برازیل میں گزشتہ 24 گھنٹوں کے دوران کورونا وائرس کے 38000 نئے معاملے درج کئے گئے۔
وزارت صحت کی جانب سے سنیچر کو جاری کئے گئے اعداد و شمار کے مطابق ملک میں 24 گھنٹوں کے دوران اس انفیکشن کے 37923 نئے معاملے درج کئے گئے اور اس دوران 1091 مریض کی اس کے سبب اموات ہوئیں۔ ملک میں اب تک 1577004 لوگو اس وبا کی زد میں آچکے ہیں اور 64265 لوگوں نے اب تک اس سے میں اپنی جان گنوائی ہے۔
برازیل میں اس سے ایک دن قبل یعنی جمعہ کو کورونا کے 42223 نئے معاملے ریکارڈ کئے گئے تھے اور 1290 لوگوں کی اس کے سبب موت ہوئی تھی۔ برازیل کورونا سے متاثر ہونے اور اس کے سبب ہونے والی اموات کے معاملے میں امریکہ کے بعد دوسرے مقام پر ہے۔

نائیجیریا کے تجارتی مرکز لاگوس میں ایک کشتی حادثے کا شکار ہونے کے سبب چھ لوگوں کی موت اور ایک شخص لاپتہ ہوگیا۔
نیوز ایجنسی آف نائیجیریا (نان) نے سنیچر کو اپنی رپورٹ میں یہ اطلاع دی۔ ایجنسی نے اپنی رپورٹ میں لاگوس ریاست کی واٹر ویز اتھارٹی کے حوالے سے بتایا کہ ایکوروڈو کے نزدیک پیش آئے اس حادثے کے بعد راحت اور بچاؤ کام جاری ہے۔ لاسوا کے جنرل مینیجر اولوواڈ میلولا نے بتایا کہ اس کشتی پر کیپٹن سمیت 21 افراد سوار تھے، جن میں سے 14 کو بحفاظت بچا لیا گیا ہے۔
یہ حادثہ مقامی وقت کے مطابق جمعہ کو تقریباً آٹھ بجکر 30 منٹ پر ایکوروڈ کے نزدیک اوووڈے۔ ابیشے میں پیش آیا۔

امریکہ کے ٹیکسس میں ایک دن میں کورونا وائرس (کوویڈ -19) کے 8200 نئے معاملے درج کئے گئے ۔
مقامی محکمہ صحت نے بتایا کہ ہفتے کو جب ملک یوم آزادی منا رہا تھا،اس دن ٹیکسس میں کوویڈ19 کے 8258 نئے معاملے درج کئے گئے اور 33 لوگوں کی اس وجہ سے موت ہوئی۔ٹیکسس میں کورونا سے اب تک 191790 لوگ متاثرہوچکے ہیں اور 2608 لوگوں نے اس کی وجہ سے جان گنوائی ہے۔وہیں 97000 ہزار لوگ اب تک اس وبا سے ٹھیک ہوئے ہیں۔