Connect with us
Saturday,12-June-2021

قومی

یوسف پٹھان کا کرکٹ کے سبھی فارمیٹوں سے ریٹائرمنٹ

Published

on

Yousuf-Pathan

ہندوستان کے آل راونڈر یوسف پٹھان نے جمعہ کے روز کرکٹ کے سبھی فارمیٹ سے ریٹائرمنٹ لینے کا اعلان کیا۔ یوسف پٹھان نے ٹویٹر پر اپنے ریٹائرمنٹ کا اعلان کیا۔ 38 سالہ آل راؤنڈر نے کرکٹ کے تمام فارمیٹوں سے ریٹائرمنٹ کا اعلان کرتے ہوئے ٹویٹ کیا، “میں سبھی طرح سے حمایت کرنے اور پیار دینے کے لئے اپنے کنبے، دوستوں، مداحوں، ٹیم، کوچوں اور ملک کا پورے دل سے شکریہ ادا کرتا ہوں۔ مجھے یقین ہے کہ آپ سب مستقبل میں بھی میری حوصلہ افزائی کرتے رہیں گے۔

یوسف نے اپنے کرکٹ کیریئر میں 57 ون ڈے اور 22 ٹی ٹونٹی انٹرنیشنل میچ کھیلے۔ انہوں نے ایک روزہ بین الاقوامی میچ میں کل 810 رنز اور ٹی ٹوئنٹی میں 236 رن بنائے۔ بین الاقوامی کرکٹ میں ان کے کیریئر کا سب سے اہم وقت 2010 میں تھا جب انہوں نے بنگلور میں نیوزی لینڈ کے خلاف ناٹ آوٹ 123 رنز بنائے تھے۔ اس میچ میں ہندوستان 316 رن کے ہدف کا تعاقب کرنے اترا تھا۔ یوسف نے آف اسپن گیندبازی بھی کہ اور بین الاقوامی کرکٹ میں 46 وکٹیں حاصل کیں۔

یوسف 2007 میں ٹی 20 ورلڈ کپ اور 2011 میں ون ڈے ورلڈ کپ جیتنے والی ہندوستانی ٹیم کا حصہ تھے۔ یوسف 12 سال تک انڈین پریمیر لیگ (آئی پی ایل) کا بھی حصہ رہے۔ وہ آئی پی ایل میں راجستھان رائلز اور کولکتہ نائٹ رائڈرز کے لئے کھیلے۔ انہوں نے آئی پی ایل میں مجموعی طور پر 3204 رنز بنائے اور 42 وکٹیں حاصل کیں۔

یوسف نے فرسٹ کلاس کرکٹ میں اپنے کیریئر کی شروعات 02-2001 میں کی تھی۔ وہ 02-2001 کے گھریلو سیزن میں سوراشٹر کے خلاف بڑودہ کے لئے کھیلے تھے۔ انہوں نے فرسٹ کلاس کرکٹ میں مجموعی طور پر 4800 رن بنائے اور 201 وکٹیں حاصل کیں۔

قومی

راہل دراوڑ ہندوستانی ٹیم کے ساتھ بطور ہیڈ کوچ سری لنکا کے دورے پر جائیں گے

Published

on

Rahul-Dravid

نیشنل کرکٹ اکیڈمی (این سی اے) کے سربراہ اور سابق ہندوستانی کپتان راہل دراوڑ جولائی میں سری لنکا کے دورے پر انڈیا اے ٹیم کے ساتھ بطور ہیڈ کوچ جائیں گے، ٹیم کے کوچنگ اسٹاف میں بھی ان کے این سی اے کے ساتھی ممبر بھی شامل ہوں گے سمجھا جاتا ہے کہ سری لنکا کے دورے پر جانے والی ہندوستانی ٹیم کو 13 جولائی کو پہلے ون ڈے سے پہلے کم سے کم ایک ہفتہ کا وقت دیا جائے گا۔ بی سی سی آئی نے ابتدا میں بنگلورو میں تربیتی کیمپ کی میزبانی کرنے کا سوچا تھا، لیکن کورونا وائرس اور بدستور لاک ڈاؤن کی وجہ سے خراب ہوتی صورتحال نے اس امکان کو ختم کر دیا۔

اطلاعات کے مطابق ہندوستانی ٹیم دورے کے لئے روانہ ہونے سے پہلے کوارنٹین میں رہے گی، اور اسے ضرورت پڑنے پر سری لنکا پہنچنے پر بھی آئیسولیشن سے گزرنا پڑسکتا ہے، جو سری لنکا میں بایو پروٹوکول پر منحصر کرتا ہے۔

دریں اثنا، منگل تک سری لنکا کی وزارت صحت کی رہنما خطوط میں کہا گیا ہے کہ ہندوستان، ویتنام، جنوبی افریقی اور جنوبی امریکہ کے ممالک کے ان لوگوں کو صرف ایک ہی دن کی کوارنٹین میں رہنا ہوگا، جنہوں کورونا ویکسین کی دونوں ڈوز لے لی ہیں۔ یہ ضابطہ 30 جون تک نافذ ہے۔ حکم نامے میں یہ بھی کہا گیا ہے کہ رہنما خطوط 30 جون کے بعد تبدیل ہوسکتے ہیں، اور جب تک ہندوستانی ٹیم سری لنکا روانہ نہیں ہوگی اس وقت تک مختلف قواعد لاگو ہو سکتے ہیں۔ مختلف قواعد ان لوگوں کے لئے بھی لاگو ہو سکتے ہیں، جنہوں نے ویکسین کی ایک ہی ڈوز لگوائی ہے۔

Continue Reading

قومی

پاٹھک کا انتقال یو پی سی اے کے لئے ناقابل تلافی نقصان : راجیو شکلا

Published

on

Rajiv Shukla

اتر پردیش کرکٹ ایسوسی ایشن (یوپی سی اے) کے ڈائریکٹر پریم دھر پاٹھک کے انتقال پر پیر کے روز یہاں کملا کلب میں منعقدہ ایک تعزیتی اجلاس ہندوستانی کرکٹ کنٹرول بورڈ (بی سی سی آئی) کے سینئر نائب صدر راجیو شکلا نے پاٹھک کے انتقال کو ایسوسی ایشن کے لئے بڑا نقصان قرار دیا۔ یو پی سی اے کے سکریٹری یدھ ویر سنگھ نے کہا کہ 86 سالہ پاٹھک نے تقریباً 25 برس تک پردیش کرکٹ ایسوسی ایشن کی خدمت کی ہے۔ یہ ان کے لئے ناقابل تلافی نقصان ہے۔

سی او او دیپک شرما اور خزانچی اروند سریواستو نے بھی ان کے ساتھ گزارے کچھ یادگار لمحات کو یاد کیا۔ ہدایتکار پریم منوہر گپتا نے بھی کچھ یادگار لمحات سب کے سامنے شیئر کئے۔

واضح رہے کہ یو پی سی اے کے ڈائرکٹر پاٹھک کا گزشتہ جمعہ کے روز شاہجہاں پور میں انتقال ہوگیا تھا۔

Continue Reading

قومی

کورونا سے متاثر ہونے پر کھلاڑیوں کو باہر کر دیا جائے گا : بی سی سی آئی

Published

on

BCCI-&-IPL

ہندوستانی کرکٹ کنٹرول بورڈ (بی سی سی آئی) نے انگلینڈ دورے پر جانے والے کھلاڑیوں کو سخت ہدایت دیتے ہوئے کہا کہ اگر کوئی کھلاڑی کورونا سے متاثر ہوتا ہے، تو اس کو ٹیم سے باہر کر دیا جائے گا، ٹیم کے فیزیو یوگیش پرمار نے کھلاڑیوں کو سخت ہدایت دیتے ہوئے کہا کہ ممبئی میں کورانٹین ہونے سے پہلے سبھی کھلاڑی احتیاط برتیں، اور اپنے آپ کو الگ تھلگ رکھیں۔

ٹیم انڈیا 19 مئی سے ممبئی کے بایو ببل میں داخل ہوسکتی ہے۔ اس کے بعد انگلینڈ پہنچ کر ٹیم کو دس روز کوارنٹین میں رہنا ہوگا۔

Continue Reading
Advertisement

رجحان

WP2Social Auto Publish Powered By : XYZScripts.com