوستان نے اختلافات کو حل کرنے کے لئے غیر جانبدار ماہرکمیٹی طلب کی تھی۔
مسٹر النگووان نے واضح کیا کہ ورلڈ بینک کے پاس 1960 کے سندھ آبی معاہدے کے تحت یکطرفہ فیصلہ کرنے کا کوئی التزام نہیں ہے۔

Continue Reading

بزنس

پٹرول اور ڈیزل کی قیمتیں مستحکم

Published

on

PETROL

ملک میں پٹرول کی قیمتیں ہفتے کے روز لگاتار 40 ویں دن اور ڈیزل کی قیمتیں مسلسل آٹھویں دن مستحکم رہی۔
ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں پٹرول کی قیمت 80.43 روپے فی لیٹر پر مستحکم رہی ، یہ 27 اکتوبر 2018 کے بعد کی بلند ترین سطح ہے۔ کولکتہ ، ممبئی اور چنئی میں بھی اس کی قیمتیں بالترتیب 82.05 ، 87.19 روپے اور 83.63 روپے فی لیٹر پر رہیں۔
دہلی میں ڈیزل کی قیمت 73.56 روپے فی لیٹر پر مستحکم رہی۔ اس کی قیمت کولکتہ میں 77.06 روپے ، چنئی میں 78.86 روپے اور ممبئی میں 80.11 روپے فی لیٹر پر مستحکم رہی۔
ملک کے چار بڑے میٹرو میں پٹرول اور ڈیزل کی قیمت (فی لیٹر ) مندرجہ ذیل تھی۔
میٹرو ———– پٹرول —————– ڈیزل
دہلی ———— 80.43 (فکسڈ) ———- 73.56 (فکسڈ)
کولکتہ ——— 82.05 (فکسڈ) ———- 77.06 (فکسڈ)
ممبئی ————- 87.19 (اسٹیشنری) ———- 80.11 (فکسڈ)
چنئی ———— 83.63 (فکسڈ) ———- 78.86 (فکسڈ)

Continue Reading

بزنس

اتار چڑھاؤ کے بعد سبز نشان میں رہا شیئر بازار

Published

on

عالمی سطح سے ملنے والے کمزور اشاروں کے ساتھ ساتھ گھریلو سطح پر سرمایہ کاری کے کمزور رجحان کی وجہ سے جمعہ کے روز شیئر بازار اتار چڑھاؤ کے بعد سبز نشان میں ہی بند ہونے میں کامیاب رہا۔ اس مدت میں، بی ایس ای کا سنسیکس 15.12 پوائنٹس اضافے کے ساتھ 38040.57 پوائنٹس پر اور نیشنل اسٹاک ایکسچینج (این ایس ای) کا نفٹی 13.90 پوائنٹس کے اضافے سے 11214.05 پوائنٹس پر رہا۔
بی ایس ای میں بیشتر گروپوں نے ہلکی سی برتری درج کی۔ توانائی زمرے میں سب سے زیادہ 1.21 فیصد اضافہ ہوا، جبکہ سی ڈی 1.73 فیصد، آئی ٹی 1.15 فیصد اور ٹیک 0.86 فیصد گراوٹ میں رہے۔ بی ایس ای میں مجموعی طور پر 2853 کمپنیوں کا کاروبار ہوا، جن میں سے 1664 سبز نشان میں اور 1036 سرخ نشان میں رہے جبکہ 163 میں کوئي تبدیلی نہیں آئي۔
عالمی سطح پر، بیشتر اہم انڈيکس گراوٹ کے شکار رہے، سوائے جرمنی کے ڈیکس کے جس میں 0.03 فیصد کا اضافہ درج کیا گیا۔ چین کا شنگھائی کمپوزٹ 0.96 فیصد، ہانگ کانگ کا ہینگسنگ 1.60 فیصد، جاپان کا نک‏ئی 0.39 فیصد اور برطانیہ کا ایف ٹی ایس ای 0.10 فیصد گراوٹ میں رہا۔

Continue Reading
Advertisement

رجحان

WP2Social Auto Publish Powered By : XYZScripts.com