Connect with us
Sunday,27-September-2020

قومی

مسلم یونیورسٹی میں دھرنے پر بیٹھے طلباء کا ساتویں روز بھی دھرنا جاری

Published

on

علی گڑھ مسلم یونیورسٹی میں طلباءو بی جے پی لیڈران کے درمیان ہوئے تصادم کے بعد اپنے مطالبات کو لیکر دھرنے پر بیٹھے طلباء کا ساتویں روز بھی دھرنا جاری ہے جہاں سیاسی جماعتوں سمیت سابق طلباء کے وفود کے آنے کا سلسلہ جاری ہے وہیں مقرین اپنے اپنے طریقہ سے طلباء کی حوصلہ افزائی کے لئے دھرنے کو جائز ٹھہرانے کا کام کر رہے ہیں وہیں دوسری جانب بر سر اقتداربھارتیہ جنتا پارٹی کے لیڈران بھی طلباء کے خلاف کاروائی کئے جانے کے لئے متعدد وزراء وافسران پر دباؤ بنائے ہیں۔
ضلع و پولس انتطامیہ بھی اپنی کوششوں سے حالات پر نظر بنائے رکھنے کے علاوہ جانچ کے بعد کاروائی کئے جانے کی مہم میں لگا ہوا ہے۔
واضح ہو کہ گذشتہ کئی روز قبل مسلم یونیورسٹی میں منعقد ہونے والی تمام مسلم تنظیموں کے اعلیٰ عہدے داران کی ایک سیمینار میں ایم آئی ایم کے صدر و ممبر پارلیامنٹ اسد الدین اویسی کی شمولیت کی مخالفت کر رہے بی جے پی کارکنان کی کارگذاری کی کوریج کرنے کے نام پر ایک پرائیویٹ چینل کی اینکر نے بغیر اجازت مسلم یونیورسٹی کیمپس میں داخل ہوکر اس وقت سنسنی پھیلا دی جب اس نے لائیو ٹیلی کاسٹ کے دوران مسلم یونیورسٹی کو دہشت گردی کا اڈہ بتاتے ہوئے اپنا بیان جاری رکھا حالانکہ اس درمیان طلباء کے وہاں پہنچنے سے قبل ہی سیکیورٹی افسران نے اس لائیو کوریج کو روکنے کی پر زور کوشش کی لیکن ٹی وی رپورٹر اس کے باوجود اپنا کوریج اسی طرح جاری رکھا یہاں تک کہ کیمپس میں طلباء کی بھیڑ جمع ہو گئی اور ٹی وی رپورٹر کو وہاں سے جانا پڑا اسی دوران بے جے پی کے لیڈر مکیش لودھی اور ان کے ہمراہ ایل ایل ایم کے طالب علم اجے سنگھ بھی وہاں پہنچ گئے ٹی وی پورٹر کی حمایت میں وہ طلباء سے الجھ گئے جہاں دونوں گروہوں کے درمیان بحث کے بعد معاملہ مارپیٹ تک جا پہنچا ۔اجے سنگھ کی دادا ٹھاکر دلویر سنگھ موجودہ حکومت میں ممبر اسمبلی ہیں ۔اس اثر رسوخ کے سبب اجے سنگھ و مکیش لودھی کی تحریر پر طلباء کے خلاف ملک سے غداری تک کے الزامات عائد کرتے ہوئے پولس نے رپورٹ درج کر لی لیکن طلباء کی تحریر پر کسی کے بھی خلاف کوئی رپورٹ نہ لئے جانے سے ناراض طلباء یونین مسلم یونیورسٹی طلباء کے ساتھ ساتھ روز سے دھرنے پر ہے ۔جہاں اے ایم یو اولڈ بوائز ایسو سی ایشن دہلی کے عہدے داران نے طلباء سے دھرنے پر جاکر ملاقات کی۔
اس درمیان طلباء یونین کے سابق صدر و دہلی ہائی کورٹ کے معروف وکیل زیڈ کے فیضان نے طلباء کو یقین دہانی کرائی ہے کہ جو بھی قانونی و دیگر مدد ممکن ہوگی اس کو ہر صورت میں ان کی جانب سے دیا جائیگا۔ایسو سی ایشن دہلی کی سیکریٹری جنرل فوزیہ رحمان نے کہا کہ جس طرح سے طالبات دھرنے پر موجود ہیں اور اپنے ادارے کے تحفظ اور اپنے حقوق کے لئے میدان میں ہیں اس سے معلوم ہوتا کہ آج مسلم یونیورسٹی کا طالب علم کسی سے کمزور نہیں ہے وہ اپنے حق کو لینا جانتا ہے۔
انہوں نے اعلان کیا کہ طلباء کے جائز مطالبات کے لئے وہ دہلی میں جنتر منتر پر ایک روزہ دھرنا بھی دیں گی تاکہ حکومت کو یہ احساس کرایا جا سکے کہ مسلم یونیورسٹی کے طلباء اکیلے نہیں ہے اور ان کے ساتھ لاکھوں وہ افراد بھی ہیں جو پوری دنیا میں اس ادارے کی بقاء کے لئے سرگرم عمل ہیں۔

بزنس

ڈیزل سستا، پیٹرول کی قیمتیں مستحکم

Published

on

petrol

جمعہ کو مسلسل تیسرے دن ملک میں پٹرول کی قیمتیں مستحکم رہیں، جب کہ دو دن تک مستحکم رہنے کے بعد ڈیزل کی قیمتوں میں چار بڑے میٹرو میں 17 سے 20 پیسے فی لیٹر کمی کی گئی اس سے قبل سرکاری تیل کمپنیوں نے منگل تک مسلسل چھ روز ڈیزل کی قیمتوں میں کمی کی تھی، جبکہ تین دن بعد پٹرول کی قیمت میں بھی نو پیسے کی کمی کی گئی تھی۔
دنیا میں کورونا وائرس کے وباء کی وجہ سے ابھی تک خام تیل کی طلب میں اضافہ نہیں ہوا ہے۔
انڈین آئل کے مطابق دہلی میں آج پٹرول 81.06 روپے فی لیٹر رہا، جب کہ ڈیزل 18 پیسے سستا ہوکر 71.10 روپے فی لیٹر ہوگیا۔
ممبئی میں پٹرول 87.74 روپے فی لیٹر پر مستحکم رہا اور ڈیزل 20 پیسے کی کمی سے 77.54 روپے فی لیٹر ہوگیا۔
کولکتہ میں پٹرول 82.59 روپے فی لیٹر پر برقرار ہے، جبکہ ڈیزل کی قیمت 18 پیسے کی کمی سے 74.62 روپے فی لیٹر ہوگئی۔
چنئی میں پٹرول کی قیمت 84.14 روپے فی لیٹر رہی جبکہ ڈیزل 17 پیسے کی کمی سے 76.55 روپے فی لیٹر پر فروخت ہورہا ہے۔

Continue Reading

بزنس

ریلائنس جیو دیہی علاقے میں بھی ووڈا ۔ آئیڈیا کو پیچھے چھوڑتے ہوئے نمبر ون ہوگیا

Published

on

JIO

مکیش امبانی کی ریلائنس جیو نے شہروں کے بعد اب گاؤں میں بھی اپنی پکڑ مضبوط کرلی ہے جمعرات کو ٹیلی کام ریگولیٹری اتھارٹی آف انڈیا (ٹرائی) کے جاری کردہ اعداد و شمار کے مطابق ریلائنس جیو نے ووڈا-آئیڈیا کو پیچھے چھوڑتے ہوئے دیہی ہندوستان میں پہلا مقام حاصل کرلیا ہے۔ دیہی علاقوں میں جیو کے صارفین کی تعداد 16.63 ملین سے زیادہ ہوچکی ہے۔
جون میں ریلائنس جیو نے دیہی علاقوں میں 24 لاکھ 45 ہزار سے زیادہ صارفین کو اپنے نیٹ ورک میں شامل کیا۔ اسی عرصہ میں تقریبا 24 لاکھ اور ایئر ٹیل کے 20 لاکھ 68 ہزار دیہی صارفین واوڈا آئیڈیا کو چھوڑ دیا۔ جون کے آخر میں دیہی ہندوستان میں ووڈا۔ آئیڈیا کے صارفین 16.6 ملین اور ایئرٹیل کے تقریبا 15 کروڑ دس لاکھ رہ گئے ہیں۔
یہی نہیں مجموعی صارفین کے معاملوں میں بھی جیو باقی حریفوں سے بہت آگے لگتا ہے۔ جون کے آخر تک 39 کروڑ 72 لاکھ سے زیادہ صارفین جیو نیٹ ورک استعمال کر رہے تھے۔
ریلائنس جیو نے مئی کے مہینے کے مقابلے میں جون میں تقریبا 45 لاکھ نئے صارفین کا اضافہ کیا۔ اس عرصے کے دوران صرف ریلائنس جیو نئے صارفین بنانے میں کامیاب رہا جبکہ دیگر کمپنیوں نے بڑی تعداد میں صارفین کو کھو دیا۔

Continue Reading

بزنس

پٹرول اور ڈیزل کی قیمتوں میں کمی

Published

on

petrol

بین الاقوامی مارکیٹ میں گزشتہ کچھ وقت سے قیمتوں میں نرمی کے پیش نظر گھریلو تیل کمپنیوں نے سنیچر کے روز پٹرول اور ڈیزل کی قیمتوں میں کمی کی۔ ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں پٹرول کی قیمت 13 پیسے کم ہو کر 81.86 روپے فی لیٹر ہوگئی۔ کولکتہ اور ممبئی میں بھی اس کی قیمت 13۔13 پیسے کم ہوکر بالترتیب 83.36 روپے اور 88.51 روپے فی لیٹر رہی ۔ چنئی میں پٹرول 11 پیسے سستا ہوا اور 84.85 روپے فی لیٹر فروخت ہوا۔ ان چار شہروں میں ڈیزل کی قیمت 12-12 پیسے کم ہوئی ۔ ایک لیٹر ڈیزل کی قیمت دہلی میں 72.93 روپے ، کولکتہ میں 76.43 روپے ، ممبئی میں 79.45 روپے اور چنئی میں 78.26 روپے رہی ۔
ملک کے چار بڑے شہروں میں پٹرول اور ڈیزل کی قیمت (فی لیٹر میں) مندرجہ ذیل ہے ۔
شہر ———– پٹرول —————– ڈیزل
دہلی ———— 81.86 (13- پیسے) ——- 72.93 (12- پیسے)کولکتہ ——— 83.36 (13- پیسے) ——- 76.43 (12- پیسے)
ممبئی ————- 88.51 (13- پیسے) ——- 79.45 (12- پیسے)
چنئی ———— 84.85 (11- پیسے) ——- 78.26 (12 – پیسے)

Continue Reading
Advertisement

رجحان

WP2Social Auto Publish Powered By : XYZScripts.com